YAOGYAW 4
1 Siyiex pa rahsee cao pa priex aux eue, deeh pawk ka lox pa kok yo aux liak. Yam koe krax pa khi rhawm aux, Maix mawh Cao pa teem aux heue. Yam in kawx, caux rhawm ka aux mai nghiet ka lox pa rawg aux bwan liak.
2 Pui khankix eue, pex kawn sang nieb yuh min plakngai aux laux miex grheung? Pex kawn sang pie lhen yuh kaing pa ang rahsee mai pex kawn sang moh ti yuh ka ceu pa ang koe bwanson miex grheung?
3 Deuh pex tawng Siyiex hoik laug ti teei pui pa singax singeh ti deuh son Nawh Cao mai Siyiex nghiet ka lox aux yam kok yo aux ka Nawh heue.
4 Ka daux pa lhat graung, tik ka phimap pa yuh tixRef 4:4 Efe 4:26. mai pex laig ka daux lawg dee it mai nghiet ka daux rhawm tix, ka grawng inkix mhawm mhawm heue.
5 Krax tan pa rahsee, deuh rhawm ka Siyiex heue.
6 Mawh kheu jao pui tom nie ah nin, “Mawh pui mawx pa sang jhi ex yaox ceu pa mhawm nhieh, Siyiex eue, kieh pa riang min plakngai Maix jhan riang ka piang ex liak.”
7 Kieh rhawm aux nie lheu gaux rhawm khaing kix pa pon gaox, pon nghox mai pa pon plix siiet tom nie liak.
8 Yam it, aux laig it mhawm mhawm, grawh grawng nawh, Maix Siyiex tix kaux khaing, kieh aux luan khaing pa caox pa ang mhawm heue.