1 Kieh krax kha rhawm hoek ka pui an, pa lih hu ka Ejiptux, sonsang mhaing krax teem mai pa deuh rhawm ka brung, pa een rhawm ka ling lawx naing brung, kheu jao haoh hun mai een rhawm ka pui naing brung, kheu kied ting riang kix mai ang jhak ka cao pa singax singeh pui Isarelax mai ang chawk ka Siyiex. 2 Mawh kheu Nawh Cao koe pingnya mai tak viex saux preng hoek mai ang lai tieh gumlox tix mai tak yaog ti yuh ka nyiex ma pa yuh pa caox mai yuh ka pui pa tawx krax teem ka pui an pa yuh phimap. 3 Pui Ejiptux mawh kawn pui ang lai mawh Siyiex mai brung kix mawh nex nham, ang lai mawh khwan. Yam nyeu Siyiex plawng taix tix lih, pui tawx krax teem tak goh, pui pa pon krax teem kawx tak som mai kix tak laux leeing tau. 4 Mawh kheu Siyiex ah nin ka aux, awm graox sivai sangsi mai sivai sangsi awn ju ka piang kug pon tix, yam kok nawh cao liang yung tix cub hoek puing ka an, nawh ang lhat ka lox kix mai ang reeing ka lox sinum kix, kheu an, Siyiex cao kru naing raoma tak lih hoek, puing ka gawng Zion mai ka ton an. 5 Awm awm u sim kawn tix, awm an Siyiex cao kru naing raoma tak tieb tie ka veng Yerusaliem, Nawh Cao tak tieb tie mai taoh kah, Nawh Cao tak priex rien mai teem kah. 6 Pui Isarelax pa kin tieh feen eue, deeh hoek sawg ka Siyiex. 7 Mawh kheu singaix an, pui ku kaux tak tik riang rao mau mai riang grang khri can pa yuh tix, pa naog mai phimap pa yuh pex ka taix son tokaux tix. 8 Pui Asurix tak goh yum ka vaig pa ang mawh vaig cie kawn pui mai tak ih ka nawh mai nawh tak to khaing vaig mai pui awn ju yuh kaing siliex cawng. 9 Rang ting nawh tak to mai lhat graung mai cub simiang greem nawh tak lhat graung ka pak tix chix tix, Siyiex pa koe rao ngu ka Zion mai pa koe glah ngu ka Yerusaliem ah nan heue.