26
Rawl Thar Pekmi
1 “ Bawipa nan Pathian in ro ih a lo pekmi ram nan luah ih nan um hnuah,
2 nan leiram ihsin a suak ih nan neihmi rawl thar hmuahhmuah cu bawm sungah nan san pei ih nan Pathian biaknak hmunah nan keng pei.Ref 26:2 Suah 23:19;
3 Cutawkih hnaòuantu puithiam hnenah, “Kan pu le kan pa hnenah pe dingih a rak tiam zomi hi ram ah ka thleng zo a si, ti langternak ah hi thil cu Bawipa ka Pathian hnenah ka pek a si,” tiah a ti pei.
4 “Cutikah na bawm cu puithiam in a cawi pei ih Bawipa na Pathian ih biakòheng hmai ahcun a ret pei.
5 Cule Bawipa na Pathian ih hmaiah nang in, “Ka pu cu Aram mi a si ih, inn nei lo mivakvai a rak si. Izipt ram ih a vung feh tikah a innsang cu mi malte lawng an si. Asinan Izipt ram sungah mi tam zet le miphun tum zet ah an cang.
6 Cule Izipt mi pawl in, in tisiat ih sal ah in tuah; hnaòuan khung in òuanter.
7 Bawipa, kan pu le kan pa ih Pathian hnenah kan au ih kan aunak aw cu a thei; kan tuarnak, kan harsatnak le kan zonzaihnak a hmu.
8 Curuangah a huham le a cahnak ban pharh in mangbangza thil khawruahhar le rapthlakza thil pawl cu a tuah ih Izipt ram ihsin in runsuak.
9 Hi ram ah in thlenpi ih cawhnawi le khuaitizu a luannak ram hi in pek.
10 Curuangah amah Bawipa ih in pekmi rawl thar pawl cu Bawipa ih hnenah ka pek a si,” tiah òihzahnak thawn na ti pei.
“Cun Bawipa na Pathian hmai ahcun na bawm cu na òhum pei ih Bawipa cu lukun in na biak pei.
11 Cule Bawipa nan Pathian in thluasuah a phunphun a lo pek ruangah na innsang le Levi mi pawl le nanmah lakih a ummi ramdangmi pawl thawn lungawi aipuang in nan lawm pei.
12 “Kum thumnak ah nan lo rawl òhenhra ih òhenkhat cu Levi mi, ramdangmi, nu le pa nei lo farah le nuhmei pawl hnenah nan pek pei. Cuticun an òul zat in cuih khuasung ah ei ding an nei ciar ding a si. Cutiih nan tuah òheh tikah,Ref 26:12 Daan 14:28, 29;
13 Bawipa nan Pathian ih hnenah, “Òhenhra òhenkhat thianghlim cu ka inn ah zianghman a tang nawn lo; Levi mi, ramdangmi, nu le pa nei lo farah le nuhmei pawl hnenah thu i pek bangtukin ka pe thluh zo. A thiangmi òhenhra òhenkhat thu ahcun na thupek bangtukin ka tuah thluh zo, hrelhmi ka nei lo; hngilhmi khal ka nei lo.
14 Mithi ngai in ka um lai òhenhra òhenkhat sungin ka eimi a um lo; mithiang lo ka si lai ah ka inn ihsin hmundang ah ka thiarmi a um lo ih mithi ka siahmi khal a um fawn lo. Maw Bawipa ka Pathian, na thu ka lo ngai ih na thupekmi cu ka tuah thluh zo.
15 Vancung na umnak hmun thianghlim, vancung ihsin Israel na minung pawl cu run thluasuah awla kan pi le kan pu hnenih na rak tiam bangtukin hi ram, cawhnawi le khuaitizu a luannak ram tla hi thluasuah run pe hram aw,” tiah nan ti pei.”
Bawipa Ih Miphun
16 “Tuih sun ah Bawipa nan Pathian in a lo pekmi daan hmuahhmuah thlun dingah a lo fial. Curuangah nan thinlung le nan nunnak zate thawn pom in thlun uh.
17 Tuih sun ah Bawipa cu nan Pathian ah nan hril zo. A thu ngai dingah le a daan le a thukham pawl thlun dingah nan kam aw zo a si.
18 A lo tiamkam bangtukin tuih sun ah Bawipa in amah ih minung taktak, a sunloihmi si dingah a lo pom hai. Curuangah a daan hmuahhmuah thlun dingin a lo fial a si.Ref 26:18 Suah 19:5; Daan 4:20; 7:6; 14:2; Tit 2:14; 1 Pit 2:9;
19 Leitlun ih a semsuahmi miphun hmuahhmuah hnakin hmun sang deuh ah a lo ret hai ding. A lo tiamkam bangtukin nannih cu amah ih miphun thianghlim nan si pei ih amah ih hmin cu a thangòhattu le a cawimawitu nan si ding,” tiah a ti.