19
Sinngao Cie Simeon Mai Yudax
1 Krax pa cawk nieb ra bawg tix bawg, hoik mawh pa caw ka Simeon mai ka son doeh ru kawn praix nawh khankix, awm pa koe doeh nyiex ma kix heue. Sinngao cie kix, hoik mawh pa koe ka daux sinngao cie pui Yudax khankix heue.
2 Can veng khankix pa mawh sinngao cie kix, hoik mawh veng Berashibax, pa mawh veng Shebax, veng Mawlada,
3 veng Hazashula, veng Bala, veng Azim,
4 veng Elatawlax, veng Betulax, veng Hawma,
5 veng Zigalax, veng Bietmakhabok, veng Hazasusa,
6 veng Bietlebot mai veng Sharuhim khankix, pa mawh veng kao loe veng mai yaong hawt vung viang nawh khankix,
7 veng Ain, veng Rimon, veng Eta mai veng Ashan khankix, pa mawh veng pon veng mai yaong pa koe hawt vung viang veng an khankix,
8 mai yaong khankix pa koe hawt vung viang veng inkix khawmuik, tom hoek dee singai ka veng Balietber Ramat, pa koe ka plak seh khankix heue. In hoik mawh sinngao cie doeh kawn praix Simeon khankix, awm pa koe doeh nyiex ma kix heue.Ref 19:2-8 1Been 4:28-33.
9 Sinngao cie kawn praix Simeon khankix, mawh pa viex ka daux nyum cie kawn praix Yudax khankix heue. Grawh grawng nawh, nyum pa pon kawn praix Yudax khankix, hoik mawh pa kied nie ka son kix. Mawh kheu nan, sinngao cie kawn praix Simeon khankix, hoik mawh pa koe daux sinngao cie pui ankix heue.
Haktiex Cie Zebulun
10 Krax pa cawk kix nieb loe bawg tix bawg, hoik mawh pa caw son kawn praix ceu pui Zebulun, awm pa koe doeh nyiex ma kix heue. Mee haktiex sinngao cie kix hoek tom dee singai ka veng Sarit heue.
11 Mee haktiex cie kix lih hu ka plak see plak klip singaix mai hoek ka veng Maralax. Kaoh khaing tan, deeh lih hu ka veng Dabasiet mai deeh toe ti hu hawt rawm klawng pa koe ka plak lih singaix khaing veng Yokanam heue.
12 Khaix an, mee haktiex deeh jah tix ka veng Sarit mai deeh hu see ka plak lih singaix hawt mee haktiex veng Khishalottebaw mai deeh lih hu ka plak see veng Debarat, hawt dee tiang nawh ka veng Yaphia heue.
13 Jah khaing tan, deeh tiang ti hu hawt plak lih singaix ka veng Gat Hepha mai hu ka plak see veng Itakazin mai deeh sitoe tix lang tom hoek ka veng Rimon, pa koe ka piang mee haktiex veng Nea heue.
14 Mee haktiex an, deeh hu hawt vung viang ka piang plak laong ka veng Hanaton mai deeh hu sidah ka daux ngawd Yiphatela,
15 mai can pa viex ka daux an khankix hoik mawh veng Katat, veng Nahalelax, veng Shimaron, veng Idala mai veng Bieliehiem khankix, pa mawh veng kao ra veng tau mai yaong pa koe hawt vung viang nawh khankix heue.
16 In mawh sinngao cie kawn praix Zebulun khankix, awm pa koe doeh nyiex ma kix tau mai veng inkix, khawm yaong pa koe hawt vung viang nawh khankix heue.
Haktiex Cie Issakha
17 Krax pa cawk nieb pon bawg tix bawg, hoik caw ka son Issakha mai son kawn praix Issakha khankix, awm pa koe doeh nyiex ma kix heue.
18 Mee haktiex dee kwang kix, deeh lih hu ka plak veng Yezarilax mai viex khawm veng Khesulut mai veng Shunim,
19 veng Hapharim, veng Sihon, veng Anaharat,
20 veng Rabit, veng Kishon, veng Abeza,
21 veng Hamiet, veng Enganim, veng Enhada mai veng Bietpaziet khankix,
22 mee haktiex an deeh hoek ka veng Tebaw, veng Shahazima mai veng Bietshemiet khankix heue. Mee haktiex kix deeh hu sidah ka rawm klawng Yawdan tau mai veng khankix kao liah veng khawm yaong pa koe baoh an khankix heue.
23 In mawh sinngao cie doeh kawn praix Issakha khankix, awm pa koe nyiex ma kix tau mai veng khawm yaong cie kix khawmuik heue.
Haktiex Cie Asha
24 Krax pa cawk nieb phwan bawg tix bawg, hoik mawh pa caw ka son doeh ru kawn praix cub Asha khankix, awm pa koe doeh nyiex ma kix heue.
25 Mee haktiex dee kwang kix, viex nawh khawm veng Helakat, veng Halix, veng Betin, veng Akhashapha,
26 veng Alameliet, veng Amat mai veng Mishalax, khankix heue. Mee haktiex an deeh hoek ka gawng Kharamelax ka plak klip singaix mai deeh hu hawt dee lih rawm klawng Shihawlibanat, heue.
