27
Gwieh Ti Deuh Cub Pui Naing
1 Pui Isarelax, awm pa hoik koe carang cao kaing doeh nyiex ma keeing kix mai cao kaing naing cub pui kaing rheng mai kaing yieh mai cao kwang piang kix khankix, hoik yuh kaing jhaw son simiang grawng kuceu awm pa hoik gwieh ti deuh cub pui naing khankix heue. Cub caw in kix mawh cub kru naing pa laig pa lih tix khix hoik tix khix ka daux leeing lang khix leeing lang num heue. Cub tab pa hoik gwieh kix koe lien ra mheen pon rheng kaux heue.
2 Tab kru naing cub tix, son khix tix, mawh Yashoban, kawn simex Zabadalax, pa kwang ka tab kru naing cie nawh koe lien ra mheen pon rheng kaux heue.
3 Nawh mawh kawn praix khaing ceu pui Periet mai mawh cao kaing ting piang cao kaing naing cub kru naing khankix son daux khix tix heue.
4 Tab kru naing son khix ra mawh Dodie, khaing ceu pui Hohix, pa kwang heue. Khaing daux tab cub kru naing nawh khankix, Mikalot kawx mawh cao kaing tix kaux heue. Ka daux tab cub kru naing nawh khankix koe lien ra mheen pon rheng kaux heue.
5 Cao kaing naing loe kaux tix kaux daux cub kru naing son khix loe, mawh Benayax, kawn simex cao giex kaing li Yehoyadax, pa mawh cao kaing ting kix heue. Ka daux tab cub kru naing nawh khankix, koe lien ra mheen pon rheng kaux heue.
6 Benayax mawh pa kied ting riang khaing daux cub kix tixngoe kaux mai nawh kwang piang kix tixngoe kaux heue. Kawn simex nawh Amizabat kawx mawh cao kaing naing pa kwang ka daux cub kru naing heue.
7 Cao kaing naing pon kaux tix kaux, son khix pon mawh Asahelax pux Yuabax mai kawn simex nawh Zebadix kawx mawh cao kaing tix kaux heue. Ka daux tab cub kru naing nawh khankix koe lien ra mheen pon rheng kaux heue.
8 Cao kaing naing phwan kaux tix kaux, son khix phwan mawh Shamahut ceu pui Izarax; ka daux tab cub kru naing nawh khankix koe lien ra mheen pon rheng kaux heue.
9 Cao kaing naing liah kaux tix kaux, son khix liah mawh Irax kawn simex Ikesha khaing veng Teko heue. Ka daux tab cub kru naing nawh khankix koe lien ra mheen pon rheng kaux heue.
10 Cao kaing naing aliah kaux tix kaux, son khix aliah, mawh Heliet ceu pui Pelonix, khaing daux cub kawn praix Epharem ka daux tab cub kru naing nawh koe lien ra mheen pon rheng kaux heue.
11 Cao kaing naing daix kaux tix kaux, son khix daix mawh Sibekhie doeh ru Hushatix mai ceu pui Zarax, ka daux tab cub kru naing nawh koe lien ra mheen pon rheng kaux heue.
12 Cao kaing naing dim kaux tix kaux, son khix dim, mawh Abeza doeh ru Anatotix, khaing daux ceu pui Benyami ka daux tab cub kru naing nawh khankix koe lien ra mheen pon rheng kaux heue.
13 Cao kaing naing kao kaux tix kaux, son khix kao mawh Mahalie doeh ru Natophitix, khaing daux ceu pui Zara ka daux tab cub kru naing nawh khankix koe lien ra mheen pon rheng kaux heue.
14 Cao kaing naing kao tix kaux tix kaux, son khix kao tix, mawh Benayax doeh ru Piratonix, khaing daux cub kawn praix Epharem ka daux tab cub kru naing nawh khankix koe lien ra mheen pon rheng kaux heue.
15 Cao kaing naing kao ra kaux tix kaux, son khix kao ra mawh Heladie doeh ru Netophatix, khaing ceu pui Awtanelax ka daux tab cub kru naing nawh khankix koe lien ra mheen pon rheng kaux heue.
