11
Bawipa Ih Cahnak
1 “ Bawipa nan Pathian cu duhdaw uhla amah ih thukham, a daan le a daan pawl hmuahhmuah cu thlun uh.
2 Cule ziangbangtuk Pathian a si, ti cu nan nunnak in a tep zo ih cumi cu tuih sun ah ciing òha uh. Cutiih a teptu cu nan faale pawl an si lo, nanmah nan si. Bawipa ih maksaknak, a baan thacahnak le a huham pawl cu nan hmu thluh zo ih,
3 mangbangza a tuahmi pawl le Izipt siangpahrang le a ram pumpi parih a tuahmi thil pawl tla nan hmu zo.Ref 11:3 Suah 7:8-12:13;
4 Izipt ralkap pawl in an lo dawi tikah Bawipa in an rang le an rangleng pawl thawn Tipi Sen sungah a pilter thluh ih an hloral òheh ti cu nan hmu.Ref 11:4 Suah 14:28;
5 Hitawk nan thlen hlanah Bawipa in nelrawn ah nan hrangah ziangvek thil a tuah ti tla nan hmu.
6 Reuben hrin Eliab fapa Dathan le Abiram parah Bawipa in ziangtin a tuah ti tla vun ruat uh. An hnuai leilung cu a kak ih an sungza le an puanthlam pawl, an hnenum pawl le an òilva pawl thawn a dolh thluh hai a si.Ref 11:6 Mipum 16:31, 32;
7 A si, Bawipa ih tuahmi thil mak zetzet a hmutu cu nanmah nan si.”
Tiamkammi Ram Ih Thluasuahnak
8 “Tuih sun ih ka lo pekmi daan hmuahhmuah hi nan thlun thluh pei. Cutik lawngah nan luh tummi ram ahcun luh theinak thazang nan nei dingih nan luah thei ding.
9 Cule Bawipa in nan pipu pawl le an tesinfa pawl hnenah pek dingih a tiammi ram, cawhnawi le khuaitizu a luannak ram ahcun reipi nan nung ding.
10 Atu ih nan luah dingmi ram cu a hlanih nan rak umnak Izipt ram vek a si lo. Khatawkah cun thlaici nan tuh ih, hanghnah hangrah hmuan sung bangin, nan ke in tihriat cu harsa zet in nan òuan;
11 asinain atu ih nan luah dingmi ram cu tlang le horkuam umnak a si ih vanruah òha zet ih a dongmi ram a si.
12 Bawipa nan Pathian in hi ram cu, kum a thok ihsin a net tiang, òha tein a zoh a si.
13 “Curuangah tuih sun ih ka lo pekmi thukham hmuahhmuah hi thlun uh; cuih thukham cu, Bawipa nan Pathian cu nan thin le nan lung zate in duhdaw uhla amah ih hna cu òuan uh, tihi a si.
14 Cutiih nan tuah asile, Bawipa in nan ram ih a òulmi fur ruah le òhal ruah cu a tikcu caan ah a surter dingih rawl le sabitti le olif siti nan paòha dingih,
15 nan òilva hrangah hrampi tla a um ding. Cuticun nan pum a puar ding.
16 Bawipa hnen ihsin pial tahrat in khawzing dangdang ih thlemnak ah zohman in lo hruaisual hlah seh.
17 Cutiih zinpeng nan zawh asile Bawipa cu nan parah a thin a heng tengteng ding; van ruahti a kangter dingih nan leilung in rawl a suah lo ding. Cuticun Bawipa ih a lo pek dingmi ramòha ihsin nan hloral mai ding a si.Ref 11:13-17 Pui 26:3-5; Daan 7:12-16; 28:1-14;
18 “Hi ka thupekmi pawl cu nan thin le nan lung sungah khum uh. Nan baan ah òem uhla a lo òhangphawktu dingah nan cal ah ben uh.
19 Nan faate pawl hnenah zirh uh. Inn ih nan um ah siseh, khualengih nan suah ah siseh, sim uh; nan zaunak le nan cangvaihnak khalah sim uh.
20 Nan inn sangka tlunah le nan kotka parah ngan uh.Ref 11:18-20 Daan 6:6-9;
21 Cutiih nan tuah ahcun Bawipa nan Pathian in nan pu le nan pa hnenah pek dingih a tiamkammi ram sungah nanmah le nan faate pawl cu reipi nan nung ding. Lei le van a um sungah cun cutawk ram ah nan um ringring ding.
22 “Ka thupekmi hmuahhmuah hi fel zet in thlun uh; Bawipa nan Pathian cu duhdaw uh, a lamzin sungah fel tein feh uhla amah cu hngette in pom uh.
23 Cuticun hmailam ih nan nor tikah hi miphun pawl cu amah in a dawisuak dingih nannih hnakin a tum deuh le a cak deuhmi pawl ih ram cu nan luah thei ding.
24 Nan ke in nan palmi leiram hmuahhmuah cu nan ta an si òheh ding. Nan ram cu thlanglam ah nelrawn ihsin saklam ah Lebanon Tlang tiang, nisuahnak lamah Eufrates tiva in nitlaknak lamah Mediterranean tifinriat tiang a si ding.
25 Zohman in an lo kham thei lo ding. Khi ram ih nan fehnak kipah, a lo tiamkam zo bangtukin, Bawipa nan Pathian ih thil titheinak ruangah mi hmuahhmuah in an lo òih ding a si.Ref 11:24-25 Jos 1:3-5;
26 “Ngai hnik uh! Tuih sun ah nan hril dingah thluasuahnak le siatcamnak nan hmaiah ka ret a si.
27 Bawipa nan Pathian ih thukham, tuih sun ih ka lo pekmi hi nan thlun ahcun thluasuahnak nan dong ding.
28 Sikhalsehla hi thukham pawl nan thlun lo ih nan theih dah lomi khawzing dangdang hnenah biak dingih nan feh a si ahcun siatcamnak nan tong ding.
29 Nan luah dingmi ram ah Bawipa in a lo thlenpi hai tikah Gerizim Tlangin thluasuahnak nan aupi dingih Ebal Tlangin siatserhnak nan than ding.Ref 11:29 Daan 27:11-14; Jos 8:33-35;
30 Hi tlang pahnih cu Jordan tiva kuamih a ummi, Kanaan mi pawl umnak Jordan tiva in nitlaknak lamah an um. Nitlaknak lam deuh ah an um ih Gilgal khua kiang Moreh sasua thing kiangah an um.
31 Bawipa nan Pathian in a lo pekmi ram luah dingah Jordan tiva cu nan tan thlang ding. Ram cu nan lak ih nan luah tikah,
32 tuih sun ih ka lo pekmi daan pawl hi felfai tein nan thlun pei.”