2
Thlarau Thianghlim A Rung Thleng
1 Pentikos ni a thlen tikah zumtu hmuahhmuah cu hmunkhat ah an um.Ref 2:1 Pui 23:15-21; Daan 16:9-11;
2 Hmakhat teah van ihsin thlipi hrang bangin thawmvang a rung ih an tonak khaan cu a khat òheh.
3 Cule lei bangtuk a simi meisa hliau an rungsuak zohzo ih cuih khaan sung ummi hmuahhmuah cuih meisa hliau cun a run dai fingfing.
4 An zate in Thlarau Thianghlim in an khat ih Thlarau in òong theinak a pek vekin òong dangdang in an òong ciamco.
5 Jerusalem khua sungah leilungtlun khuazakip ihsin a rami Judah mi an um laifang a si ih biaknak lam khalah a zuam ngaingaimi pawl an si.
6 Cuih òong dangdang ih an òongnak thawmvang an theih tikah miburpi an ra khawm aw. Zumtu pawl ih òongmi cu a rami pawl in anmah ih òong ciarin an theih tikah an mang a bang zet.
7 Mangbang le khawruahhar in, “Hitiih a òong reromi pawl hi Galilee mi an si ko lo maw?
8 Ziangtinso kanmah ih òong cio ih òong in kan theih thei?
9 Kannih cu Parthia ram, Media ram, Elam ram, Mesopotamia ram, Judea ram, Kappadosia ram, Pontas ram, Asia ram,
10 Fri zia ram, Pamfilia ram, Izipt ram le Libia ramsung Sairin khua kiang tla in a rami kan si. Mihrek cu Rom khua in a rami kan si ih,
11 Judah mi le Zentail mi Judah biaknak ih a lutmi pawl kan si. Mihrek cu Krete tikulh le Arabia ram in kan ra. Asinan Pathian in a huham thawn thil mak zetzet a tuahmi thu anmah ih òong ih an simmi kha kanmah ih òong ciarin kan thei a si,” tiah an ti.
12 Mangbang le awloksong in, “Himi hi a tican ziang a si pei?” tiah pakhat le pakhat an sut aw rero.
13 Asinan midang cun zumtu pawl cu an hnihsan ih, “Hi pawl hi zu an ri a si hi!” tiah an ti.
Piter Ih Thusimnak
14 Cule Piter cu a dang tirhthlah hleikhat hnenah a ding ih aw ring zet in misenpi hnenah thu a sim: “Ka phunpi Judah mi le Jerusalem ih a ummi pawl, nan zate in in ngai uhla, hi thil ih a tican ka lo sim hai ding.
15 Nan ruah bangtuk a si lo; hi pawl hi zu an ri lo; zinglam nazi pakua lawng a si lai.
16 Ziangso a si, ti ahcun profet Joel ih a rak sim cia mi a kimnak sawn a si. Profet Joel ih sim cia mi cu:
17 ‘Pathian in, ni netnak lam ahcun
hitiin ka tuah ding;
Mi hmuahhmuah parah
ka Thlarau ka burh ding;
Nan fapa pawl le nan fanu pawl in
ka thu an phuang ding;
Nan tlangval pawl in
langnak an hmu ding;
Nan patar pawl in
mang an man ding;
18 A si, ka salnu le ka salpa pawl
tlun khalah cuih ni ahcun
Ka Thlarau ka burh dingih,
ka thu an sim ding.
19 Tlunlam van ah hmuhsaknak mak
ka tuah dingih,
Hnuailam leilung par khalah
khawruahhar ka tuah ding.
Thisen le meisa le meikhu
sahzet a um ding.
20 Ni a thim dingih, thlapi khi
thisen bangin a sen ding;
Bawipa ih Ni, ni maksak le
ni sunglawi a thlenhlan deuh ah,
21 Bawipa hnenah bomnak dil in
a autu cu rundam an si ding,’Ref 2:17-21: Joe 2:28-32; a ti.
22 “Ka phunpi Israel mi pawl, hi thu ka simmi hi ngai hnik uh! Nazareth mi Jesuh cu minung asinain Pathian ih thuneihnak a nei a si, ti cu amah hnenin Pathian in a huham thawn thil khawruahhar le hmuhsaknak mak zetzet a tuahmi pawl ihsin a langter zo. Himi cu nanmah rori ih nan theihmi a si, ziangahtile nan lakih a cangmi thil an si.
23 Pathian amah ih khuakhannak vekin nan kut sungah Jesuh pek ding kha a rak ruahcat cia mi a si. Misual pawl ih forhfialnakin Jesuh cu thinglamtah ah nan khenbet ih nan that.Ref 2.23 Mat 27:35; Mar 15:24; Luk 23:33; Joh 19:18;
24 Sikhalsehla Pathian in thihnak ihsin a thotersal ih thihnak huham sung ihsin a luatter zo, ziangahtile amah cu thihnak ih kaitar theihmi a si lo.Ref 2.24 Mat 28:5-6; Mar 16:6; Luk 24:5;
25 David in amah ih thuhla cu hitiin a sim:
‘ Bawipa cu ka mithmai ah
ka hmu ringring;
Ka kiangah a um ih
ka phang lo ding.
