1 လက်စားချေတော်မူသောဘုရား၊ လက်စားချေတော်မူသောဘုရား၊ အိုယေဟောဝါ၊ ရောင်ခြည်တော်ကိုလွှတ်တော်မူပါ။ 2 အိုမြေကြီး၏တရားမင်းမြတ်၊ ထရပ်၍၊ မာနကြီးသူတို့အားထိုက်သင့်ရာဆပ်ပေးတော်မူပါ။ 3 အိုထာဝရဘုရား၊ လူဆိုးတို့သည်၊ မည်မျှကြာရွှင်လန်းခွင့်ရကြအံ့နည်း။ 4 ဒုစရိုက်ပြုကျင့်သူရှိသမျှတို့သည်၊ မောက်မာစော်ကားဝင့်ဝါလျက်၊ 5 လူမျိုးတော်ကိုချေမွှ၍၊ ပိုင်တော်မူရာကိုညှဉ်းပန်းကြပါသည်၊ အိုထာဝရဘုရား၊ 6 မုဆိုးမနှင့်ဧည့်သည်တို့ကိုကွပ်မျက်လျက်၊ ဘသက်ဆိုးတို့ကိုသတ်ဖြတ်လျက်၊ ထာဝရဘုရားမရှုမမြင်၊ 7 ယာကုပ်၏ဘုရားသခင် အမှုမထားဟုဆိုကြပါ၏။ 8 အချင်းဉာဏ်တုံးသူတို့၊ ဆင်ခြင်ကြလော့။ အချင်းလူမိုက်တို့၊ မည်သည့်ကာလမှလိမ္မာကြမည်နည်း။ 9 နားကိုစိုက်ထားသောအရှင်သည် ကြားခွင့်၊ မျက်စိကိုဖန်ဆင်းသောအရှင်သည် မြင်ခွင့်၊ 10 လူတို့အားအသိပညာသွန်သင်လျက်၊ လူ့မျိုးခြားတို့ဆုံးမသောအရှင်သည်၊ ဆုံးမခွင့်ရတော်မမူသလော။ 11 လူတို့အကြံအစည်များသည် အချည်းအနှီးဖြစ်ကြောင်း၊ ထာဝရဘုရားသိမြင်တော်မူ၏။ 12-13 အိုထာဝရဘုရား၊ လူဆိုးတို့အဖို့တွင်းတူးသည့်ကာလမတိုင်မီ၊ ဒုက္ခနေ့ရက်ကာလမှလွတ်ငြိမ်းခွင့်ကိုသနားခြင်းငှာ၊ ကိုယ်တော်ဆုံးမ၍၊ တရားတော်ကိုသွန်သင်ခံရသောသူသည် မင်္ဂလာရှိပါ၏။ 14-15 တရားခွင်သို့ဖြောင့်မတ်ခြင်းမပြန်မရောက်၊ သဘောဖြောင့်သူအပေါင်းတို့မလိုက်မလှေျာက်မီအတွင်း၊ ထာဝရဘုရားသည်လူမျိုးတော်ကို ပစ်ပယ်ခြင်း၊ ပိုင်တော်မူရာကို စွန့်ထားခြင်းပြုတော်မူမည်မဟုတ်။

16 အဆိုးပြုကျင့်သူတို့တစ်ဘက်၌ ငါ့အဖို့မည်သူထမည်နည်း။ ဒုစရိုက်ပြုကျင့်သူတို့တစ်ဘက်၌ ငါ့အဖို့မည်သူရပ်တန့်မည်နည်း။ 17 ငါ့ကိုထာဝရဘုရားမစတော်မမူခဲ့လျှင်၊ ငါ့အသက်သည် ဆိတ်ညံရာ၌အမြန်နေရာကျခဲ့လေပြီ။ 18 ခြေချော်လျက်ရှိပါသည်ဟု အကျွန်ုပ်အောက်မေ့သော်၊ ကရုဏာတော်ထောက်ခံပါသည်။ 19 အတွင်းသဘောများစွာရှုတ်ထွေးလျက်ပင်၊ ချမ်းသာတော်အားဖြင့်စိတ်ဧရပါ၏။ 20 ဓမ္မသတ်ဖြင့်အဓမ္မကိုထုတ်ဆင့်၍၊ သူတော်ကောင်း၏အသက်ကိုချဉ်းဝင်လျက်၊ 21 အပြစ်ကင်း၁ 94.21 ပါဠိ - ၒအေသွး။သူတို့ကိုစီရင်သောမတရားပလ္လင်သည်၊ ကိုယ်တော်နှင့်ဆက်ဆံပါမည်လော။ 22 ထာဝရဘုရားကား၊ ငါ၏ရဲတိုက်၊ ငါ့ဘုရားသခင်ကား၊ ငါခိုလှုံရာကျောက်တောင် ပေတည်း။ 23 ချင်းတို့ဒုစရိုက်ကိုဆပ်ပေးလျက်၊ မကောင်းမှုအတွက်ပယ်ရှားတော်မူလိမ့်မည်။ ငါတို့ဘုရားသခင်ထာဝရဘုရားသည်၊ ပယ်ရှားတော်မူလိမ့်သတည်း။