19
Efesa Khua Ah Paul A Thlengsal
1 Apollos cu Korin khua ih a um lai ah Paul cu cuih ram sungah khual a tlawng ih Efesa ah a thleng. Cutawkah dungthluntu òhenkhat pawl a tong ih,
2 Paul in, “Zumtu nan si zo ih Thlarau Thianghlim nan ngah maw?” tiah a sut.
Annih in, “Thlarau Thianghlim a um ti hman kan theih ual lo,” tiah an sawn.
3 “Cuti asile ziangvek baptisma so nan lak?” tiah Paul in a sut.
Annih in, “Johan ih baptisma,” tiah an ti.
4 Cutikah Paul in, “Johan ih baptisma cu sual a sir aw mi pawl hrangah a si ih amah Johan in ka dungih a ra ding pa kha Israel mi pawl in an zum dingmi a si. Cumi cu Jesuh a si,” tiah a ti.Ref 19.4 Mat 3:11; Mar 1:4, 7-8; Luk 3:4, 16; Joh 1:26-27;
5 Cumi an theih tikah Bawi Jesuh hmin in baptisma an lak.
6 Paul in an parah a kut a suang ih an parah Thlarau Thianghlim a rung thleng; òong phun dangdang in an òong ih Pathian thu cu profet bangin an phuang.
7 Anmah cu pacang hlir hleihnih tluk an si.
8 Paul cu sinakok ah a feh ih thla thum sung ralòha zet in mipi hnenah thu a sim. Anmah thawn thu an el aw ih Pathian Uknak thu kha an thinlung ah lut ngah dingin a zuam.
9 Sikhalsehla mi òhenkhat cu an thinlung a ruhzet ih an zum duh lo; curuangah miburpi hmaiah Bawipa ih Lamzin thuhla kha an relsiat ciamco. Curuangah Paul in a tlansan ih zumtu pawl kha a fehpi ih Tirannas timi thusimnak innpi ah nitin tein thu a zirh.
10 Cuticun kum hnih sung a òuan ih Asia ram sungih a ummi Judah mi siseh, Zentail mi siseh, an zate in Bawipa ih thu cu an thei.
Skeva Ih Fapa Pawl
11 Pathian in Paul kha a hmang ih lamdang zet, mangbangza pawl a tuah.
12 A pavua le a taaingerh puan pawl hman kha mina pawl hnenah an ken tikah an natnak a dam ih an sung ihsin khawsia pawl an suak.
13 Hmunkipah vak tahrat ih khawsia a dawitu Judah mi òhenkhat tla in Bawi Jesuh hmin in Paul vekih tuah ve an tum. Annih in khawsia pawl hnenah, “Paul ih a simmi Jesuh ih hmin in ka lo dawi,” tiah an ti.
14 Judah mi Puithiam Sang a hmin Skeva an timi pa ih fapa unau pasarih in cubangtuk cun an tuah ciamco.
15 Sikhalsehla khawsia in an hnen ahcun, “Jesuh ka thei; Paul thuhla khal ka thei. Sikhalsehla nannih hi zoso nan si?” tiah a ti.
16 Khawsia polhmipa cun unau pasarih pawl cu a zon ih a sual hai ih a neh thluh. Hmapu le hnipuan tlek òheh in a inn ihsin an tlan.
17 Cuih thuhla cu Efesa khua ih a ummi Judah mi le Zentail mi hmuahhmuah in an theih tikah an òih ngaingai ih Jesuh hmin cu upatnak an pek sinsin.
18 Zumtu sung ihsin mi tampi an ra ih zapi hmaiah thil an rak tuah òheumi pawl kha an phuang ciamco.
19 Mitkherh thiam tampi tla in an mitkher cabu pawl cu hmunkhat ah an khawm ih zapi mithmuh ah an ur. Cutiih an urmi mitkher cabu pawl cu a man an kom tikah ngun tangkas 19:19 Ngun tangka fangkhat cu culai mi pakhat ih nikhat hlawh a si. thawng sawmnga a si.
20 Cuticun Bawipa ih thu cu nasa zet in a zai ih a cak sinsin.
Efesa Khua Ih Buainak
21 Cubangtuk in thil a um hnuah Paul in Masidonia ram le Akhaia ram hrawng tlawn ih Jerusalem ih lanta ding kha a thinlung in a ruat. “Cutawk ka thlen hnuah Rom khal ka hmuh a òul,” tiah a ti.
22 Curuangah amah a bawmtu lakih pahnih Timote le Erastas kha Masidonia ah a thlah ih amah cu Asia ram sungah tikcu tam deuh a hmang.