Cao Thong Cao Bung Ceu Pui
16 Lheu khaing an cao pa kwang piang ceu pui Isarelax mawh pui inkix simiang pa kwang piang ceu pui Rubin mawh Eliaza kawn simex Zikharix, piang ceu pui Simeon, mawh Shephatix pa mawh kawn simex Makha,
17 Ka piang ceu pui Lewix mawh Hashabix kawn simex Kemoelax; piang ceu pui Arun mawh Zadok,
18 Ka piang ceu pui Yudax, mawh Elihux puxke Davit piang ceu pui Issakha mawh Omrix kawn simex Mikhalax,
19 Ka piang ceu pui Zebulun, mawh Ishamayax kawn simex Obadix; piang ceu pui Napthalix mawh Yerimot kawn simex Azarelax;
20 Ka piang ceu pui Epharem, mawh Hoshe kawn simex Azazix piang ceu pui Manashe an tix plak, mawh Yawlax kawn simex Pedayax,
21 Ka piang ceu pui Manashe an tix plak ka haktiex Gilat mawh Idadaw, kawn simex Zakharix piang ceu pui Benyamin mawh Yasilax kawn simex Abana,
22 Ka piang ceu pui Dan, mawh Azarelax kawn simex Yeroham heue. Inkix mawh cao thong cao bung ka ceu pui Isarelax heue.
23 Viang mawh nan, Davit ang teei carang pui pa ang nyang naog ju tixnga num, mawh kheu Siyiex ah nin, Aux tak kieh ceu pui Isarelax khankix haoh hun awm simuing raoma khankix heue.Ref 27:23 Jah 15:5; 22:17; 26:4.
24 Yuabax kawn simex Zeruya, tak jah tix koh carang pui khankix, viang mawh nan, nawh ang nyang bax hoik sidah, mawh kheu hoek krax meet rhawm piang ceu pui IsarelaxRef 27:24 2Sa 24:1-15; 1Been 21:1-14. grawng pa koh ka carang in heue. Carang pui pa hoik koh nawh khankix ang nyang sau ka daux carang phuk lai been simiang Davit heue.
Simiang Pa Kwang Ka Haktiex
25 Azamaviet kawn simex Adelax mawh cao kwang piang sinngao simiang; mai Yehonatan, kawn simex Uzix mawh cao kwang piang nyiex krao koe ka daux kaung, ka daux veng, ka daux yaong mai ka daux tab khankix heue.
26 Ezarix kawn simex Khelup mawh cao kwang piang pui pa yuh kaing thai kaung kaing thai ma khankix heue.
27 Shimix pui veng Ramax mawh cao kwang piang ma sipeem plix siiet mai Zabadix pui veng Shiphami mawh cao kwang piang plix siiet pon khaing sipeem mai krao plix siiet heue.
28 Balahanan ceu pui Gedarix mawh cao kwang piang khaox sanlon mai khaox ruh pa koe ka daux lung khankix mai Yawshax mawh cao kwang piang nyiex krao bee heue.
29 Shitarie ceu pui Sharon mawh cao kwang piang haktiex baoh dee sawm tobrie Sharon mai Shaphat kawn simex Adalie mawh cao kwang piang tobrie pa sawm rib ka daux lung heue.
30 Obilax ceu pui Ishamelax mawh cao kwang piang Kala uk mai Yedeyax ceu pui Meronotix mawh cao kwang piang La khankix,
31 mai Yazit ceu pui Hagarax mawh cao kwang piang yung khankix heue. Inkix khawmuik mawh cao kaing pa kwang piang kraung khrai sinngao simiang Davit heue.
32 Yehonatan keeing iak Davit mawh cao tawx rhawm keud riex ju pa koe pingnya mai cao tiiem lai mai Yehelax kawn simex Hakhamonix mawh pa yuh paox pie ot tau mai cub kawn simex simiang khankix heue.
33 Ahitophelax mawh cao tawx rhawm keud dong sawn ka simiang mai Hushie pui veng Akhix mawh paox grawm pa yuh paox pie mai simiang heue.
34 Khaix Ahitophelax mawh Yehawyadax kawn simex Benayax khaix nawh mawh Abiata heue. Cao kaing naing ting simiang mawh Yuabax heue.