22
1 Paul cun, “U le nau, nu le pa pawl, nan hmaiah hin ka òannak thu ka sim ve tikah hin i ngai hnik uh!” a ti.
2 Hebru òong ih a òong ruangah mipi cu an dai òhepòhep. Cule Paul cun a hun pehsal ih:
3 “Keimah cu Silisia peng Tarsas khua suak Judah mi ka si. Asinan Jerusalem khua ah a òhanglian mi ka si ih Gamaliel ih zirhmi ka si. Kan pupa pawl ih daan fel zet le fek zet ih zirhmi ka rak si. Tuih sun hitawkih a rami nanmah vekin Pathian hnenah pum petu ka rak si ve.Ref 22.3 Tirh 5:34-39;
4 Bawipa ih Lamzin thluntu pawl hi thi ko in ka rak hrem hai. Nunau tilo, mipa tilo in ka kai ih thawng ah ka thlak.Ref 22.4 Tirh 8:3, 26:9-11;
5 Puithiam Sang le Khonsil upa pawl cu thudik ka simmi hi a theitu an si. Cuih upa pawl hnen ihsin Damaskas khua ih Judah unau pawl hnen pek ding ca ka keng ih Bawipa ih Lamzin thluntu pawl hi kai tahrat ih thir cikcin thawn khit in Jerusalem khua ih rak hruai dingin le hrem dingin Damaskas khua ah ka rak feh a si.
Paul Ih Lungthlengnak
(Tirh 9:1-19; 26:12-18)
6 “Cutiin ka feh ih Damaskas ka thlen zikah, sunlai hrawngah van ihsin a tleu zetmi tleunak in ka kimvel kha hmakhat teah i run tlet.
7 Leilung ah ka tlu ih aw pakhat in, ‘Saul, Saul, ziangahso i hrem?’ tiah i ti kha ka thei.
8 ‘ Bawipa, zoso na si?’ tiah ka hun sut. Anih in, ‘Na hremmi Nazareth mi Jesuh ka si,’ tiah i ti.
9 Ka hawipi pawl in tleunak cu an hmu nain i biatu ih aw cu an thei lo.
10 ‘Ziangso ka tuah ding, Bawipa?’ tiah ka sut. Bawipa in, ‘Tho awla Damaskas khuasung ah va feh awla na tuah dingah Bawipa in a tumtah cia mi hmuahhmuah kha an lo sim ding,’ tiah a ti.
11 A tleu tuk ruangah ka mit a caw ih ka rualpi pawl in ka kut in Damaskas khuasung ah in hruai.
12 Cuih khuapi ah Ananias cu daan thluntu sakhua mi le cutawk ih um Judah mi hmuahhmuah ih upatmi a si.
13 Ananias cu ka hnenah a ra ih ka kiangah ding tahrat in, ‘Unau pa Saul, khua hmusal aw,’ tiah a ti. Cuve tein khua ka hmusal ih amah cu ka hun zoh.
14 Amah in, ‘Kan pu le kan pa pawl ih Pathian in amah ih duhnak a theitu dingah le Miding pa hmutu dingah le amah ih aw rori a theitu dingah a lo hril zo a si.
15 Ziangahtile na hmuhmi le na theihmi hi mi hmuahhmuah hnenih simtu dingah amah ih thutheitu na si ding.
16 Cuti a si ruangah reipi hngak nawn hlah! Tho awla amah ih hmin ko phahin baptisma lak awla na sualnak thiangfaiter aw,” tiah i ti.
Zentail Mi Hnenih Thusim Ding
17 “Cuih hnuah Jerusalem ah ka kirsal ih Biakinn sungih thla ka cam lai ah langnak ka hmu.
18 Cuih langnak ahcun Bawipa ka hmu ih ka hnenah, ‘Tho awla zamrang tein Jerusalem ihsin suak aw, ziangahtile hi khuami pawl in ka thuhla na phuanmi hi an pom lo ding,’ tiah a ti.
19 Kei in, ‘ Bawipa, sinakok ah ka feh ih nangmah a lo zumtu pawl kha kai in ka vuak rero òheu kha an theih òhehmi a si.
20 Cule na thutheitu Stefen an thah tikah keimah rori ka um ih an thah kha ka lungkimpi tlunah a thattu pawl ih puan pawl a rak kensaktu ka si,’ tiah ka ti.Ref 22.20 Tirh 7:58;
21 Bawipa cun, ‘Feh ko aw; lam hlapi Zentail mi pawl hnenah ka lo thlah ding,’ i ti,” tiah Paul in a sim.
22 Cumi a sim tiang cu mipi pawl in òha tein an ngai. Asinan cuih hnu cun an aw neih patawp in, “Kha pa kha hloral seh! That uh! Nung ding a tlak lo!” tiah an au ciamco.
23 An zate in an au, an kio, an hnipuan an zaap ih leivut kha van ah an khirh ciamco.
24 Rom ralbawipa in a ralkap pawl kha Paul hi òankulh sungah fehpi uhla ziangruangah mipi pawl in hitlukin an hua ih an au hnawh ti theihnak dingah fung in vuak uh, tiah thu a pek.
25 Sikhalsehla fung in vuak dingih an òem òheh tikah Paul in cutawkih a dingmi bawi pakhat hnenah, “A sual thu òhen hrih lo Rom mi pakhat hi vuak daan a si pei maw?” tiah a sut.
26 Cuih thu a theih tikah cuih bawi cu ralbawipa hnenah a feh ih, “Ziangso na tuah? Khi pa khi Rom ih minung sokhaw a si!” tiah a ti.
27 Curuangah Paul hnenah a va feh ih, “Rom mi na si maw? I sim hnik?” tiah ralbawipa cun a sut.
“Ka si,” tiah Paul in a ti.
28 Ralbawipa in, “Kei khal tangka tampi ka pek hnuah ka si ve,” tiah a ti.
Paul cun, “Kei cu ka suahkeh ihsin Rom mi ka si,” tiah a sawn.
29 Cuve tein Paul thusuh a tumtu pawl cu dungah an siip òheh. Ralbawipa khal cu Paul kha Rom mi a si, ti a theih tlunah Rom mi thir cikcin thawn a khih kha a theihsal tikah a thin a phangzet.
Khonsil Hmai Ah Paul An Thlenpi
30 Ralbawipa cun Judah mi pawl in Paul parih sual an puhmi hi ziang bik so a si, ti theihfiang a duh ruangah a thai sun ah Paul ih thir cikcin cu a phoihter ih Puithiam upa pawl le Khonsil upa an zate in tongkhawm aw dingah thu a pek. Cule Paul cu a hruai ih an hmaiah a dinter.