1 Siyiex eue, ex hoik mhong kaing pa yuh Maix ka ju tax du ex didix. 2 Maix hoik teei taix tix mai sigrheu ka pui tang ceu khankix mai tawx dee ot ka tax du ex khankix heue, Maix tuktiaktukte ka pui tang ceu khankix mai kieh pui tax du ex khankix pre haoh hun heue. 3 Kix teei vaid mai kwang haktiex ang mawh, kix teei plawng taix tix, taoh ka tokaux tix ang mawh, mawh kheu koe alo Maix mai Maix teei taix khawn dawm Maix mai pa riang pakngai Maix taoh ka kix heue. 4 Siyiex eue, Maix mawh Simiang aux heue. Prawng ca mai taoh ka aux ceu pui Yakop liak. 5 Aux deuh rhawm ka Maix mai nyhot ti tik ka pui pa koeng ka aux heue. Aux deuh rhawm ka ceu kaux Maix mai dig ka pui pa koeng ka aux khankix heue. 6 Ang aux deuh rhawm ka ak viex tix mai vaid aux kawx, ang pon ti taoh aux. 7 Mawh Maix khaing pa pon ti taoh aux luan khaing pui pa koeng ka aux khankix heue. Maix kieh pui pa koeng ka aux khankix hoek krax pa kaig tua heue. 8 Aux yaw rangdi ka daux Siyiex, leeing lang singaix mai yaogyaw ceu kaux Maix jheung jheung heue. 9 Viang mawh kawx nan, Maix tik aux mai kieh aux kaig tua mai ang hu tau mai kru naing aux khankix. 10 Kieh aux deeh plak khaix, sivoe ngai pui pa koeng ka aux khankix mai pui pa koeng ka aux khankix hoik rud rhim ti teei pa simie kix ti teei khawmuik heue. 11 Maix hoik teei ti tawx aux ka kix awm kawn yung pa sang pah ti ih mai hoik kieh prung prang hu sinax pui tang ceu heue. 12 Maix ang teei ngawh mai hoik coh ka pui Maix, pa coh Maix ang koe krax pa mi pa koe mai ang chix haok hwan heue. 13 Pa yuh Maix ka ex kieh pui paox plawg salao mai pui pa ot dex sivie siveng ex nyiah mai kaig tua heue. 14 Pa yuh Maix ka ex kieh pui tang ceu map ka ex mai kieh cub pui hun vudvied kaing ka ex heue. 15 Aux laux min plakngai leeing lang singaix mai krax pa kaig tua aux koe sivoe ngai aux heue. 16 Grawh grawng nawh aux mhong lox map, lox pa salao mai lox bak lox viang pui pa koeng khankix heue. 17 Viang ex yaox ti kham nie ding nie dod kawx, ang ex doh pi awm Maix mai ang tik ka sijax mukheu Maix. 18 Rhawm aux ang deeh ka plak khaix mai ang lud hu khaing krax beenli Maix. 19 Phan mawh Maix teei ti tik dee ot sox praix mai kheem ex ka veei krax yum heue. 20 Phan ex pi awm ka ceu kaux Siyiex ex, phan nyeu taix tix ka siyiex pui tang ceu khankix. 21 Phan Maix ang chawk cheng ka kaing pa yuh ex khex chix lie? Grawh grawng nawh, Maix hoik tawng ceu pa mox ka daux rhawm tix khawmuik heue. 22 Mawh kheu son Maix, ex yaox ti kham yum jheung jheung mai pui tang kaux deuh ex awm kawn yung pa sang pah heue.Ref 44:22 Ro 8:36. 23 Siyiex eue, siduad heue, mawh kheu patix, Maix lai laig it, kaoh heue, paw lai tik ka ex jheung jheung liak. 24 Mawh kheu patix Maix veeh plakngai khaing ex mai Maix pi awm ex yam yaox ex krax kha rhawm mai krax pa tuktiak tukte yuh ka mawx? 25 Ju ex hoik rau hu tom siglaing tiex mai tokaux aux kawx, hoik cux ka piang tiex heue. 26 Kaoh mai teem ka ex liak mai taoh ex ka daux krax moh krax caux rhawm Maix liak.