YAOGYAW 70
1 Siyiex eue, Maix taoh aux liak, Siyiex eue, nied tix teem aux liak.
2 Pui pa sawg ti pah ju aux khankix, kieh kaig tua mai laux pakngai liak mai pui pa simie ti yuh pa caox khankix, kieh kix lhat graung mai hoek krax pa kaig tua liak.
3 Can pui pa ah nin ka aux, haha, haha, kieh kix voi rhawm mai hoek krax pa kaig tua liak.
4 Can pui pa sawg ka Maix khankix, kieh kix gaux rhawm gaux rhi ka daux Maix liak, can kix pa khaw rhawm rhi ka bwanson krax taoh Maix mai kix ah nin, kieh min plakngai Siyiex ting jheung jheung liak.
5 Phan mawh aux, viang aux hot sibhawm kawx, nied hoek ka aux liak, Maix mawh Cao pa teem aux mai taoh ka aux heue. Siyiex eue, paw lai koi, niied hoek liak.