1 Simiang Siyiex ah nin ka Mose, 2 “Krai ka ceu pui Isarelax khankix ah nin, Aux mawh Simiang Siyiex, pa mawh Siyiex pex. 3 Pex tak ang pon ti yuh awm jhawm pa hoik yuh pex ka daux meung Ejiptux, ka dee hoik ot pex mai pex tak ang pon ti yuh jhawm pa hoik yuh pex, ka daux meung Khanan dee viex Aux pex hoek, pex tak ang pon ti hawt been cie kix. 4 Pex tak hawt lox tat jhawm prawng Aux mai hawt grawng lawng khaix beenli krax ot krax koe Aux mai hu ka daux beenli an khankix. Aux mawh Simiang Siyiex, pa mawh Siyiex pex. 5 Mawh kheu nan pex tak priex ti hawt gumlox beenli Aux mai lox tat jhawm prawng Aux, phan pui tix kaux kaux hawt ti yuh awm an, nawh tak im ju ka, Ref 18:5 Ne 9:29; Yez 18:9; 20:11-13; Luk 10:28; Ro 10:5; Ka 3:12. Aux mawh Simiang Siyiex. 6 Pex tak ang pon ti dex dawd mai paox ru tix, tix kaux kawx, son ang pex pon plih tokaux kakaong nawh, Aux mawh Simiang Siyiex. 7 Maix tak ang pon ti yuh krax kaig tua ka keeing tix mai krax kaig tua ka miex tix maix tak ang pon ti plih tokaux kakaong krax pa kaig tua ka miex tix mai lud vao ka nawh, kheu mawh nawh miex maix. 8 Maix tak ang pon ti plih tokaux kakaong miex seeb tix mai lud vao ka nawh, an mawh krax pa kaig tua keeing maix.Ref 18:8 Krub 20:11; Pi 22:30; 27:20. 9 Krax pa kaig tua pux bun maix mai puxke bun maix pa mawh kawn bun keeing maix ang ah, kawn bun miex maix ang ah, viang kix mawh pa keh ka daux nyiex ang ah, dee mawx ang ah maix tak ang pon plih tokaux kakaong pa kaig tua kix.Ref 18:9 Krub 20:17; Pi 27:22. 10 Krax pa kaig tua kawn saux bun maix, plak kawn simex ang ah, kawn saux bun plak kawn bun ang ah mai tak ang pon ti plih tokaux kakaong pa kaig tua kix, mawh kheu cie kix mawh krax pa kaig tua son maix. 11 Kawn bun pa hoik pon keeing maix khaing moeng tix, hoik mawh nan maix, maix tak ang pon ti plih tokaux kakaong krax pa kaig tua nawh. 12 Maix tak ang pon ti plih tokaux kakaong pa kaig tua nan keeing maix, nawh mawh pa dex mai ru nex nham keeing maix. 13 Maix tak ang pon ti plih tokaux kakaong pa kaig tua puxke bun miex tix, mawh kheu bun an mawh pa dex ru nex nham miex maix. 14 Maix tak ang pon ti kieh keeing ting tix, koe krax kaig tua mai ang pon ti dex dawd mai moeng nawh, kheu mawh nawh miex ting maix.Ref 18:12-14 Krub 20:19-20. 15 Maix tak ang pon ti plih tokaux kakaong pa kaig tua mun tix, nawh mawh moeng kawn simex maix, maix tak ang pon ti plih tokaux kakaong pa kaig tua nawh.Ref 18:15 Krub 20:12. 16 Maix tak ang pon ti plih tokaux kakaong pa kaig tua moeng puxke tix mai moeng pux tix, an mawh krax pa kaig tua puxke maix khawm pux maix.Ref 18:16 Krub 20:21. 17 Maix tak ang pon ti plih tokaux kakaong pa kaig tua bun tix kaux mai kawn bun nawh maix tak ang pon ti teei kawn saux bun pa keh khaing kawn simex nawh ang ah, kawn saux bun puxke khaing kawn bun nawh ang ah, son pa sang plih tokaux kakaong pa kaig tua nawh, kix mawh pa dex mai ru nex nham nawh, in mawh pa seeing brai.Ref 18:17 Krub 20:14; Pi 27:23. 18 Maix tak ang pon ti plih tokaux kakaong ka pux o moeng maix mai ang pon teei ti moeng ka kiex yam kawn im ju moeng maix. 19 Maix tak ang pon ti dex dawd tau mai bun, sonsang plih tokaux kakaong mai krax pa kaig tua kiex, yam kawn lih nham mee kiex.Ref 18:19 Krub 20:18. 20 Maix tak ang pon ti it tau mai moeng paox plawg tix, sonsang yuh maix tokaux tix seeing brai.Ref 18:20 Krub 20:10. 21 Maix tak ang pon ti kieh doeh ru tix, tix kaux kawx, hu krub siyiex Mulawk ka ngu maix tak ang pon ti kieh ceu kaux Siyiex maix, mawh pa seeing brai, Ref 18:21 Krub 20:1-5. Aux mawh Simiang Siyiex. 22 Maix tak ang pon ti it tau mai paox simex tix mai lud ka nawh, awm lud vao maix ka bun, an mawh pa seeing brai.Ref 18:22 Krub 20:13. 23 Maix tak ang pon ti lud vao ka totiag, sonsang kieh maix tokaux tix seeing brai, bun kawx tak ang pon tix cung sivoe totiag sonsang lud vao tau, in mawh krax pa lud loe tete.Ref 18:23 Lih 22:19; Krub 20:15-16; Pi 27:21. 24 Paw doh kieh tokaux cao pex seeing brai tau mai ceu in khankix. Grawh grawng nawh kheu jao inkix khawmuik, ceu pui pa hoik grheu Aux kix lih hu khaing plak sivoe ngai pex khankix, hoik seeing brai ka ceu in. 25 Meung haktiex kix hoik seeing brai, mawh kheu nan, Aux tak hoek mai ciyang ka phimap kix mai haktiex tak hao ti tik kawn praix pa ot baoh an khankix. 26 Mawh kheu nan, pex tak hawt gumlox beenli Aux mai lox tat jhawm prawng Aux mai pex tak ang pon ti lud ka pa seeing brai in khankix tix ceu kawx mai pui ceu pex tix kaux kaux ang ah, nyo sinie pa ot sinax pex ang ah, tak ang pon ti lud ka an khankix. 27 Grawh grawng nawh can pui pa hoik ot sivoe pex ka daux haktiex an, hoik yuh pa seeing brai inkix khawmuik, mawh kheu nan haktiex hoik seeing brai ka. 28 Aux lhat haktiex deeh hao ti tik pex, yam yuh pex krax pa seeing brai, awm hao haktiex ti tik ceu pui pa hoik ot sivoe pex khankix. 29 Pui pa lud ka pa seeing brai in khankix mai pui pa lud ka ceu an tak mawh pa teei ti tik nawh khaing daux sinax pui ceu nawh. 30 Mawh kheu nan, pex tak priex ti hawt beenli Aux, son ang pex lud ka pa seeing brai in khankix, pa hoik lud kix sivoe pex mai paw doh kieh tokaux pex seeing brai ka ceu an, Aux mawh Simiang Siyiex pex heue.