1 ယောသပ်အမျိုးကိုသိုးစုကဲ့သို့လမ်းပြတော်မူသော၊ ဣသရေလလူမျိုးတို့အထိန်းအကျောင်းတော်၊ နားညောင်းတော်မူပါ။ ခေရုဗတို့အထက်စံနေတော်မူသောအရှင်၊ ရောင်ခြည်တော်ကိုလွှတ်တော်မူပါ။ 2 ဧဖရိမ်၊ ဗင်္ယာမိန်၊ မနာရှေအနွယ်တို့ရှေ့တန်ခိုးတော်ကိုနှိုးဆော်၍၊ ကြွရောက်ကယ်မတော်မူပါ။ 3 အိုဘုရားသခင်၊ အကျွန်ုပ်တို့ကိုပြန်လာစေ၍၊ လွတ်မြောက်ကြရစေခြင်းငှာ မျက်နှာတော်ရောင်ခြည်ကိုလွှတ်တော်မူပါ။

4 ဗိုလ်ခြေတို့အရှင်ထာဝရဘုရားသခင်၊ လူမျိုးတော်ပဌနာပြုရာတွင်၊ မည်မျှကြာအမျက်ထွက်တော်မူပါမည်နည်း။ 5 ကိုယ်တော်သည်မျက်ရည်မုန့်ကျွေးခြင်း၊ မျက်ရည်များစွာတိုက်ခြင်းပြုလျက်၊ 6 အကျွန်ုပ်တို့ကိုရန်သူတို့လှောင်ပြောင်ရသည့်တိုင်အောင်၊ ပြည်နီးချင်းတို့ရှေ့ဘက်ပြိုင်ရန်အကြောင်းဖြစ်စေတော်မူပါပြီ။ 7 ဗိုလ်ခြေတို့အရှင်ဘုရားသခင်၊ အကျွန်ုပ်တို့ကိုပြန်လာစေ၍၊ လွတ်မြောက်ရစေခြင်းငှာ မျက်နှာတော်ရောင်ခြည်ကိုလွှတ်တော်မူပါ။

8 ကိုယ်တော်သည်စပျစ်နွယ်ပင်ကိုအိဂျစ်ပြည်ကယူခဲ့၍၊ လူမျိုးခြားတို့ကိုနှင်ထုတ်ပြီးလျှင်၊ စိုက်တော်မူရာ၊ ထိုအပင့်ရှေ့မြေထွင်တော်မူသဖြင့်၊ 9 အမြစ်နက်စွာစွဲ၍ တစ်ပြည်လုံးပြည့်ကြီးပွားသော်၊ 10 အရိပ်သည်တောင်များကိုလည်းေကာင်း၊ အခက်အလက်များသည် မြင့်သောသစ်ကတိုးပင်များကိုလည်းေကာင်း၊ 11 လွှမ်းမိုးလျက်၊ အကိုင်းအခက်များသည်ပင်လယ်တိုင်အောင်လည်းေကာင်း၊ အညွန့်များသည်မြစ်ကြီးတိုင်အောင်လည်းေကာင်း၊ ရောက်ပါ၏။ 12 ယခုမူကား၊ လမ်းဖြင့်သီသွားသူတိုင်းဆွတ်ခူးရအောင်၊ ခြံစည်းများကိုအဘယ့်ကြောင့်ချိုးဖျက်တော်မူပါသနည်း။ 13 တောဝက်များသည်ကိုက်၍ တောသားရဲများလည်းစားကြပါသည်တကား။ 14 ဗိုလ်ခြေတို့အရှင်ထာဝရဘုရားသခင်၊ တစ်ဖန်ကြွလာပြီးလျှင်၊ ကောင်းကင်မှငုံ့ကြည့်လျက်၊ 15 ဤစပျစ်ပင်မှစ၍၊ ညာလက်တော်ဖြင့်စိုက်ပျိုးရာငုတ်၊ ကိုယ်တော်တိုင်အဖို့ခိုင်ခံစေသောအနွယ်ကိုကြည့်ရှုတော်မူပါ။ 16 မီးတိုက်ခြင်း၊ ခုတ်လှဲခြင်းခံရ၍၊ မျက်နှာထားတော်မူသဖြင့်ပျက်စီးပါပြီ။ 17 ညာလက်တော်ဖြင့်ရွေးကောက်သောလူ၊ ကိုယ်တော်တိုင်အဖို့ သန်စွမ်းစေသောလူ့သားအပေါ်မှာ၊ လက်တော်ကိုမိုးထားတော်မူပါ။ 18 သို့ပြုလျှင်၊ အထံတော်မှ ဆုတ်ခွာ၍သွားမည်မဟုတ်ပါ။ အသက်ရှင်စေတော်မူလျှင်၊ နာမတော်အားပဌနာပြုကြပါမည်။ 19 ဗိုလ်ခြေတို့အရှင်ထာဝရဘုရားသခင်၊ အကျွန်ုပ်တို့ကို ပြန်လာစေ၍၊ လွတ်မြောက်ကြရစေခြင်းငှာမျက်နှာတော်ရောင်ခြည်ကိုလွှတ်တော်မူပါ။