YAOGYAW 93
1 Siyiex ceep kraung pa koe min plakngai mai ot ka daux nyiex haw tix heue. Siyiex hoik ceep kraung pa yuh nan mai nhawt maox rawd nyoi, pa ting riang rao mai kieh haktiex kaux cong tom sidah mai ang kieh vuhvied yung yiang heue.
2 Dang neung Maix hoik koe tom yam jah dix.Maix hoik koe tom yam jah dix mai Maix hoik koe jheung jheung ka sivoe ang haktiex nyang bax koe dix.
3 Siyiex eue, rawm klawng khankix kaoh mai klawng khankix ploi lox ti lih mai pukpak rawm klawng khankix, lih sinum siaox heue.
4 Siyiex pa ot ka dee lhaong khaing paox tix, Maix nie lheu koe sibrawm khaing rawm pa luah pa sinum tom nie mai pukpak rawm sigrit sigra pa ting riang heue.
5 Siyiex eue, sakse pa kham Maix, mawh pa kaux cong mai pa singax singeh mai pa rahsee, mawh pa koe ka daux nyiex Maix jheung jheung heue.