27
Pathian Ih Daan Lungto Parah
1 Cun Moses le Israel hotu pawl in misenpi hnenah, “Tuih sun ih kan lo pekmi thukham hmuahhmuah cu nan thlun thluh pei.
2 Jordan Tiva nan tan ih Bawipa nan Pathian ih a lo pekmi ram nan thlen ni ah lungpheng tum pipi nan phun pei ih si nan hnih hnuah,
3 hi daan le thuzirhnak hmuahhmuah hi nan ngan pei. Bawipa, nan pu le nan pa ih Pathian in a lo tiamkam bangin cawhnawi le khuaitizu a luannak ram ah nan luh ih,
4 Jordan Tiva ral nan thlen tikah hi lungpheng tum pipi cu tuih sun ih ka lo ti bangtukin Ebal Tlang parah nan phun pei ih si nan hnih pei.
5 Thir hriamhrei ih ser lomi lungto in biakòheng nan dawl pei;
6 ziangahtile Bawipa nan Pathian hrangih nan dawlmi biakòheng cu thir hriamhrei ih ser lomi lungto in a si ding. Cutawkah mei-ur thawinak le,Ref 27:5, 6 Suah 20:25;
7 remnak thawinak pawl tla nan pek pei ih Bawipa nan Pathian hmaiah lungawite in nan ei tlang pei.
8 Si nan hnihmi lungto parah cun Bawipa ih pekmi daan pawl hmuahhmuah cu felte le kim zet in nan ngan pei,” tiah a ti.Ref 27:2-8 Jos 8:30-32;
9 Cun Moses le Levi mi puithiam pawl in misenpi hnenah, “Maw Israel mi pawl, dai tein um uhla òha tein ngai hnik uh. Atu ihsin Bawipa nan Pathian ih minung ah nan cang zo;
10 curuangah tuih sun ih kan lo pekmi daan hmuahhmuah hi pom uhla thlun uh,” tiah a ti.
A Thlunlotu Parah Camsiatnak
11 Cule Moses in Israel misenpi hnenah,
12 “Jordan Tiva nan tan hnuah misenpi parih thluasuah pek a si tikah a tanglam hrin pawl cu Gerizim Tlangah an ding pei: Simeon hrin, Levi hrin, Judah hrin, Issakhar hrin, Josef hrin le Benjamin hrin an si pei.Ref 27:12 Daan 11:29; Jos 8:33-35;
13 Cule camsiatnak pek a si tikah a tanglam hrin pawl: Reuben hrin, Gad hrin, Asher hrin, Zebulun hrin, Dan hrin le Naftali hrin cu Ebal Tlangah an ding pei.
14 Cun Levi mi pawl in hitiin ring zet in an au pei:
15 “Lungto in siseh, thir in siseh, milem tuah tahrat in a thup tein a betu cu Pathian ih camsiatnak tuarseh; Bawipa in milem biak cu a hua a si.” an ti tikah,Ref 27:15 Suah 20:4; 34:17; Pui 19:4; 26:1; Daan 4:15-18; 5:8;
“Misenpi pawl in, “Amen,” an ti pei.
16 “A nu, asilole a pa ningzahnak a tuahtu cu Pathian ih camsiatnak tuarseh!” an ti tikah,Ref 27:16 Suah 20:12; Daan 5:16;
“Misenpi pawl in “Amen,” an ti pei.
17 “A unau Israel mi ih ramri a òhinsaktu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:17 Daan 19:14;
18 “Mitcaw zinpeng a zawhtertu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:18 Pui 19:14;
19 “Ramdangmi le nu le pa nei lo farah le nuhmei pawl a namnuaitu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:19 Suah 22:21; 23:9; Pui 19:33, 34; Daan 24:17, 18;
20 “A pa ih nupi pakhatkhat a sualpitu cu Pathian ih camsiatnak tuarseh; ziangahtile a pa mual a photer a si,” an ti tikah,
“Misenpi pawl in “Amen,” an ti pei.Ref 27:20 Pui 18:8; 20:11; Daan 22:30;
21 “Òilva a sualpitu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:21 Suah 22:19; Pui 18:23; 20:15;
22 “A farnu maw, a farnuseu maw, a sualpitu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:22 Pui 18:9; 20:17;
23 “A pizon a sualpitu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.Ref 27:23 Pui 18:7; 20:14;
24 “A thup teih mi a thattu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.
25 “Mawh nei lomi that dingah nawhthuh paisa a eitu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.
26 “Pathian ih pekmi daan le thukham pawl a thlun thluh lotu cu Pathian ih camsiatnak tuarseh!” an ti tikah,
“Misenpi pawl in “Amen,” an ti pei.”Ref 27:26 Gal 3:10;