1 “Ka daux haok khix aliah tix ngaix, pex tak khrawm paox tix ka dee pa singax singeh, pex tak ang pon ti yuh kaing. Singaix an mawh singaix phlu pex teettawng, 2 pex tak yuh krax tan pa gleeing ka mawie mhaing tix mu, kawn yung tix mu mai kawn yung pa naog num pa loig aliah mu, pa sioe bhawng pa khaw rhawm Simiang Siyiex. 3 krax tan phawng nghox ca ceu pa mhawm, pa hoik klao tau mai bee kao son loe son khaing tix Epha ka son mawie mhaing mai kao son ra son ka son yung mhaing, 4 mai kao son tix son, son kawn yung aliah mu tau, 5 mai kawn pex tix mu son krax tan pa pluat ploi phimap, sonsang khyox khaw ka son pex, 6 lheu khaing krax tan pa gleeing yam haok khix khraox maix tak tan phawng nghox ca mai krax tan pa gleeing tix jheung jheung tau mai krax tan phawng nghox ca mai krax tan pa nyaux khankix awm pa koe deen maix tak yuh krax tan ka ngu pa sioe bhawng pa khaw ka rhawm Simiang Siyiex.

7 “Yam haok khix aliah, kao ngaix, pex tak khrawm paox tix ka daux pa singax singeh, pex tak twah pa ihRef 29:7-11 Krub 16:29-34. mai pex tak ang pon ti yuh kaing. 8 Pex tak tan krax tan pa gleeing son pa sioe bhawng pa khaw rhawm Simiang Siyiex khawm mawie mhaing tix mu, kawn yung tix mu mai kawn yung pa naog num aliah mu, an khankix tak mawh pa gleeing, 9 mai krax tan phawng nghox ca ceu pa mhawm pa hoik klao mai bee, kao son loe son khaing tix Epha ka son mawie mhaing tix mu mai kao son ra son, son yung mhaing tix mu, 10 mai kao son tix son, son kawn yung mhaing aliah mu, 11 lheu khaing krax tan pa plua ploi phimap, pa mawh krax pa khyox khaw mai krax tan pa gleeing jheung jheung tau mai krax tan phawng nghox ca khawm krax tan pa nyaux maix tak viex kawn pex mhaing tix mu son krax tan pa pluat ploi phimap heue.

12 “Yam haok khix aliah, kao phwan ngaix, pex tak khrawm paox ti ka dee pa singax singeh, pex tak ang pon ti yuh kaing jhaw mai pex tak khre rien pawie son Simiang Siyiex aliah singaix, Ref 29:12-38 Lih 23:16; 34:22; Pi 16:13-15. 13 pex tak yuh krax tan pa gleeing, pa mawh krax tan pa yuh ka ngu, pa sioe bhawng pa khaw rhawm Simiang Siyiex, ka kawn mawie mhaing kao loe mu, kawn yung ra mu mai kawn yung pa naog num kao pon mu, an khankix tak mawh pa loig, 14 mai krax tan phawng nghox ca im ceu pa mhawm, pa hoik klao mai bee kao son loe son khaing tix epha son kawn mawie mhaing kao loe mu ku mu mai kao son ra son, son yung ra mu ku mu, 15 mai kao son tix son, son kawn yung kao pon mu, 16 mai baox viex kawn pex iak tix mu, son krax tan pa pluat ploi phimap, lheu khaing krax tan pa gleeing jheung jheung, khawm krax tan phawng nghox ca mai krax tan pa nyaux khankix maix tak viex kawn pex tix mu son krax tan pa pluat ploi phimap. 17 “Ka daux singaix ra, pex tak tan mawie mhaing kao ra mu yung ra mu mai kawn yung pa naog num pa loig kao pon mu tau, 18 mai krax tan phawng nghox ca im mai krax tan pa nyaux, son mawie mhaing an khankix mai son yung mhaing mai son kawn yung pa hoik simin tix awm pa koe been, 19 mai baox viex kawn pex iak hoek tix mu, son krax pa pluat ploi phimap, lheu khaing krax tan pa gleeing ti jheung jheung mai krax tan phawng nghox ca mai krax tan pa nyaux khankix maix tak viex kawn pex son krax tan pa pluat ploi phimap. 