1 Gumlox pa krai cao jhai Yeramix ka Baruk kawn simex Nerix, gumlox pa hoik tiiem nawh ka daux phuk lai tix pheen, ka grawng pa jhi Yeramix ka nawh, ka daux baux num kwang Yehoyakim kawn simex Yosiyax simiang Yudax haktiex ka daux pon num tix num ah nin,Ref 45:1 2Sim 24:1; 2Been 36:5-7; Dan 1:1-2 2 “Baruk eue, Siyiex pa mawh Siyiex ceu pui Isarelax ah nin ka maix, 3 maix ah nin, kieh krax kha rhawm hoek ka aux yam in heue, grawh grawng nawh, Siyiex hoik baox naok krax laux rhawm piang krax pa laux rhawm aux heue. Aux taug mao mai hoik ngia tom ang aux lai yaox dee laux lee tix heue. 4 Siyiex ah nin, mawh kheu nan maix tak sang krai ah nin ka nawh, jhak heue, ceu pa hoik pang Aux ti deuh khankix Aux tak sang yieh laux ka mai pa hoik sum Aux khankix, Aux tak reeig ti tik, ka can pa koe ka daux haktiex in khawmuik khawm leeing heue. 5 Mawh sawg maix ka ceu pa kied ting lhaong ka son tix lie? Paw lai sawg kah, Siyiex ah nin, Aux tak sang viex krax kha rhawm hoek piang can pa koe nex koe nham khawmuik heue. Viang mawh nan, Aux tak tawx ju ka maix awm kraung pa pon rhim ti teei ka can dee sang hu maix heue.”