3
Kezengmi A Dam
1 Nikhat ah Piter le Johan cu thlacam tikcu zanlam nazi pathum ah Biakinn ah an feh.
2 Cutawkih Kotka Mawi an timi ah suahkeh kezengpa pakhat a rak um. Nitinte Biakinn ih a fehtu pawl hnen ihsin tangka dil dingah cuih kotka ahcun an hei ret òheu.
3 Piter le Johan an luh kha a hmuh tikah thil pakhatkhat pe dingah a dil hai.
4 Òha tein an zoh fel ih Piter in, “In hun zoh hnik!” tiah a ti.
5 Ziangtal ka ngah pei maw, tiah beisei zet in a zoh hai.
6 Cule Piter cun, “Tangka lo pek ding zianghman ka nei lo; asinain ka neihmi ka lo pe: Nazareth mi Jesuh Khrih hmin in tho awla feh aw,” tiah a ti.
7 Cule a vorhlam kut in a kaih ih a vun dirh. Hmakhat teah cupa ih ke le kebeu pawl cu an caksal.
8 A hung tho lohli ih amah tein a ding ih a feh thei. Cule Piter le Johan hnenah Biakinn sungah a lut ve. A feh, a khir a zuang ih Pathian a thangòhat.
9 Cutiih a feh thei le Pathian a thangòhat cu mipi in an hmu ih,
10 Kotka Mawi ah tangka dil in a um ringringtu a si kha an theih tikah a parih thil a thlengmi ruangah an khawruah a har ih an mang a bang ngaingai.
Biakinn Sungih Piter Thusimmi
11 Cupa cu Solomon Hulhliap timi ahcun Piter le Johan hnenah a um kha an hmuh tikah mipi cu an khawruahhar in an hnenah an va tlan.
12 Cumi cu Piter in a hmuh tikah an hnenah, “Ka phunpi Israel mi pawl, ziangahso hi thu ah nan khawruah a har ih kanmah lehlam mitòhep lo in, in zoh? Hi pa a feh thei hi kanmah ih cahnak le Pathian duh zawng in a nung theitu kan si ruangih a cangmi ah maw si nan ruat?
13 Abraham le Isaak le Jakob ih Pathian, kan pu le kan pa pawl ih Pathian in amah ih sunlawinak cu a Siahhlawh Jesuh hnenah a pek zo.c 3:13 ‘Siahhlawh’ timi hi ‘Fa’ ti khal a si thei. Asinan nannih in amah cu thuneitu pawl ih kut sungah nan pek. Pilat in thlah dingih thu a rel cia mi hman amah ih mithmuh rori ah nan hnong zo a si.Ref 3.13 Suah 3:15; Isa 52:13-53:12;
14 Jesuh hi mi thianghlim le miòha zet a si nain nannih in nan hnong; cuih tlunah Pilat kha zangfah nan dil ih laithattu kha thlah sawn dingah nan fial.Ref 3.14 Mt 27.15-23; Mk 15.6-14; Luk 23.13-23; Joh 19:12-15;
15 Nannih cun nunnak ih mi a hruaitu kha nan that; asinain Pathian in thihnak ihsin a thotersal ih kanmah hi cumi a theihpitu kan si.
16 Hi Jesuh hminih huham ruangah hi kezengpa hin damnak a ngah thei. Nan hmuhmi le nan theihmi hi a hmin zumnak thawngin tuahmi a si. Nan zate ih nan hmuh òheh vekin Jesuh zumnak in hi pa hi a damter a si.
17 Curuangah ka u le ka nau tla, nanmah le nan hotu pawl in Jesuh parih nan rak tuahmi hi nan theih lo ruangih tuahmi a si, ti ka thei.
18 Pathian in khuahlan laipi ah a hrilmi Messiah cu harsatnak a tuar ding tiah profet pawl hnenin a rak phuang zo; cumi kha atu ah hitiin a kim a si.
19 Sir aw uhla Pathian hnenah kirsal uh. Cuti asile nan sualnak a lo ngaithiam ding. Cutiin nan ti asile,
20 Bawipa hnen ihsin tharthawhnak tikcu a ra thleng dingih nan hrangih a hrilcia mi Messiah timi Jesuh cu nan hnenah a lo pe ding.
21 Pathian in khuahlan laipi ih a profet thianghlim pawl hnen ihsin a phuan cia vekin, ziang hmuahhmuah siam thar tikcu a kim hlan lo Jesuh cu vancung ah a um ding.
22 Ziangahtile Moses in, ‘ Bawipa nan Pathian in keimah i thlah vekin nan miphun a simi profet pakhat nan hnenah a thlah ding. Amah ih a lo simmi hmuahhmuah cu nan thlun òheh a òul.Ref 3:22: Daan 18:15, 18
23 Cuih profet a thlun duh lotu cu Pathian miphun sung ihsin dawihlo a si dingih siatsuahnak a tong ding,’ a ti.Ref 3.23 Daan 18:19;
24 Cule thuthan ding a neitu profet hmuahhmuah, profet Samuel le amah hnu ih a rami profet pawl khalin, an zate in tuih hrawngih a cangmi hi an rak than cia zo.
25 Profet pawl hnen ihsin Pathian ih thukamnak cu nanmah ih hrangah a si ih Pathian in nan pu le nan pa pawl hnenih a tuahmi thukamnak a òawm vetu nan si. Pathian in Abraham hnenah, ‘Na tesinfa sung ihsin leilungtlun ih mi hmuahhmuah cu thluasuahnak ka pe ding,’Ref 3:25: Pui 22:18 tiah a ti.Ref 3.25 Sem 22:18;
26 Cuti a si ruangah Pathian in zovek khal nan òhat lonak ihsin nan kir ih a lo thluasuah theinak dingah a hrilmi a Siahhlawhd 3:26 ‘Siahhlawh’ timi hi ‘Fa’ ti khal a si thei. cu a hmaisabik ah nan hnenah a thlah a si,” tiah a ti.Ref 3.26 Isa 52-53;