1 In mawh grawng doeh ru kawn simex Noax, pa mawh Shemax, Hamax mai Yaphiet khankix, Khaix kheem rawm, kix keh kawn praix tom nie heue. 2 Kawn simex Yaphiet mawh Gawmax Magawgax, Madie, Yavan, Tubalax, Meshiet mai Tirat khankix heue. 3 Kawn simex Gawmax mawh Ashakeniet, Riphat mai Tawgama heue. 4 Kawn simex Yavan mawh Elishax, Tasux, Kiten mai Dawnamix heue. 5 Jah ka haktiex praok rawm baoh an, kix gwieh tix ot haktiex tang dah ku plak, awm pa koe lox sikah doeh nyiex ma kix ceu mawx ceu an mai lih mawh ceu pui tan heue. 6 Kawn simex Hamax mawh Kushax, Mizareng, Putax mai Khanan heue. 7 Kawn simex Kushax mawh Sebax, Havilax, Sabatax, Ramax mai Shatekha mai kawn simex Ramax mawh Shebax mai Dedam heue. 8 Kushax pon kawn simex tix Neyawdax mai nawh jah ti mawh pui pa ting riang tix kaux piang haktiex heue. 9 Nawh mawh pui jaw pa ting riang sivoe ngai Simiang Siyiex. Mawh kheu nan, kix ah nawh mawh, pui jaw pa ting riang pa awm Neyawdax sivoe ngai Simiang Siyiex heue. 10 Yam jah meung nawh mawh Babulon, Eren, Akhet mai Kalane, pa koe daux haktiex Shinax heue. 11 Jah khaing haktiex an, nawh hu ka meung Ashuria mai sum veng Nineve, veng Rehobok mai veng Kalax heue. 12 Sinax veng Kalax mai veng Nineve, Resin mawh veng ting heue. 13 Kawn Mizareng mawh Luim, Anamim, Lehabim, Naptuhim, 14 Patarusim mai Khasaluhim heue, Khasaluhim lih ti mawh ceu pui Philitix mai ceu pui Kapturim heue. 15 Khanan pon kawn Ai tix Sidon mai khaix an Hetax, 16 Yebutix, Amorix mai Giragashix, 17 Hiwix, Akix mai Sinix, 18 Avadix, Zemarix mai Hamatix heue, khaix an ceu pui Khanan khankix lih hu prung prang ti ot kudah heue. 19 Mee haktiex pui ceu Khanan jah ka Sidom tom hoek Gerax mai Gezax, khaix an hoek ka Sawdom, Gawmawrax, Adamax mai Zebai tom sidah Lashax heue. 20 Inkix mawh kawn simex Hamax pa tang mawh ru mawx ru an, pa tang lox sikah mai tang dee ot daux haktiex cao kix heue. 21 Shemax baox deeh koe kawn simex khankix, pa mawh keeing ka pui Ebax pa mawh puxke Yaphiet heue. 22 Kawn simex Shemax khankix mawh Elam, Ashu, Aphazat, Lutax mai Alam heue. 23 Kawn simex Aram mawh Uzax, Hulax, Getax mai Mashax heue. 24 Aphazat pon kawn tix Shalax mai Shalax pon kawn tix Ebax heue. 25 Ebax koe kawn simex ra kaux, an tix kaux mawh Phalek, mawh kheu haktiex khankix gweh tix ka daux singaix baux ju nawh mai ceu kaux pux mawh Yoktan heue. 26 Yoktan pon kawn tix Alamodak, Shelap, Hazamaviet, Yerax, 27 Hadawram, Uzalax, Digalax, 28 Awbalax, Abimelax, Shebax, 29 Awphirax, Havilax mai Yawbat, inkix khawmuik mawh kawn simex Yoktan heue. 30 Dee ot kix, jah ka Meshax tom hoek ka gawng plak lih singaix Sephax heue. 31 Inkix mawh kawn simex Shemax pa tang ot mai ru tix, pa tang lox sikah daux haktiex ot cao tix heue. 32 Inkix mawh doeh nyiex ma kawn simex Noax mai ru kix mai haktiex lih hu kix ti ot kudah dee khaix hoik kheem rawm ka piang haktiex heue.