21
Jerusalem Ah Paul A Feh
1 Kannih khalin cibai kan buk ih kan feh. Long in khui hmanah tang phah lo in kan feh ih Kos kan thleng; a thai sun ah Rhodes tikulh kan thleng ih cutawk ihsin Patara ah kan lanta.
2 Cutawkah Fonisia ih a feh dingmi lawng kan tong ih cuih lawng ah kan cer ih kan feh.
3 Saipras tikulh a lang theinak hmun kan thleng ih cutawk ihsin thlanglam ah kan her ih Siria lamah kan lan. Òaiar khua ah kan òum ih cutawkah lawng thil phurhmi pawl an suahta.
4 Cutawkah dungthluntu òhenkhat an um ih an hnenah zarh khat kan um. Thlarau ih simnak thawngin Paul cu Jerusalem ih feh lo dingin an dawn.
5 Sikhalsehla anmah thawn kan um tlang tikcu a cem tikah kan suak ih kan feh. Annih khalin an zate in an nupi le an faate pawl thawn tipikap tiang in thlah. Cutawkah kan zate in khukbil in thla kan cam tlang.
6 Cule pakhat le pakhat cibai kan buk aw ih kannih lawng parah kan kai ih annih inn ah an tlung.
7 Òaiar khua ihsin lawng in kan feh vivo ih Ptolemais kan thleng. Cutawkah zumtu unau pawl kan tong phah ih an hnenah nikhat kan cam.
8 A thai sun kan pok lala ih Sisaria kan thleng. Cutawkah Jerusalem ih upa pasarih hrilmi lakih pakhat a simi Pathian thusimtu Filip ih inn ah kan riak.Ref 21.8 Tirh 6:5, 8:5;
9 Pasal nei hrih lo fanu fala pali a nei ih Pathian thu a phuangtu profet an si.
10 Ni tam nawn kan um hnuah Judea ram ihsin profet pakhat Agabas an timi a ra thleng.Ref 21.10 Tirh 11:28;
11 Kan hnenah a ra ih Paul ih taikhap a lak hnuah a kut le a ke kha cuih taikhap cun a òem aw ih, “Thlarau Thianghlim in hitiin a ti: Hi taikhap a neitu pa hi Jerusalem khua ah Judah mi pawl in hibangtuk in an òem dingih Zentail mi pawl ih kut sungah an pe ding,” tiah a ti.
12 Cumi kan theih tikah kanmah in siseh, midang khalin siseh, Paul cu Jerusalem ih feh lo dingin kan dawn ciamco.
13 Sikhalsehla anih cun, “Ziangahso hitiih nan um! Hiti nan òah ruangah ka lung in hnoter sinsin a si! Bawipa Jesuh hrangah cun Jerusalem khua sungah òem le òawn lawng hman si lo in thih ding tiang hman ka tiar a si,” tiah a ti.
14 Ziangti hmanih kan don thei lo ruangah, “ Bawipa ih duhnak vekin si ko seh,” tiah kan ti.
15 Cutawkah tikcu tawkfang sung kan um hnuah kan tim kan tuah ih Jerusalem ah kan feh.
16 Sisaria ih a ummi dungthlun òhenkhat pawl cun in thlun ve ih kan riahnak ding Mnason ih inn ah in fehpi. Mnason cu Saipras mi a si ih a hlan ihsin dungthluntu a rak si ringring.
Paul In Jeim A Leng
17 Jerusalem kan vung thlen tikah zumtu unau pawl cun lungawi zet in in rak hmuak.
18 A thai sun ah Jeim tong dingin Paul thawn kan feh ih kawhhran upa pawl tla an kim òheh.
19 Paul in cibai a buk hai hnuah an parih a lungawinak thu a sim ih a hnaòuannak hmangin Pathian in Zentail mi lakih a tuahmi hmuahhmuah kha famkim zet in a sim.
20 Cumi an theih tikah an zate in Pathian kha an thangòhat. Cule annih in, “Kan u pa Paul, Judah mi pawl sungin mi thawng ziangzatso zumtu an cang zo ih Daan an thlunnak ah ziangtlukin taimak an suah ti cu na hmuh òhehmi a si.
21 Zentail ram sungih a ummi Judah mi hmuahhmuah hnenah Moses Daan dungtun dingin le an faate pawl serhtan nawn lo dingin le Judah daan pawl thlun nawn lo dingin Paul in a zirh a si, tiah hitawk ummi pawl hin thu an thei.
