2
1 ထိုနောက်၊ အာရွှေရုမင်းစိတ်ပြေသောအခါ၊ ဝါရှတိနှင့်သူပြုသောအမှုကိုလည်းေကာင်း၊ စီရင်ချက်ကိုလည်းေကာင်း၊ သတိရသော်၊
2 အထံတော်၌ခစားသောကျေးကျွန်သင်းပင်းတို့က၊ အဆင်းလှသောသမီးကညာတို့ကို၊ ဘုရင်မင်းအဖို့ရှာကြပါစေ။
3 တွေ့ခဲ့သမျှအဆင်းလှသောထိုသမီးကညာတို့ကို၊ ရှုရှန်မှန်နန်းတော်တွင်၊ ဘုရင်မင်းမိန်းမစိုးဖြစ်သူဟေဂဲလက်သို့အပ်စေခြင်းငှာ၊ နိုင်ငံတော်ပြည်ထောင်တကာတွင်ကြီး ကြပ်သူတို့ကို ခန့်ထားတော်မူပါ။ ကိုယ်ကိုလိမ်းကျံရန်နံ့သာအမျိုးမျိုးအပ်ပေးစေ၍၊
4 ဘုရင်မင်းမြတ်နိုးတော်မူသောကညာကို၊ ဝါရှတိအရာ၌မိဖုရားမြှောက်တော်မူပါဟုတင်လျှောက်သည့်စကားအတိုင်း၊ ဘုရင်မင်းနှစ်သက်၍စီရင်လေ၏။
5-6 ထိုအခါ၊ ဗာဗုလုန်ဘုရင်နေဗုခဒ်နေဇာမင်းသိမ်းသွားရာပါ၊ ယုဒဘုရင်ယေခေါနိမင်းနှင့်တကွ၊ ယေရုရှလင်မြို့မှ သုံ့ပန်းခံရသူတို့အနက်၊ ယုဒလူမျိုး၊ ဗင်္ယာမိန့်အနွယ်၊ ကိရှမြစ်၊ ရှိမိမြေး၊ ယာဣရသား၊ မော်ဒကဲအမည်ရှိသူတစ်ယောက်သည်၊ ရှုရှန်နန်းမြို့တော်၌နေထိုင်လျက်ရှိ၏။
7 ထိုမော်ဒကဲသည်၊ မိသက်ဆိုး၊ ဘသက်ဆိုးဖြစ်သူ၊ အဆင်းသဏ္ဌာန်လှ၍ ရှုချင်ဖွယ်ကောင်းသော၊ ဘထွေးသမီး၊ ဟဒသာခေါ်ဧသတာကို၊ မိဘတို့သေကတည်းက၊ သမီးရင်းသဖွယ်ထားလျက်မွေးစားလေ၏။
8 ဘုရင်မင်းထုတ်ဆင့်သောအမိန့်တော်ကို ကြော်ငြာသည့်အတိုင်း၊ ရှုရှန်မှန်နန်းတော်အုပ်ဟေဂလက်သို့ရောက်သော သမီးကညာအမြောက်အမြားနှင့်ဧသတာလည်း ရောက်၏။
9 ဧသတာသည်၊ ဟေဂဲစိတ်နှင့်တွေ့၍မျက်နှာရသဖြင့်၊ လိမ်းကျံရန်နံ့သာအမျိုးမျိုးမှစသော အဝတ်အစားများနှင့်၊ နန်းတော်ရှိလက်ရွေးအပျိုတော်ခုနစ်ယောက်ကိုအ ဆောတလျင်အပ်ပေးပြီးလျှင်၊ အပျိုတော်များပါ၊ မှန်နန်းဆောင်အမြတ်ဆုံးနေရာတွင်ထား၏။
10 မော်ဒကဲမှာထားသည့်အတိုင်း၊ ဧသတာသည် အမျိုးအနွယ်ကိုမဖော်မပြသေး။
11 မော်ဒကဲလည်း၊ ဧသတာ၌မည်သို့ရှိနေသည်၊ မည်သို့ဖြစ်ပျက်မည်ကိုသိခြင်းငှာ၊ မှန်နန်းတံတိုင်းပြင်မှာ၊ နေ့စဉ်လှေျာက်သွားလေ့ရှိ၏။
