4
Khonsil Hmai Ah Piter Le Johan
1 Piter le Johan in mipi hnenih thu an sim rero lai ah puithiam òhenkhat le biakinn kilvengtu hotu bawi le Sadusi hrekkhat an ra thleng.
2 Mithi pawl an nungsal ding ti fiangternak ah Jesuh cu thihnak ihsin a thosal tiah tirhthlah pahnih ih an phuan ruangah annih pawl cu an thin-ai a thok ngaingai.
3 Curuangah cuih tirhthlah pahnih cu an kai ih khua a sim zo ruangah thawng ah a thai sun tiang an thlak.
4 Sikhalsehla an thusimmi a theitu tampi cun an zum; a zumtu pawl cu an karh sinsin ih thawngnga tluk an ti.
5 A thai sun ah Judah mi hotu pawl, upa pawl le Daanthiam pawl cu Jerusalem ah an tongkhawm aw.
6 Cutawkah Puithiam Sang Annas an tong; cule Kaiafas le Johan le Alexander le Puithiam Sang ih sungkhat dang pawl tla thawn an tongkhawm aw.
7 Tirhthlah pahnih cu an hmaiah an dinter ih, “Hi thil cangmi hi ziangtinso nan tuah? Ziang huham so nan neih ih zo ih hmin so nan hman?” tiah an sut.
8 Piter cu Thlarau Thianghlim in a khat ih an hnenah, “Mipi hotu pawl le upa pawl,
9 tuih sun ahhin hi kezengpa a damnak thu le a parih thil òha tuah a si thu hi in sut a si ahcun,
10 nan theih dingmi le Israel mi hmuahhmuah in an theih òheh dingmi cu hihi a si: Nan hmaiih a dingmi pa a damfelnak hi Nazareth mi, thinglamtah parih nan thahmi, thihnak ihsin Pathian in a thawhtersalmi Jesuh ih hmin thawngin a si, tihi a si.
11 Jesuh thu ahhin Ca Thianghlim in:
‘Inn saktu pawl in nan hnonmi lungto cu
a thupi bik lungto ah a cang zo,’Ref 4:11: Saam 118:22;
tiah a ti.
12 Rundamnak cu amah ih sung lawngah a um; ziangahtile Pathian ih rundammi kan sinak dingah leikhawvel pumpuluk ahhin minung hnenih pekmi hmin dang zohman an um lo,” tiah a ti.
13 Khonsil upa pawl in Piter le Johan cu fimnak le thiamnak a nei lomi mi menmen an si nain ziangtlukin an ral a òha ti kha an hmuh tikah an mang a bang ngaingai. Cule annih cu Jesuh ih rualpi an si, ti kha an mangsal.
14 Sikhalsehla an damtermi pa cu Piter le Johan kiangih a din ringring ruangah an òong theimi zianghman a um fawn lo.
15 Curuangah an thurelnak khaan ihsin lengah an suahter hai ih anmah lawng in khaan sungah cun thu an rel.
16 Pakhat le pakhat cu, “Ziangtinso kan tuah ko sawh ding? Zohman ih an tuah thei lomi hmuhsaknak thilmak an tuah ti cu Jerusalem khuasung ih a ummi hmuahhmuah in an thei òheh zo ih zohman ih el theimi a si nawn lo.
17 Sikhalsehla hi thu hi mipi hnenih a zai lonak dingah Jesuh hmin in zohnen hmanah thu sim nawn hlah uh, kan ti pei,” tiah an ti.
18 Cule an kokir hai ih, Jesuh hmin in zohman zirh lo ding le zohnen hmanah thu sim hrimhrim lo dingin an dawn.
19 Asinan Piter le Johan in, “Nanmah ih thu thlun maw Pathian ih thu thlun so Pathian hmaiah a dik sawn, nanmah tein òhen hnik uh.
