53
1 Mawh pui mawx pa hoik yum rhawm ka pa krai ex lie? Ref 53:1 Ro 10:16.Siyiex hoik jhi plawng taix tix ka pui mawx lie?Ref 53:1 Yo 12:38.
2 Mawh kheu Nawh tak haok hwan ka plak sivoe Nawh Cao, awm nyoig khaox pa awn mai awm riah khaox pa preung tix lih khaing daux tiex kroh heue. Nawh Ang koe pakpeung pa mhawm sonsang jhak ex ka Nawh ang koe krax pa mhawm grang sonsang simie ex ka Nawh heue.
3 Nawh mawh pa hoik kham krax pa nu nai mai pa hoik kham krax tik pui khankix, pa kham geu krax kha rhawm tom nie mai pa hoik meed ka ceu pa saux ngia heue. Nawh awm pa hoik mox pui pakngai khaing, nawh hoik kham krax pa nu nai mai ex ang lai koe krax yungyi ka Nawh heue.
4 Nawh hoik klawm ceu pa saux ngia ex khankix mai hoik peeh krax pa kha rhawm ex khankix,Ref 53:4 Mat 8:17. viang mawh nan, ex hoik keud Nawh mawh pa hoik pon krax kham geu mai pa kham krax sivied Siyiex heue.
5 Viang mawh nan, Nawh hoik pon krax mat, kheu krax pa lud ex khankix, Nawh hoik saux nex kheu phimap phighram ex mai kheu krax pa kham geu Nawh, ex pon krax pa nhim mai kheu pa mat Nawh, ex pon ti moi heue.Ref 53:5 1Pe 2:24.
6 Ex khawmuik, hoik awm yung pa lud krax,Ref 53:6 1Pe 2:25. ex ku kaux hoik tang veeh ti hu daux krax cao tix mai Siyiex hoik deuh phimap phighram ex khawmuik ka piang Nawh heue.
7 Nawh hoik mawh pa kham krax yeen ya mai yam kham Nawh krax kha rhawm, Nawh koe krax tiem rhawm ang ang moing tix, Nawh hoik tuk tix hu, awm kawn yung pa sang pah tix yumRef 53:7 Jhi 5:6. mai awm yung pa ang nye ka plak sivoe cao pa rhip hauk nawh khankix heue. Mawh kheu nan, Nawh ang jheeh tix heue.
8 Nawh hoik mawh pa teei ti kham krax yeen ya mai krax ciyang mai ka daux baux ju Nawh, mawh pui mawx pa doh keud grawh grawng pa hoik mawh Nawh pa teei khaing daux haktiex pui pa im ju lie? Ref 53:7-8 Cau 8:32-33.Mawh kheu jao pa lud pui Aux khankix, Nawh Cao hoik pon krax pa kham geu kah heue.”
9 Viang Nawh ang sax yuh ceu pa kin mai ang sax koe krax pie lhen ka daux jheeh Nawh tix ceu kawx mai kix hoik yuh simeeig Nawh tau mai pui caox, viang mawh nan, Nawh sipaung tix daux simeeig cao mi heue.Ref 53:9 1Pe 2:22.
10 Viang yuh nan, an hoik mawh pa khaw rhawm Siyiex sonsang yuh Nawh mat mai kieh Nawh koe krax saux nex heue. Nawh Cao hoik yuh Nawh mawh krax tan pluat ploi phimap. Nawh Cao tak yaox ka doeh ru Nawh mai tak tuk ju singaix Nawh lang mai krax pa khaw rhawm Siyiex tak haok hwan ka daux tawm taix Nawh heue.
11 Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.
12 Mawh kheu nan, Aux tak gwieh ti tawx Nawh pon nyum tau mai pui ting mai Nawh tak gwieh ti pon kraung pa tud rhim khankix, tau mai pui pa ting riang rao heue. Mawh kheu Nawh Cao hoik klup ju tix ka piang krax yum mai Nawh hoik mawh pa simin tix tau mai pui pa lud khankix Ref 53:12 Mak 15:28; Luk 22:37.mai Nawh hoik kham geu phimap phighram tom nie mai khyox khaw son pui pa lud khankix heue.