6
A Thupimi Thukham
1 “ Bawipa nan Pathian in nanmah zirh dingih i fialmi a thu le a daan hmuahhmuah cu hihi an si. Nan luah dingmi ram nan thlen tikah hi daan pawl cu thlun uh.
2 Cutawkih caan reipi nan um theinak dingah nanmah le nan tefa pawl in nan nunsung hmuahhmuah Bawipa nan Pathian cu nan òihzah pei ih ka lo pekmi amah ih daan pawl cu nan thlun pei.
3 Maw Israel mi pawl, cuih thu cu nan ngai ih nan thlun a si ahcun nan lamzin a tluang dingih kan pupa pawl ih Pathian, Bawipa ih in tiam vekin miphun lian zet ah nan cang dingih cawhnawi le khuaitizu luannak ramnuam ahcun nan um ding.
4 “Maw Israel mi pawl, òha tein ngai uh! Bawipa amah pakhat lawng hi kan Pathian a si.Ref 6:4 Mar 12:29;
5 Bawipa nan Pathian cu nan thinlung zate, nan nunnak zate le nan thazang zate in nan duhdawt pei.Ref 6:5 Mat 22:37; Mar 12:30; Luk 10:27;
6 Tuih sun ih ka lo pekmi thukham pawl hi nan thinlung sungah cam ringring seh.
7 Nan faate pawl zirh sin uh. Inn nan um tikah siseh, lengih nan feh tikah siseh, sim ringring uh. Nan colh tik le hna nan òuan tik khalah saal ringring uh.
8 Nan baan ah òem uhla, a lo theitertu dingah nan cal ah ben uh.
9 Nan inn sangka tlunah le nan kotka par khalah ngan uh.”Ref 6:6-9 Daan 11:18-20;
Moses In Ralrinnak A Pek
10 “ Bawipa kan Pathian in nanmah ih nan din lomi khuapi tum zetzet a umnak ram cu ka lo pe ding tiah nan pupa Abraham, Isaak le Jakob hnenah thu a kam.Ref 6:10 Sem 12:7; 26:3; 28:13;
11 Cuih khuapi sungih inn pawl cu nanmah ih nan khawl lomi thil òhaòha in a khat, nanmah ih nan laih lomi tikhur pawl a um dingih nanmah ih nan tuah lomi sabit hmuan le Olif hmuan pawl an um ding. Bawipa in cuih ram ih a lo thlenpi hai tikah le nan hiarmi hmuahhmuah khop zet ih ei ding nan neih tikah,
12 Sal nan taannak Izipt ram ihsin a lo suahtu Bawipa cu nan hngilh lonak dingah fimkhur zet in nan nung pei.
13 Bawipa nan Pathian lawnglawng nan òihzah pei. Amah lawng nan rian pei ih amah ih hmin lawngin thukamnak nan tuah pei.Ref 6:13 Mat 4:10; Luk 4:8;
14 Nan kiangkap ih a ummi miphun pawl ih khawzing pawl nan biak lo pei.
15 Nan biak asile Bawipa ih thinhennak nan parah meisa bangin a thleng dingih a lo cimitter hai ding; ziangahtile Bawipa nan Pathian, nan hnenih a ummi cu thiik neimi Pathian a si.
16 “ Bawipa nan Pathian cu, Massah ih nan rak hniksak zo bangtuk cun hniksak nawn hlah uh.Ref 6:16 Suah 17:1-7; Mat 4:7; Luk 4:12;
17 A lo pekmi daan hmuahhmuah cu fel tein thlun uh.
18 Bawipa ih hmaika ah a dikmi le a òhami tuah uhla nan lam a tluang ding. Cuticun ramòha cu nan pupa hnenih Bawipa ih thukamnak bangin nan luah dingih,
19 a lo tiam bangin nan ral pawl nan dawisuak ding.
20 “Hmailam tikcu caan ah nan faale pawl in, “Zianghrangah Bawipa kan Pathian in hi daan pawl hi thlun dingah a lo fial?” tiih thu an lo sut tikah,
21 an hnenah, “Izipt siangpahrang kuthnuai ah saltangmi kan rak si ih Bawipa in a baan thacak in, in runsuak.
22 Mangbangza thil tampi le rapthlakza thil tampi cu Izipt mi parah le an Faro siangpahrang le a kuthnuai ih bawi pawl parah a thlentermi kha kan mit rori in kan hmu a si.
23 Izipt ram ihsin in luatter ih kan pupa pawl hnenih thu a kam bangin hi ram luah dingah in fehpi.
24 Curuangah Bawipa kan Pathian in hi thukham pawl le daan pawl cu thlun dingah le amah òihzah dingah in fial a si. Cutiih kan tuah asile kannih cu in kilkhawi dingih in òhangsoter ding.
25 Amah ih thupekmi hmuahhmuah felteih kan thlun thei a si ahcun Pathian cu kan parah a lung a awi zet ding,” tiah nan ti pei,” a ti.