23 Cuih tikcu hrawngah Efesa khua ah Bawipa ih Lamzin thuhla ah thubuai tumpi pakhat a um.
24 Ngun in sosertu Demetrias an timi pa in khawzingnu Artemis ih biakinn zuk kha ngun in a ser ih a hnaòuantu pawl hrangah tangka tampi a ngah.
25 Curuangah a hnaòuantu pawl le anmah vekih hnaòuantu dangdang pawl kha a kokhawm ih an hnenah, “U le nau pawl, hi kan hnaòuanmi ruangah hin neinungin kan um ti cu nan theih òhehmi a si.
26 Asinan atu ah Paul an timi pa in ziang bangtukin hna a òuan ti cu nanmah rori-in nan hmuhmi le nan theihmi a si. ‘Milai ih tuahcopmi pathian cu pathian an si lo,’ tiah a ti ih Efesa khuasung le Asia ram zate ti ding tlak in mi tampi thinlung ah a simmi cu a lut ngah a si.
27 Cuti a si ruangah hi kan hnaòuanmi hi a hmin a sia thlang ding tihi phan a um zet. Cuih tlunah Asia ram le leilungtlun pumpuluk ah mikip miza in an biakmi a ropi zetmi khawzingnu Artemis ih biakinn hi mi in zianghman ah an siar nawn lo dingih a ropitnak hi a cemralta ding a si,” tiah a ti.
28 Cumi cu mipi in an theih tikah an thin a hengzet ih, “Efesa khua ih Artemis cu a ropi a si,” tiah an au ciamco.
29 Cutiih an au cu khuasung ah a khat òheh. Mipi cun, Masidonia mi pahnih Paul thawn khual a tlawng tlangmi Kaias le Aristarkas kha an kai ih puai zohnak bualrawn ah an suahpi.
30 Mipi hmai ahcun Paul amah rori suah a duh nain zumtu pawl in an kham.
31 Cuih peng sungih thuneitu a rualpi pawl hrekkhat in cuih bualrawn ih va feh hrimhrim lo dingin thu an cah fawn.
32 Cutiin bualrawn ahcun an buai rero; mihrek in pakhat thu an au, midang in thudang thu an rak au ve; mi tam sawn cun cutawkah ziangah kan ra suak ti hman an thei lo.
33 Judah mi pawl in Alexander kha hmaiih an suahter ruangah mi tampi cun hi thubuai a suahtertu hi amah a si hmang tiah an ruat. Cule Alexander cun dai uh, tiah a kut in mipi cu a hun hmuh hai ih amah ih dinhmun òan in thusim a tum.
34 Sikhalsehla Judah mi a si kha mipi in an theih tikah an au keel in an au hluarhlosal ih, “Efesa khua ih Artemis cu a ropi a si,” tiah nazi pahnih sung an au.
35 A netnak ah cuih khua ih thuneitu lakih sungòuantu pa in mipi cu a daihter deuh ih an hnen ahcun, “Efesa khuami pawl, Efesa khua cu a ropimi Artemis ih biakinn le vancung ihsin a rung tlami milem umnak hmun a si, ti cu mi hmuahhmuah ih theih òhehmi a si.
36 A el theitu zoso a um? Zohman in an el thei lo ding. Curuangah dai tein um uhla ruatta ciamciam lo in zianghman tuah hlah uh.
37 Himi pawl hin biakinn sung thilri an ruk lo, kan khuavangnu khal an relsia lo nain hinah nan rak suahpi.
38 Demetrias le a hnaòuantu pawl in zo ih tlun khalah sual mawhthluk ding an neih a si ahcun tazacuait 19:38 ‘Tazacuai’ timi hi khuahlan deuh òong ahcun ‘thukhiing’ an ti. Cutiih kan lehnak tla a um. theinak zung kan nei ko; thuòhen ni le thuòhentu upa tla kan nei ko. Cunah thukhiin theih a si.
39 Cuhnakih thupi deuh nan duh asile kan daan vekin khuasungmi zate ih pumkhawmnak ah relcat ding a si.
40 Ziangahtile tuih sun ih thil a cangmi ruangah hin buainak nan suahpi tiin mawhthluk kan tong pang ding ti phan a um. Hi tluk lawmmam ih buainak thu ahhin puhmawh ding a um lo; cule ziangah nan buai tiah in ti hai sehla òan kan la thei lo ding,” tiah a ti.
41 Cutiih a ti hnuah a ra khawmmi pawl cu a òiakter hai.