27 Mee haktiex an, deeh veeh tix hu ka plak see dee lih singaix ka veng Bietdagon mai hoek ka veng Zabulun mai deeh hu ka plak daux ngawd Yephatela, khaix an, mee haktiex deeh hu ka plak laong, ka plak toi veng Bietemiet mai veng Nielax mai deeh tiang ti hu hawt veng Khabulax, pa koe ka plak khawn gwiex,
28 mai deeh viex nawh khawm veng Ebaron, veng Rehok, veng Hamon mai veng Kanax, tom hoek ka veng ting Sidom heue.
29 Mee haktiex deeh veeh ti hu ka plak veng Ramax mai ka veng Tairax, (Turax), pa mawh veng pa kaux cong tan heue. Mee haktiex an deeh veeh tix hu ka veng Hawsax mai mee haktiex an deeh hu sidah ka rawm sigrit sigra hawt baoh haktiex veng Akhazip khankix heue.
30 Veng Umma, veng Aphiet mai veng Rebok, khankix mawh veng pa hoik viex ka daux veng tixnga ra veng tau mai yaong pa koe hawt vung viang veng an khankix heue.
31 In mawh sinngao cie doeh ru kawn praix Asha, awm pa koe doeh nyiex ma, tau mai veng inkix khawm yaong inkix khawmuik heue.
Haktiex Cie Napthalix
32 Krax pa cawk nieb liah bawg tix bawg, hoik mawh pa caw ka kawn praix ceu pui Napthalix, awm pa koe doeh nyiex ma kix heue.
33 Mee haktiex cie kix, hoik mawh pa jah tix ka veng Helap mai khawm plak daux haktiex dee kwang nawh khankix, khaing dee koe khaox gix hawt veng Zananim, veng Adami, Nekap mai veng Yabanelax, tom hoek dee singai ka veng Lakum mai mee haktiex an hu sidah ka rawm klawng Yawdan heue.
34 Jah khaing veng Helap, mee haktiex an deeh sitoe tix lang mai hu ka plak klip singaix, ka veng Azanottabaw mai deeh lih khaing tan mai hu ka plak see veng Hukok heue. Mee haktiex an deeh sitoe tix ka veng Zebulun, ka plak seh mai ka veng Asha, hawt plak klip singaix mai mee nawh hu sidah ka haktiex Yudax, hawt rawm klawng Yawdan, ka plak see dee lih singaix khaing tan heue.
35 Veng pa kaux cong nawh khankix, mawh veng Zidim, veng Zerax, veng Hamat, veng Rakat, veng Khinatariet khankix,
36 mai veng Adama, veng Ramax, veng Hazaw,
37 veng Kadeshax, veng Adarix, veng Enhazaw,
38 veng Iron, veng Migadalax Elax, veng Hawrim, veng Biet Anat mai veng Bietshemiet khankix, pa mawh veng kao dim veng, tau mai yaong pa koe hawt rawb reem nawh khankix heue.
39 In mawh sinngao cie doeh ru kawn praix cub ceu pui Napthalix khankix, awm pa koe doeh nyiex ma kix khawm veng khawm yaong khankix heue.
Haktiex Cie Dan
40 Krax pa cawk nieb aliah bawg tix bawg, hoik mawh pa caw ka kawn praix Danaix khankix, awm pa koe doeh nyiex ma kix heue.
41 Mee haktiex sinngao cie kix, hoik mawh veng Zawrax, veng Eshatawlax, veng Irashemiet,
42 veng Shalabin, veng Ayalon, veng Yetalax,
43 veng Elon, veng Tima, veng Ekaron,
44 veng Elateka, veng Gibaton, veng Balap,
45 veng Yehot mai veng Benaberiet, veng Gatarimon,
46 veng Meyakon mai veng Rekon, tau mai baoh haktiex Yawppa khankix heue.
47 Mee haktiex cie kawn praix Dan khankix, deeh lih hu ka plak toi inkix heue. Grawh grawng nawh, kawn praix ceu pui Dan khankix, hu puing ti teei veng Lieshem mai rhim ti cie veng an mai kix pah ti tik pui ankix ka lawm vaid tix mai teei ti cie kraung kix mai kix ot ka daux veng an, kix deeh kok ceu kaux veng Lieshem an mawh veng Dan, khaix ceu kaux Dan, pa mawh keeing kix heue.Ref 19:47 Cao 18:27-29.
48 In mawh sinngao cie doeh ru kawn praix Dan khankix, awm pa ke doeh nyiex ma kix, khawm veng khawm yaong khankix heue.
49 Yam khaix hoik sidah gwieh kix haktiex khankix, pa mawh sinngao pa pon kix mai awm hoik koe mee haktiex kix pui Isarelax khankix, deeh tawx sinngao pa koe daux sinax kix tix dah ka Yawsaux, pa mawh kawn simex Nun heue.
50 Awm pa koe gumlox sikah Siyiex, kix hoik tawx veng pa mhaing nawh ti cie heue. Veng an mawh veng Tinatserax, pa koe ka piang gawng Epharim khankix mai nawh sum ti cie veng mai ot ka daux veng an heue.
51 Inkix mawh sinngao pa hoik gwieh cao giex kaing li Eliza, Yawsux pa mawh kawn simex Nun mai cao kaing doh doe ru pui Isarelax khankix, awm sinngao pa hoik cawk kix nieb tix ceu, ka daux veng Shilaw, ka plak sivoe Siyiex, hawt diang siviex nyiex gox bwan man bang kum heue. Mawh kheu nan, kix hoik yuh dee sidah krax gwieh kix haktiex heue.