1 Awm ang rawm rha sax lih yam rung praix mai awm ang lhiex sax lih yam vawg nghox, min plakngai ang doh keung ka pui pa caox. 2 Awm sim saik mai sim sivoeg pa po hu kudah dee, awm an, lox pa jhax lawg pa ang khaw ang lai koe dee bleeh. 3 Awm hoik koe khaox puat son brung khankix mai koe maox keu son la, hoik koe khaox saux son blawg pui caox heue. 4 Paw lai hawt, paw lai deeh pawk lox ka pui caox, phan maix yuh nan maix tak awm nawh heue. 5 Tiebtie mai pawk lox ka pui caox, phan ang mawh nan, ha kix kox ting rhawm mai: yuh sire tix heue. 6 Pui pa tawm lox ka pui caox, awm deeh tat ti tik ka caong tix mai ang koe bwanson heue. 7 Lox pa raux mox lai lox kab pa krai pui caox, awm pui laux caong pa hu khawm chawh tix heue. 8 Pa yaogyaw ka pui caox, awm tik siang simaox pa ngawh ka daux grux simaox heue. 9 Lox kab raux mox pa koe ka daux jheeh pui caox, awm krix kat ka taix pui pa yoek ka plai heue. 10 Siyiex Cao pa ting khawmuik, yuh bwanson awm paox tix, ka pui caox mai pui pa lud heue. 11 Sox deeh ih pa hao tix, Ref 26:11 2Pe 2:22. awm an, pui caox ca deeh yuh kaing pa caox heue. 12 Tang krox jun khaing pui pa ce to kaux tix mawh pa koe pingnya, awm nie khaw ti krox jun khaing pui caox heue. 13 Pui pa nieh chix ah nin, sivai sangsi koe ka praix tan mai sivai sangsi koe daux krax laux heue. 14 Awm vid siviex ka jhong siviex, pui pa nieh chix lulie piang ku it tix heue. 15 Pui pa nieh viang taix nawh hoik cawk ka daux aw kawx, ang rhawm toek taix lih sonsang deeh sau ka daux jheeh tix heue. 16 Pui pa nieh chix ah nin, aux nie kheu koe pingnya, khaing pui aliah kaux pa chix krai grawng kuceu heue. 17 Yam hu lailing daux krax pui pa laig ti yuh see, pa ang dex mai: tix, awm pui pa rud lhax yhaok sox heue. 18 In mawh klieh aux maix, yuh ti ah nin mai: pie lhen ti ih ka paox plawg paox nyhawm tix 19 pui an awm pui yhot pa teei gaox ngu mai te, puing pui yum kah heue. 20 Phan khix ang koe ngu yeet yum, phan pui cheeik ang koe simah ang koe. 21 Awm khrawm gaox ngu mai kieh khix gleeing, pui pa sawg gleeh chix khrawm krax pa simah heue. 22 Pui pa chix cheeik lox caox, lox nawh nyawm, awm ceu pa ih mai chix laig ka daux vaig tu heue. 23 Jheeh pa krai lox krax moh mai pa koe rhawm caox, awm diang aw pa kraix rawm khran mau heue. 24 Pui pa deuh rhawm koeng, nawh chix mox lox khaing jheeh tix, ka daux tokaux chix mox ti deuh lox pie lhen heue. 25 Lox pui pa yuh nan, viang nyawm miex ding kawx, paw lai yum rhawm, ka daux rhawm nawh hoik naog ka ceu pa seeing brai aliah ceu heue. 26 Pa deuh krax pa koeng pa pie lhen mai pa mox pa blawm mai phimap nawh tak sidawng sivoe ngai pui hun heue. 27 Pui pa kaong daux tiex deeh rau ka daux pa kaong tix, pui pa banglia simaox tak deeh dheem nawh. 28 Dak pa chix pie lhen, chix koeng ka pui pa tuktiak ka nawh mai jheeh pa chix nyaw glaw kawx, chix kieh laux leeing heue.