20 Ziangahtile kanmah rori in kan hmuhmi le kan theihmi cu sim lo in kan um thei lo,” tiah an ti.
21 Curuangah Khonsil upa pawl cun nasa sinsin in ralrinnak an pek hnuah an thlah. Mi hmuahhmuah in an lakih thil a cangmi an hmu ih Pathian an thangòhat ruangah tirhthlah pawl hrem cu a cang thei lo ti kha an hmu.
22 Hmuhsaknak ah damnak a ngahtu pa hi kum sawmli tlun a si.
Ralòhatnak Ding Thla An Cam
23 Piter le Johan cu an luat ve tein an rualpi pawl hnenah an kir ih puithiam le upa pawl ih an simmi thu pawl cu an ruah hai.
24 Cumi cu zumtu pawl in an theih tikah hmunkhatte ah Pathian hnenah thla an cam ih, “Maw Cungnungbik Bawipa, van le lei le tipithuanthum le a sungih ummi hmuahhmuah a Tuahtu Bawipa,Ref 4.24 Suah 20:11; Neh 9:6; Saam 146:6;
25 Na Thlarau Thianghlim hmangin na siahhlawh kan pu David hnenin thu na sim ih:
‘Ziangahso Zentail mi pawl hi an ai a thawh?
Ziangahso milai hin a òhahnem lomi
mi phiarnak an tuah?
26 Bawipa le Messiah dodal dingah,
leilung siangpahrang pawl
an tim an tuah ih,
Uktu bawi pawl thawn hmunkhat ah
an tongkhawm aw,’Ref 4:25-26: Saam 2:1-2;
tiin na rak ti.
27 Ziangahtile Herod le Pontius Pilat in Messiah ih na hrilmi na Siahhlawh Thianghlim Jesuh dodal dingah hi khuapi sungah hin Zentail mi pawl le Israel mi pawl thawn an tongkhawm aw ngaingai.Ref 4.27 Mat 27:1-2; Mar 15.:1; Luk 23:1, 7-11; Joh 18:28-29;
28 Na huham le na tumtahnak in a hung cang leh ding tiih na rak khiah cia mi kimter òheh dingah an tong aw khawm a si.
29 Maw Bawipa, atu ih in hro reromi tla hi nangmah in run thei hram awla kannih na sal pawl tla hin na thu cu ralòha zet ih kan sim theinak dingah in bawm hram aw.
30 Mi damnak dingah na baan run pharh awla na Siahhlawh Thianghlim Jesuh hmin in hmuhsaknak le khawruahhar thil pawl tuah theinak in run pe hram aw,” tiah an ti.
31 Thla an cam òheh ve tein cutawkih an tonkhawmnak inn cu a hnin thluh. Thlarau Thianghlim in an khat ih Pathian thu cu ralòha zet in an sim.
Zumtu Pawl Thil An Òawm Aw
32 Zumtu pawl cu thinlung le ruahnak rual aw zet in an um tlang. Zohman in a neihmi thilri kha, ‘Ka bulta a si,’ a ti lo; an neihmi hmuahhmuah kha pakhat le pakhat an òawm aw.Ref 4.32 Tirh 2:44-45;
33 Bawi Jesuh thawhsalnak thu cu tirhthlah pawl in a nasa zetmi huham thawn an sim ih Pathian in an zate parah thluasuah tampi a run burh.
34 An lakah zohman a tlasam mi an um lo. Lo a neitu le inn a neitu pawl in an lo le an inn pawl cu an zuar ih an ngahmi tangka cu,
35 tirhthlah pawl kut ah an rak pek. Cule cuih tangka cu a òulnak vekin an zem vivo.
36 Cubangtuk in Saipras tikulh ih a suakmi Levi mi Josef in,
37 a lo kha a zuar ih a ngahmi tangka cu tirhthlah pawl ih kut sungah a pek. Josef cu tirhthlah pawl in Barnabas tiah an ti. (Barnabas ti cu “Thazang Petu,” tinak a si.)