20 Ka daux singaix loe, pex tak viex mawie mhaing kao tix mu, yung mhaing ra mu mai kawn yung mhaing pa naog num pa loig kao pon mu tau, 21 mai krax tan phawng nghox ca mai krax tan pa nyaux son mawie mhaing son yung mhaing mai son kawn yung khankix pa hoik simin tix awm pa koe been, 22 lheu khaing krax tan pa gleeing jheung jheung tau mai krax tan phawng nghox ca mai krax tan pa nyaux khankix maix tak viex kawn pex tix mu son krax tan pa pluat ploi phimap. 23 Ka daux singaix pon, pex tak tan mawie mhaing kao mu, yung mhaing ra mu mai kawn yung pa naog num pa loig kao pon mu tau, 24 mai krax tan phawng nghox ca mai krax tan pa nyaux khankix, son mawie mhaing, son yung mhaing mai son kawn yung khankix, pa hoik simin tix awm pa koe been, 25 lheu khaing krax tan pa gleeing jheung jheung mai krax tan phawng nghox ca mai krax tan pa nyaux khankix maix tak viex kawn pex tix mu son krax tan pa pluat ploi phimap. 26 Ka daux singaix phwan, pex tak tan mawie mhaing dim mu, yung ra mu mai kawn yung pa naog num pa loig kao pon mu tau, 27 mai krax tan phawng nghox ca mai krax tan pa nyaux, son mawie mhaing, son yung mhaing mai son kawn yung pa hoik simin tix awm pa koe been, 28 lheu khaing krax tan pa gleeing jheung jheung tau mai krax tan phawng nghox ca mai krax tan pa nyaux khankix maix tak viex pex mhaing tix mu son krax tan pa pluat ploi phimap. 29 Ka daux singaix liah, pex tak tan mawie mhaing daix mu, yung mhaing ra mu mai kawn yung pa naog num pa loig kao pon mu tau, 30 mai krax tan phawng nghox ca mai krax tan pa nyaux, son mawie mhaing, son yung mhaing mai son kawn yung pa hoik simin tix awm pa koe been, 31 lheu khaing krax tan pa gleeing jheung jheung mai krax tan phawng nghox ca mai krax tan pa nyaux khankix maix tak viex pex mhaing tix mu son krax tan pa pluat ploi phimap. 32 “Ka daux singaix aliah pex tak tan mawie mhaing aliah mu, yung mhaing ra mu mai kawn yung pa naog num pa loig kao pon mu tau, 33 mai krax tan phawng nghox ca mai krax tan pa nyaux khankix, son mawie mhaing, son yung mhaing mai son kawn yung pa hoik simin tix awm pa koe been, 34 mai baox viex pex hoek tix mu, awm krax tan pa pluat ploi phimap, lheu khaing krax tan pa gleeing jheung jheung mai krax tan phawng nghox ca mai krax tan pa nyaux khankix maix tak viex pex mhaing tix mu son krax tan pa pluat ploi phimap. 35 Ka daux singaix daix, pex tak khrawm paox tix ka dee pa singax singeh, pex tak ang pon ti yuh kaing jhaw. 36 Viang mawh nan pex tak yuh krax tan pa gleeing ka ngu, awm krax tan pa sioe bhawng pa khaw rhawm Simiang Siyiex, ka mawie mhaing tix mu, yung mhaing tix mu mai kawn yung pa naog num pa loig aliah mu tau, 37 mai krax tan phawng nghox ca mai krax tan pa nyaux, son mawie mhaing, son yung mhaing mai son kawn yung khankix pa hoik simin tix awm pa koe been, 38 lheu khaing krax tan pa gleeing jheung jheung mai krax tan phawng nghox ca mai krax tan pa nyaux khankix maix tak viex pex mhaing tix mu son krax tan pa pluat ploi phimap. 39 “Pex tak tan ceu in khankix ka Simiang Siyiex, awm pawie pa hoik tat pex ti deuh, son krax tan pa gleeing mai krax tan phawng nghox ca im, son krax tan pa nyaux mai krax tan pa nhim. An khankix mawh krax tan pa lheu yuh pex khaing krax tan pa tiextu pex mai krax tan pa koe rhawm rhi pex khankix.” 40 Mose hoik krai ceu in khankix ka pui Isarelax, awm pa hoik tawm Simiang Siyiex ka nawh heue.