1-2 ငါ့သား၊ သင်သည် ဉာဏ်ပညာကိုနာယူ၍၊ ဉာဏ်ပဋိဘာန်ကိုစွဲလမ်းသည့်တိုင်အောင်၊ ငါ့စကားကိုနာခံလျက်၊ ငါပညတ်များကို ပိုက်ကျုံးလျှင်လည်း‌ေကာင်း၊ 3 ဉာဏ်ပဋိဘာန်နှင့် အသိဉာဏ်ကို တသဟစ်ခေါ်လျှင်လည်း‌ေကာင်း၊ 4 သိုက်ကို စူးစမ်း၍ ငွေကို ရှာဖွေသကဲ့သို့၊ ပညာကိုရှာေဖွလျှင်လည်း‌ေကာင်း၊ 5 သင်သည် ထာဝရဘုရားအား ခန့်ညားရခြင်းကိုလည်း နားလည်၍၊ ဘုရားသခင်အားသိကျွမ်းရခြင်းကို တွေ့ခွင့်ရှိလိမ့်မည်။ 6 အသို့ဆိုသော်၊ ထာဝရဘုရားသည် ဉာဏ်ပညာကိုသနားတော်မူ၏။ အသိပညာနှင့် ဉာဏ်ပဋိဘာန်သည် နှုတ်တော်မှထွက်၏။ 7-8 တရားနည်းလမ်းကိုကြည့်ရှု၍၊ ကြည်ညိုသူတို့၏အလေ့အလာကိုစောင့်ထိန်းရန်၊ ဖြောင့်မှန်သူတို့အဖို့အမျှော်အမြင်ပညာကိုသိမ်းဆည်းလျက်၊ ရိုးသားသူတို့အတွက် ဒိုင်းလွှားသဖွယ်ဖြစ်တော်မူ၏။ 9 သို့မှသာသင်သည် ဖြောင့်မတ်ခြင်း၊ တရားသဖြင့်စောင့်ခြင်း၊ တော်မှန်ညီညွတ်ခြင်းမှစ၍၊ ကောင်းမြတ်သောအလေ့အလာရှိသမျှကို နားလည်ခွင့်ရှိလိမ့်မည်။ 10 အသို့ဆိုသော်၊ ဉာဏ်ပညာသည် သင့်နှလုံးထဲသို့ဝင်၍၊ အသိပညာကိုလည်း သင်နှစ်သက်သဖြင့်၊ 11-17 ဆိုးသောလမ်းမှ ကယ်လွှတ်သည့်ပြင်၊ ကောက်ကျစ်သောစကားကို​ပြောသောသူ၊ မှောင်သောလမ်းသို့လိုက်ရန် ဖြောင့်သောလမ်းကိုစွန့်သောသူ၊ စဉ်းလဲသောအကျင့် နှင့်လိမ်လည်သော အလေ့အလာရှိသဖြင့်၊ အဆိုးပြု၍ ရွှင်လန်းလျက်၊ ဆိုးသွမ်းကောက်ကျစ်ခြင်း၌ မွေ့လျော်သောသူတို့မှလည်း‌ေကာင်း၊ ငယ်ပေါင်းကြီးေဖာ်ကိုစွန့်၍ကိုယ့်ဘုရားသခင်၏ ပဋိညာဉ်ကိုမေ့လျော့သောမိန်းမပေါ့၊ စကားဖြင့် မြှောက်ပင့်တတ်သောမိန်းမရွှင်မှလည်း‌ေကာင်း၊ ကယ်လွှတ်စေရန်၊ ပညာသတိသည် သင့်ကိုစောင့်ရှောက်၍၊ ဉာဏ်ပဋိဘာန်လည်းကွယ်ကာ စောင့်ထိန်းလိမ့်မည်။ 18 ထိုမိန်းမ၏အိမ်သည် သေခြင်းသို့လည်း‌ေကာင်း၊ အလေ့အလာများသည် သုဿာန်သို့လည်း‌ေကာင်း၊ ​ရောက်စေတတ်၏။ 19 ထိုသူ့ထံဝင်ရောက်သောသူမည်သည်ကား၊ မပြန်မလာ။ အသက်လမ်းကိုမမှီရ။ 20 သင်သည် သူတော်ကောင်းတို့ လမ်းသို့လိုက်၍၊ ဖြောင့်မတ်သူတို့အလေ့အလာများကို စောင့်ရှောက်ရလိမ့်မည်။ 21 ဖြောင့်မှန်သောသူတို့သည်၊ နေပြည်တွင်တည်လျက်၊ စုံလင်သူတို့လည်း၊ မြဲကြလိမ့်မည်။ 22 လူဆိုးတို့မူကား၊ ထိုပြည်မှပယ်ရှားခြင်းခံရ၍၊ သစ္စာမဲ့သောသူတို့လည်း၊ နုတ်ပယ်ခြင်းကို ခံရကြလိမ့်မည်။