26 Curuangah ka lung a awi ih,
ka òongkam cu nomnak in a khat.
Curuangah kei hi a thi theimi
milai ka si nain,
ruahsannak sungah
hnangam zet in ka cawl ding.
27 Ziangahtile mithi khua ahcun
i tanta lo dingih,
rin tlak na salpa hi thlankhur
sungah ziamralta ding ahcun
i siang lo ding.
28 Nunnak thlen theitu lamzin cu
i hmuh zo ih i umpi ruangah
lungawinak in ka khat ding,’Ref 2:25-28: Saam 16:8-11; a ti.
29 “Ka u le ka nau pawl, mi hminthang kan pu Siangpahrang David ih thu cu nan hnenah fiang tein ka sim duh. David cu a thi ih an phum; a thlan tla tuih sun tiang kan lakah a um.
30 Amah cu profet a si ih Pathian ih a kam cia mi thu a thei; David bangtukin David ih tesinfa pakhatkhat kha siangpahrang si dingah Pathian in thu a kam.Ref 2.30 Saam 132:11; 2 Sam 7:12-13;
31 Pathian in hmailam caan ah ziang a tuah ding ti cu David in a hmu cia; curuangah Messiah a thawhsalnak ding thu cu hitiin a sim:
‘Mithi khua ah amah cu
a tanta lo dingih,
a taksa ruangpi cu thlan sungah
a ziamta lo ding,’ tiah a ti.
32 Pathian in hi Jesuh rori hi thihnak ihsin a thotersal ih cumi theihpitu cu kanmah hi kan si.
33 Pathian a Pa ih vorhlam kapah sunglawi zet in thlenter a si zo ih a kam cia bangtukin Thlarau Thianghlim cu a Pa hnen ihsin a ngah zo. Atu ih nan hmuhmi le nan theihmi cu kan parih a burhmi amah ih laksawng a si.
34 Ziangahtile vancung ih a thlengtu cu David a si lo; David amah in:
‘ Bawipa in ka Bawipa hnenah,
na ral pawl na ke hnuai ah,
35 Na kepal ih ka canter hlantiang
ka vorhlam kapah hin to aw,
a ti,’Ref 2:34-35: Saam 110:1; tiah a ti.
36 “Israel mi pawl, thinglamtah parih nan thahmi Jesuh hi Pathian in Bawipa le Messiah ah a tuah zo a si, tihi fiang tein nan theih òheh dingah a òul hrimhrim a si,” tiah a ti.
37 Cuih thu an theih tikah an thinlung a khoih zet ih Piter le a dang tirhthlah pawl cu, “U le nau pawl, ziangso kan tuah ding?” tiah an sut.
38 Piter in an hnenah, “Nan zate in nan sual sir fingfing uhla Jesuh Khrih hmin in baptisma lak uh; cuticun nan sualnak ngaidam nan si dingih Pathian laksawng Thlarau Thianghlim nan ngah ding.
39 Ziangahtile Pathian thukamnak cu nanmah le nan faate pawl hnenah le Pathian thawn a hlat aw mi an si nain Bawipa kan Pathian in a kawhmi pawl hmuahhmuah hnenah a si,” tiah a ti.
40 Piter in thu tampi a zirh ih a forh hai. “Hi miòha lo parih a thleng dingmi hremnak ihsin luat dingah zuam aw uh,” tiah a ti.
41 Piter ih simmi cu mi tampi in an zum ih baptisma an lak; cuih ni, nikhat ah an pawl cu mi thawngthum tluk in an karh.
42 An zate in tirhthlah pawl hnen ihsin an zir ih, tirawl eitlangnak le thlacam tlangnak thawn pawlkomnak an nei ringring.
Zumtu Pawl Nundan
43 Tirhthlah pawl in khawruahharza le hmuhsaknak mak zetzet thil tampi an tuah ruangah mi hmuahhmuah ih thinlung sungah òihnak le hmaizahnak in a khat.
44 Zumtu pawl hmuahhmuah cu an pawlkom aw ih thurual zet in an thil neihmi tla an òawm aw.Ref 2.44 Tirh 4:32-35;
45 An thilri neihmi le an hlawnthil pawl tla an zuar ih an ngahmi tangka cu an òulnak vekin an zem aw.
46 Nikhat hnu nikhat Biakinn sungah an tongkhawm aw; an inn ah rawl an òawm aw ih tangdornak le lungawi thanuam in an ei tlang.
47 Pathian an thangòhat ih mi hmuahhmuah hnenin mithmai òha an ngah. Cule nitin tein Bawipa in an pawlah rundamnak ngahtu a bet vivo.