10
Moses In Thukham A Laksal
(Suah 34:1-10)
1 “Cun Bawipa in ka hnenah, “Lungpheng pahnih hmaisa bangtukin ser awla a retnak ah thingkuang pakhat tuah aw. Tlangpar ka hnenah ra awla,
2 lungpheng parah cun a hmaisa lungpheng na khuaimi pawl parih ka nganmi kha ka ngansal ding; cule thingkuang sungah na ret ding a si,” tiah i ti.
3 “Curuangah lawithing in kuang pakhat ka tuah ih a hmaisata bangtukin lungpheng pahnih ka ser ih tlang parah cun ka hun keng.
4 Cule Bawipa in cuih lungpheng parah cun hmaisa ih a nganmi, tlangpar nan tonkhawm awk sun ih meisa sungin nan hnenih a simmi, Thukham Pahra a lo pekmi kha a ngansal. Cun Bawipa in lungpheng cu i pek ih,
5 tlangpar cun ka vung òum. Cule Bawipa ih thupeknak bangtukin lungpheng pawl cu ka tuahmi thingkuang sungah cun ka ret ih cutawkah cun an um ringring lai a si,” tiah a ti.
6 Israel mi pawl cu Jaakan mi pawl ih tikhur ihsin an poksal ih Moserah ah an feh. Cutawkah Aaron cu a thi ih an phum; cule a puithiam hnaòuan cu a fapa Eleazar in a ai awh ah a òuan.Ref 10:6 Mipum 20:28; 33:38;
7 Moserah in an suak ih Gudgodah an thleng; Gudgodah in an suaksal ih tidai tampi umnak Jotbathah an thleng.
8 Culai ahcun Bawipa in Thukam Kuang kiltu dingah le a puithiam hnaòuantu si dingah le amah ih hmin in thluasuah petu dingah Levi hrin pawl hnaòuan a pek. Atu tiangin cumi cu an hnaòuan a si tata.Ref 10:8 Mipum 3:5-8;
9 Curuangah Levi hrin pawl cu Israel hrin dang bangtukin leiram comi an nei lo. Bawipa an Pathian ih thukamnak vekin an comi cu Amah Bawipa a si.
10 Cule Moses in a simsal ih, “Tlang parah cun hmaisa òum bangtukin ni sawmli le zan sawmli ka um. Cuih òum khalah Bawipa in ka dilmi cu i ngai ih nanmah siatsuah lo dingah a lung a kim.Ref 10:10 Suah 34:28;
11 Cule nan pupa hnenih a rak tiammi ram ahcun nan lut ih nan luah theinak dingah nanmah hotu dingah keimah i fial.”
Pathian Ih Fialmi
12 “Curuangah, maw Israel mi pawl, Bawipa nan Pathian ih a lo fialmi hi òha tein ngai uh. Bawipa cu òihzah uhla a thupekmi hmuahhmuah cu tuah uh. Nan thin le nan lung zate in amah cu duhdaw uhla amah ih hna cu òuan uh.
13 A daan cu kim tein thlun uh; nanmah hrangih òhatnak ah tuih sun ah ka lo pek a si.
14 Van ih a sang bik hman khi Bawipa ih ta a si. Leilung le a parih thil hmuahhmuah tla amah ih ta an si òheh.
15 Asinan nan pi le nan pu pawl cu Bawipa in a duhdawt ngaingai ruangah mi phundang hril lo in nanmah sawn hi a lo hril a si. Tuih sun khalah hin cuti thotho in hrilmi nan si.
16 Curuangah tuih ni ih thokin nan thinlung thleng uhla Bawipa ih thu a ngaitu si thlang uh, milungruh si nawn hlah uh.
17 Bawipa nan Pathian cu pathian hmuahhmuah lakah cungnungbik a si ih bawi hmuahhmuah lakah bawi bik a si. Amah cu a lian bik le a sang bik a si ih òihzah bik ding tla a si. Amah cu òan cuangmi a nei lo ih nawhthuh eitu khal a si lo.Ref 10:17 Tirh 10:34; Rom 2:11; Gal 2:6; Efe 6:9;
18 Nupa nei lo ngakòah farah le nuhmei pawl ih thu tla ding tein a rel; nanmah lakih a ummi ramdangmi pawl tla a duhdawt ih rawl le hnipuan a pek.
19 Nannih tla in ramdangmi pawl cu duhdaw uh, ziangahtile nannih khal Izipt ram ah mikhual nan rak si.
20 Curuangah Bawipa nan Pathian cu òihzah uhla amah lawng biak uh. Amah ih hmaiah rin tlak in um uhla amah ih hmin lawngin thu kam uh.
21 Amah cu thangòhat uh; ziangahtile nan Pathian a si ih nan hrangih thilmak zetzet le rapthlakza a tuahmi pawl cu nan mit rori in nan hmu zo a si.
22 Nan pipu pawl Izipt ram ih an feh tikah sawm sarih lawng an si. Sikhalsehla atu ahcun Bawipa nan Pathian in van ih arsi zat ah a lo tuah a si.”Ref 10:22 Sem 15:5; 22:17; 46:27;