24
Maaknak Le Òhitsalnak
1 “Mipa pakhatkhat in nupi a òhi ih tikcu a hung rei deuh tikah pakhatkhat a ngaih lo zawng a um ruangah nupi dingah a duh nawn lo. Cutikah maaknak ca a ngan ih a pek hnuah a inn ihsin a dawi.Ref 24:1 Mat 5:31; 19:7; Mar 10:4;
2 Cuih hnuah mipa dang pakhat a pasal saal.
3 Hi a pasal khal cun a duhsal lo ih maaknak ca a ngan ih a pek hnuah a inn ihsin a dawi ve. Thuòhimnak ah, a neta sawn a pasal cu a thi tisehla,
4 ziangbangtuk thu a um khalle a hmaisa ih a pasal cun a òhisal hrimhrim lo pei; a hrangah nunaunu cu a borhbah zo a si. A òhi òhiamòhiam a si ahcun Bawipa ih hmaiah fihnungza a si. Hivek sualnak ruangah Bawipa nan Pathian ih a lo pek dingmi ram ah mawhnak nan thlenter lo pei.”
Daan Dangdang
5 “Nupi òhi pekte cu ralkap ah fehter ding a si lo; a dang hnaòuan ding khalah fehter ding a si lo. Inn ah um in a nupi hnangamter dingah kum khat sung cu olh ding a si.
6 “Mi pakhatkhat in na thil a lo cawi tikah a fang rialnak lungto cu kam awknak ah nan lak sak lo pei; ziangahtile a pumcawmnak a si.
7 “Zokhal in a unau Israel mi a ruk ih sal ih a tuah, asilole sal ih a zuar a si ahcun amah cu thah a si ding. Cuticun hi thil òha lo cu nan rehter pei.Ref 24:7 Suah 21:16;
8 “Nan lakah phaarnat a um pang a si ahcun Levi mi puithiam ih a lo fial vekin nan tuah pei; keimah in daan ka pek thluh zo ih cuih pawl cu nan thlun pei.Ref 24:8 Pui 13:1-14:54;
9 Izipt ram in nan suah lai ah Bawipa nan Pathian in Miriam parah ziangbangtuk in a tuah ti kha hngilh hlah uh.Ref 24:9 Mipum 12:10;
10 “Mi pakhat hnenah thil pakhatkhat na coih ih kam awknak ih a puan pek a lo tummi kha a inn sungah lut tahrat in lak hlah.
11 A inn lengah rak um awla amah in lo pe seh.
12 Mizonzai a si ahcun a puan cu zan tiang na hnenah ret hlah.
13 Zan ihnak a neihnak dingah nitlak zawng ah khirhsal aw. Cutiin na tuah asile zan ah ihnak puan a nei dingih na parah a lung a awi dingih Bawipa nan Pathian tla na parah a lung a awi ding.Ref 24:10, 13 Suah 22:26, 27;
14 “Na unau Israel mi siseh, ramdangmi siseh, na khuasung ah a ummi hlawh na phalhmi mizonzai le mitlasam ih hlawhman cu namnuai in na hreng lo pei.
15 Nitinte a nikhat hlawhman cu ni tla hlanah pe aw. Cuih paisa cu a nunnak hrangah a òul ih cumi lawng a ring a si. Na pek lo a si ahcun Bawipa ih hnenah a au, a ngen dingih mawhphurtu cu nangmah na si ding.Ref 24:14, 15 Pui 19:13;
16 “An faale ih sual ruangah an nu le an pa thah ding a si lo; an nu le an pa sual ruang khalah an faale thah ding a si lo. Mi pakhat cu amah ih tuah sualmi ruang lawnglawngah thah ding a si.Ref 24:16 2 Siang 14:6; 2 San 25:4; Ezk 18:20;
17 “Ramdangmi le nu le pa nei lo farah pawl ih an co ding vo cu dik tein nan ruah sak pei; kam awknak ah nuhmeinu ih puan cu lak sak hlah uh.
18 Sal ih nan taannak Izipt ram in Bawipa nan Pathian in a lo suah kha ruat ringring uh. Curuangah a si hi daan hi ka lo pek.Ref 24:17, 18 Suah 23:9; Pui 19:33, 34; Daan 27:19;
19 “Rawl nan lak tikah nan ah cia mi sungin nan khawm hrelhmi a um ahcun kirsal in va la nawn hlah uh. Bawipa nan Pathian ih thluasuah cu nan òuan nan hawlnak kipih a umnak dingah, cuih rawl cu ramdangmi, nu le pa nei lo farah le nuhmei pawl hrangah va taan uh.
20 Olif tla vei khat nan lak hnu ahcun a leep va hawl nawn hlah uh; ramdangmi, nu le pa nei lo farah le nuhmei pawl hrangah si ko seh.
21 Sabit na lawh tikah vei khat na lawh hnu ahcun va hawl nawn hlah; a tanglaimi sabit cu ramdangmi, nu le pa nei lo farah le nuhmei pawl hrangah zuah aw.Ref 24:21 Pui . 19:9, 10; 23:22;
22 Nannih tla Izipt ram ih sal nan taan kha hngilh hrimhrim hlah uh. Curuangah a si hi daan hi ka lo pek.