12 အပျိုတော်တို့ထုံးနည်းအတိုင်း၊ မုရန်ဆီခြောက်လ၊ နံ့သာမျိုးနှင့်အခြားလိမ်းကျံရန်ဆီခြောက်လ၊ ဆယ့်နှစ်လပတ်လုံးလိမ်းကျံရန်ကာလစေ့ပြီးမှ၊ အာရွှေရုမင်းထံအလှည့်ကျ ဝင်ရကြသောအခါ၊
13 အဆောင်တော်သို့ဝင်ရသောအပျိုတော်သည်၊ မှန်နန်းတော်မှအလိုရှိသမျှယူသွားရာ၊
14 ညဉ့်ဦးအချိန်ဝင်၍နံနက်အချိန်ရောက်သော်၊ ဒုတိယမှန်နန်းဆောင်တွင်၊ မောင်းမကိုယ်လုပ်တော်များကိုကြည့်ရှုသူမိန်းမစိုးရှာရှဂါဇထံသို့ပြန်ရလေ၏။ ဘုရင်မင်းအ မြတ်တနိုးအမည်ဖြင့်မခေါ်လျှင်၊ နောက်တစ်ဖန်အထံတော်သို့မဝင်ရ။
15 သမီးရင်းသဖွယ်မော်ဒကဲမွေးစားသော၊ ဘထွေးအဘိဟဲလသမီးဧသတာသည်၊ အလှည့်ကျ၍ဘုရင်မင်းထံဝင်ရသောအခါ၊ မှန်နန်းတော်အုပ်မိန်းမစိုးဟေဂဲစီရင်ရာမှတပါး၊ မည်သည်ကိုမျှမယူဘဲ။ တွေ့သမျှတို့ရှေ့မျက်နှာရသတည်း။
16 အာရွှေရုမင်းနန်းစံခုနစ်နှစ်၊ တေဗက်ခေါ်ဒသမလတွင်၊ ဧသတာကိုအဆောင်တော်သို့သွင်းဆက်သောအခါ၊
17 ဘုရင်မင်းသည် မိဖုရားတကာတို့ထက်မြတ်နိုး၍၊ အပျိုကညာအပေၙါင်းတို့ထက်လည်းမျက်နှာသာရေပးသဖြင့် မာလိကတန်ဆာကိုဆင်ယင်ေစလျက်ဝါရှတိအရာ၌မိဖုရားေမြှာက်ပြီးလျှင်၊
18 ဧသတာ့ပွဲဟူ၍ခမ်းနားသောစားသောက်ပွဲသဘင်ကို၊ မှူးတော်မတ်တော်၊ ကျေးကျွန်သင်းပင်းတို့အဖို့ယင်လျက်၊ ပြည်ထောင်တကာတွင် အငြိမ်းပေးသည့်ပြင်၊ ရက် ရောစွာလှူဒါန်းလေ၏။
19 ဒုတိယအကြိမ် သမီးကညာတို့ရောက်ပြန်သောအခါ၊ မောဒကဲသည် နန်းတော်တံခါးအတွင်း နေထိုင်ရ၏။
20 ဧသတာလည်းမော်ဒကဲမွေးစားသည်ကကဲ့သို့၊ အမိန့်ကိုနားထောင်လျက်ရှိသည်ဖြစ်၍၊ မှာထားသည့်အတိုင်းအမျိုးအနွယ်ကို မဖော်မပြသေး။
21 ထိုသို့နန်းတော်တံခါးအတွင်း၊ မော်ဒကဲနေထိုင်လျက်ရှိစဉ်အခါ၊ အဝင်အထွက်စောင့်ကြည့်ရသောမိန်းမစိုးဗိဂသံ၊ တေရက်နှစ်ယောက်တို့သည်၊ အာရွှေရုမင်းကိုစိတ် နာ၍လက်ရောက်ပြုရန်ကြံစည်ကြရာ၊
22 မော်ဒကဲရိပ်မိသဖြင့်၊ မိဖုရားဧသတာအားဖော်ပြလေ၏။ ဧသတာလည်းမော်ဒကဲဖော်ပြကြောင်းဘုရင်မင်းထံတင်လျှောက်သည့်အတိုင်း၊ စစ်ကြော၍ အမှန်ထင် ရှားသော်၊
23 ထိုသူနှစ်ယောက်တို့ကိုလည်ဆွဲတိုင်၌ဆွဲထား၍၊ နေ့စဉ်မှတ်စာတန်းတွင်၊ ဘုရင်မင်းရှေ့တင်သွင်းကြသတည်း။