20
Masidonia Le Akhaia Ram Ah
1 Cuih thubuai cu a dai ih Paul in a zumtu pawl cu hmunkhat ah a kokhawm ih thapeknak òongkam in a forh hnuah cibai a bukta hai ih Masidonia ram ah a feh.
2 Cuih ram cu a tlawng vivo ih thapeknak thu a sim vivo. Cule Akhaiau 20:2 Akhaia timi hi tuih san ih Greece ram a si. a thleng ih,
3 cutawkah thla thum a cam. Siria ah feh a tum nain, a tim a tuah rero lai ah Judah mi pawl ih an zuar tum thu a theih ruangah Masidonia lam in fehsal a tum.
4 Berea khuami Pirhas ih fapa Sopater le Thesalonika khuami Aristarkas le Sekundas, Derbe khuami Kaias, Asia ram in Taikhikas le Trofimas, le Timote tla in Paul cu an fehpi.
5 An rak feh sungih Troas ihsin in rak hngak.
6 Thilnu tello Sang Puai a cem hnuah Filipi ihsin lawng in kan feh ih ni nga hnuah Troas ah kan man hai. Troas ahcun zarh khat kan cam.
Paul In Troas Khua Netabik A Tlawnnak
7 Zarhte ni zanlam ah pawlkomnak zanriah hil tlang dingin kan tongkhawm aw. A ra khawmmi hnenah Paul in thu a sim ih a thaizing feh ding a si ruangah zanòim tiang thu a sim.
8 Tlunta khaan ah kan khawm aw ih mei-inn tampi an vang.
9 Tlangval pakhat Zutikhas an timi cu sangkate ah a to ih Paul in reipi thu a sim tikah cun a ih a rak hmu deuhdeuh ih a netnak ahcun a ihthat ngah ruangah cuih inn dot thumnak ihsin leilung ah a tla. An vung sar tikah a rak thi zo.
10 Sikhalsehla Paul a vung òum ih cuih tlangvalpa cu a bawhhnawh ih a pom. Paul in, “Nan thinphang hlah uh, a nunglai a si,” tiah a ti.
11 Cule Paul cu tlunta khaanah cun a hung kaisal ih sang kha a phel ih an ei. Paul cu reipi, zinglam nisuak tiang thu a sim hnuah a feh.
12 Cuih tlangvalpa cu a nungin a inn ah an fehpi ih an hna a ngam zet.
Troas Ihsin Miletas Ah
13 Long parah kan va feh ih cuih lawng in Assos ah kan feh; Assos ahcun Paul sawm phah ding kan si. Cutiih sawm phah ding cu in sim cia mi a si, ziangahtile lei lamzin in anih cu a rak feh.
14 Assos ah Paul cu kan tong ih kan lawng parah kan toter ih Mitilene ah kan feh.
15 Mitilene ihsin kan suak ih a thai sun ah Khios zawn kan thleng. A tipsun ah Samos kan thleng ih a thiamsun ah Miletas kan thleng.
16 Paul cun Asia ram ih cam rei ding cu a duh lo ruangah Efesa lansan mai a tum. A cang thei a si ahcun Pentikos ni kheel in Jerusalem ih thlen lohli a duh.
Paul Ih Netabik Thucahmi
17 Paul in Miletas ihsin mi a thlah ih Efesa khua kawhhran upa pawl in amah rak tong dingin thu a cah.
18 An rat tikah Paul cun, “Asia ram ka ra thlen ih a ni khatnak ni ihsin ka tikcu hmuahhmuah cu nan hnenah ziangvekin ka hmang ti cu nan thei òheh ko.
19 Tangdornak le mitthli thawn Bawipa ka rian ih Judah mi pawl ih in phiarnak khal har fualfo-in ka tuar.
20 Zapi hmaiah siseh, nan innsung khalah siseh, thusimnak caan ka neih tikah nan hrangih bawmtu a si ding hmuahhmuah in zianghman sup lo in ka sim ti khal nan thei.
21 Judah mi hnenah siseh, Zentail mi hnenah siseh, an sualnak tlansan in Pathian hnenah an kir ih kan Bawi Jesuh an zum a òul hrimhrim tiah ka sim tlunah fel tein ralrinnak khal ka pek hai a si.
22 Cule atu ah Thlarau Thianghlim ih hruainak thlun in Jerusalem ah feh ka tum; cutawkah ziang ka cang ding ti zianghman ka thei lo.
23 Khawkip ah thawngtlak le harsatnak lawnglawng in, in hngak a si, ti lawng kha Thlarau Thianghlim ih ralrin peknak thawngin ka thei.
24 Sikhalsehla ka hrangah ka nunnak hi zianghman ah ka siar lo; Bawipa Jesuh in òuan dingih i pekmi Pathian ih zangfahnak Thuthangòha phuan ding òuanvo hi famkim zet ih òuan thluh thei ding lawng hi ka saduhthah a si.
25 Nan zate hnenah a suk a so ah ka vak ih, Pathian ih Uknak thu ka lo sim. Asinan atu cu zohman in, in hmusal nawn lo ding, tihi ka thei.
26 Curuangah tuih sun ahhin fiang tein nan hnenah ka phuang: Nanmah lakah pakhatkhat nan hloral asile kei in mawhthluk hlah uh.
27 Ziangahtile Pathian ih tumtahmi kha suupmi zianghman nei lo in a zate in nan hnenah ka phuang òheh a si.
28 Cuti a si ruangah nanmah le nanmah kilkhawi awk thiam uhla Thlarau Thianghlim in tuurual kilkhawitu dingih a lo ret vekin nan tuurual kha òha tein kilkhawi uh. Pathian in a Fapa thisen thawn amah ih ta ih a tuah zomi a kawhhran khaaltu va si uh!
29 Kei ka feh hnuah òihnungza cinghnia hrang an ra dingih tuurun pawl hi an zoh men lo ding, ti ka thei.
30 Nanmah ih sung ihsi hin mihrek cun anmah lamih hruai duh ah thuphanper tahrat in zumtu pawl hi an hruaisualnak tikcu caan a ra thleng ding.
31 Curuangah ralring uhla sun tilo zan tilo in mitthli thawn kum thum sung nan zate in ka lo zirhmi kha hngilh hlah uh.
32 Atu cu Pathian kilkhawinak le a zangfahnak thu sungah ka lo ap zo. Amah in a lo òhansoter dingih a minung pawl hrangih a ret cia mi thluasuahnak kha a lo pek ding.
33 Zo ih tangka, sui le hnipuan khal ka daw dah lo.
34 Ka kut rori hin hna ka òuan ih keimah le ka rualpi pawl ih kan òulmi thil tla kha ka suahpi ve ti cu nan thei òhehmi a si ko.
35 Ziang hmuahhmuah ah napi in òuan tahrat in santlai lomi pawl kan bawm ding a si, ti kha ka lo hmuh zo; Bawipa Jesuh khalin, ‘Ngah lam hnakin pek lamah lungawinak a tam sawn,’ a timi òongkam kha ciing ringring uh,” tiah thu a cah.
36 Paul in cutiin a sim òheh tikah a khuk a bil ih an zate in thla an cam tlang.
37 Paul cu an pom an hnam ih damte in vung feh aw, ti phahin an zate in an òap ciamco.
38 Zohman in, in hmusal nawn lo ding, a ti ruangah an riah a siat cuangnak a si. Cule lawng umnak tiang an hei thlah.