25
1 “Thuòhimnak ah Israel mi pahnih cu thu an neih ruangah thurelnak hmun an thleng ih thureltu pawl in an thu an òhen tikah pakhat cu a mawh an ti dingih a dang pakhat cu a mawh lo an ti ding.
2 A mawhtu pa cu misenpi hmaiih vuak dingin an rel a si ahcun thuòhentu in leilung ah a bokter dingih amah cu vuak a si ding. Vei ziangzat vuak ding a si, ti cu ziangtlukin a mawh ti parah lairel a si ding.
3 Vei sawmli tiang an vuak thei; cuhnak tam cu an vuak thei lo. Cuhnak tam an vuak a si ahcun nan unau misenpi hmaiah mual nan photer tuk ding a si.
4 “Cawcang cu fang a cil lai ah a hmur nan òem lo pei.”Ref 25:4 1 Kor 9:9; 1 Tim 5:18;
Unau Thih Tikih Òuanvo
5 “Unau pahnih hmunkhat ah an um ih pakhat deuh cu fapa pakhat hman nei lo in a thih ahcun a nupi cu an sungkhat sung siar lo a lengah pasal a nei thei lo ding; a pasal ih unaupa cun a òhit ding a si.
6 Cutiin an òhi aw ih fapa a neih a si ahcun a thimi a upa ih fapa ah siar a si ding; cuticun a hnam a hlo lo ding.Ref 25:5, 6 Mat 22:24; Mar 12:19; Luk 20:28;
7 Sikhalsehla a unau in a òhit duh lo a si ahcun nunaunu cu khuasung upa hnenah a feh pei ih, “I ruahpi hnik uh; ka pasal ih unaupa in a òuanvo a la duh lo; Israel mi lakah a unau ih hmin cu a nunter tum lo a si,” a ti pei.
8 Cutikah khuasung upa pawl in cupa cu an ko pei ih an sim pei. Aòhi duh òhiamòhiam lo a si ahcun,
9 a unau ih nupi in khuasung upa pawl hmai ahcun cupa cu a pan dingih a kedam pakhat kha a lak sak pei ih, “A unau hrangih tefa neih a duh lotu cu hitiin tuah ding a si,” a ti hnuah a hmaiah cil a phui pei.
10 Israel mi lakah a innsang cu “Kedam Lon Mipa ih Innsang,” tiah kawh a si ding.”Ref 25:7-10 Rut. 4:7, 8;
11 “Mipa pahnih an sual aw ih pakhat pa cu a nupi in a ra run ih a dang pa ih tilbawr in a dirhsak a si ahcun,
12 a kut cu tan ding a si; zangfah ding a si lo.
13-14 Nan dip sungah cuailung a ritmi le a zangmi tiah pahnih nei hlah uh; nan rawl tahnak reel tla a tum le a te tiin nei hlah uh.
15 Bawipa nan Pathian in a lo pek dingmi ram sungah reipi nungdam ih nan umnak dingah a dikmi cuailung nei uhla a dikmi rawl reel nei uh.
16 Cubangtuk ih thil a tuah ih mi bumtu cu Bawipa in a hua a si.”Ref 25:13-16 Pui 19:35, 36;
Amalek Mi Pawl Thah Ding
17 “Izipt ram in nan suah lai ah Amalek mi pawl in nan parih thil an tuahmi kha vun ruat hnik uh.
18 Pathian òihzahnak an neih lo ruangah nan tha a bangih nan colhnom laifangah nan dunglam in an lo dawi ih midang a man thei lo pawl kha an lo thah sak thluh a si.
19 Curuangah Bawipa nan Pathian in a lo pekmi ram nan thlen ih ral do ding nan neih nawn lo tikah Amalek mi pawl cu nan that thluh pei. An miphun hmin khal khuahra vanhnuai ah um nawn lo dingin nan cimit thluh pei. Himi cu hngilh hrimhrim hlah uh.”Ref 25:17-19 Suah 17:8-14; 1 Sam 15:2-9;