1 Ka daux num hoik ploi simiang meung Asurix Sogon ka cao giex kaing naing Tatan hu ka veng Ashadok mai nawh hoik puing veng Ashadok mai rhim ti teei veng an, 2 Sivoe ka daux bawg yam an, Siyiex hoik sikah ka Isayax kawn simex Amok ah nin, “Hu mai peeik kraung ceep chee rhix khaing nyoi maix mai peeik kiep khaing caong maix heue. “Nawh hawt ti yuh awm an mai lai ling ti hu ka kaong mai bhang caong tix heue. 3 Khaix an Siyiex ah nin, “Awm hoik lailing siliex Aux, pa mawh Isayax ti hu kakaong mai bhang caong tix loe num mawh son mhai rug mai krax pa daox am ka daux meung Ejiptux mai meung Ethiopiya; 4 Awm an simiang meung Asurix tak giex ti phyawk pui Ejiptux khankix hu mawh pui giex pui laung mai pui Ethiopiya khankix mawh pui giex pui laung khawm pa iak pa ting mawh pa hu kakaong mai pa bhang caong tix mai pa ang kheem ang tawb ka beem kre tix khankix kieh meung Ejiptux koe krax kaig tua heue. 5 Khaix an kix tak koe krax lhat graung mai krax kaig tua, ka pa een rhawm tix ka pui meung Ethiopiya, krax yaw rangdi tix ka pui meung Ejiptux heue. 6 Ka daux singaix an can pui pa ot ka hawt rawm plak in mai kix tak ah nin, jhak heue, “An pa een ex rhawm tix mai ka dee to ex ti pon krax teem sonsang glawd khaing simiang meung Asurix mai ex tak sang pon ti glawd yuh ka mawx lie?