22 Atu ah hitawkih nan thlen zo hi an thei ding a si ih ziangtinso kan tuah ding?
23 Hitiin tuah cila a òha ding tiah kan ruat. Hitawk ahhin thukamnak a tuah zotu mi pali an um.Ref 21.23-24 Mipum 6:13-21;
24 Anmah thawn va feh awla thianfainak ih tuah òheumi daan vekin va tuahpi ve awla an cemmi tangka tla va pek sak hai aw; cule an lu an met thei ding. Cuticun nangmah rori in Moses Daan kha na thlun ih na thuhla an rak theih cia mi pawl hi thudik zianghman a um lo, ti kha an thei òheh ding.
25 Zentail mi pawl zumtu ih a cangmi pawl thuhla ahcun kanmah in ca kan kuat zo. Kan cakuatmi sungah cun milem hnenih pekmi tirawl ei lo ding, sathi ei lo ding, hngawngrek ih thahmi sa ei lo ding, le nupa sualnak tuah lo ding, tiah kan relcatmi kha kan kuat zo a si,” tiah an ti.Ref 21.25 Tirh 15:29;
26 Cuhrangah Paul in a thai sun ah cuih mi pali cu a fehpi ih anmah thawn an daan vekin thianfainak cu an tuah. Cuih hnuah Biakinn sungah an lut ih thianfainak caan hi ziangtik ni ah a cem ding tile ziangtikah thawinak an pek fingfing a òulnak ding thu tla kha a sim.
Biakinn Sungah Paul An Kai
27 Ni sarih ni a kim zik tikah Asia ram ihsin a rami Judah mi òhenkhat pawl in Biakinn sungah Paul kha an hmu. Mipi pawl kha an tokhrok ih Paul cu an kai.
28 “Israel mi pawl, in bawm uh! Hi pa hi hmunzakipah feh tahrat in Israel mi pawl siseh, Moses Daan siseh, hi Biakinn siseh, relsia in thu a zirh vivotu a si. Atu ah hi Biakinn sungah hin Zentail mi pawl hman a ratpi ih hi hmun thianghlim hmuah a borhhlawhter thluh zo!” tiah an au.
29 (Hitiih an aunak cu Efesa khuami Trofimas kha Paul thawn Jerusalem khuasung ah an hmuh ruangah Biakinn sungah a luhpi a si, tiin an ruah ruangah a si.)Ref 21.29 Tirh 20:4;
30 Khuapi sung cu a zate in buainak in a khat ih misenpi cu an tlan ih Paul cu kai tahrat in Biakinn sung ihsin an dirh suak. Cule hmakhat teah Biakinn sangka pawl cu an khar.
31 Misenpi in Paul cu thah an tum rero lai ah Jerusalem khuapi an khawpum in ral an tho a si tiah Rom ralkap hotu ralbawipa hnenah thu an than.
32 Hmakhat teah cuih ralbawipa cu ralbawi dang le ralkap pawl thawn an va tlan. Mipi in ralkap pawl thawn cuih ralbawipa an hmuh tikah Paul an vuak kha an baang.
33 Ralbawipa cu Paul hnenah a va feh ih a kaih hnuah thir cikcin pahnih in khit dingah thu a pek. Cule mipi cu, “Hi pa hi zoso a si? Ziang sualnak so a tuah?” tiah a sut.
34 Mipi sungih mi òhenkhat cu phunkhat in an au, mi hrekkhat cu phundang in an au ve. Thu a buaituk lawmmam ih, ralbawipa in ziang a cang ti a theih fiang lo ruangah a ralkap pawl kha Paul cu òankulhu 21:34 òankulh timi hi raldo tikih humhim awknak hrangih kulhmi a si. sungih luhpi dingin thu a pek.
35 An fehpi tikah kailawn tiang lawng an thlenpi thei; cuih hnu cun misenpi pawl an neh thei lo ruangah Paul cu ralkap pawl in a zawn in an zawn.
36 An dungin an rak nor vivo ih, “That uh,” tiah an au phah vivo.
Paul In Amah Ih Òannak Thu A Sim
37 Ralkap pawl in Paul cu òankulh sungih an luhpi zik zawng ah Paul in ralbawipa cu, “Thu pakhatte ka lo sim thei pei maw?” tiah a sut.
Ralbawipa in, “Grik òong na thiam maw si?
38 Cuti a si ahcun kan dung rei nawn ah ral a tho ih hriamnam thawn mi thawngli ramòhingih a tlanpitu Izipt pa kha cu na si lo ti aw?” tiah a sut.
39 Paul in, “Keimah cu Judah mi ka si. Silisia ram Tarsas khua ih a suakmi, khuapi hminthang ih um ka si. Misenpi hnenah thusimnak tikcu i pe hram aw,” tiah a dil.
40 Ralbawipa cun thusimnak tikcu a pek ih, curuangah Paul cu kailawn parah ding tahrat in mipi pawl cu dai dingin a zaa a zaap. Mipi pawl an daih tikah Paul in Hebru òong in an hnenah thu a sim.