23
Tang Tiah tix Khaing Pui Hun
1 “Pui pa ang grum naog ka cie simex, pa pat ti tik khankix ang pon ti laig ka daux cub phung hun Simiang Siyiex.
2 Ang pon kieh kawn kawn cang laig ka daux cub phung hun Simiang Siyiex, mai doeh ru nawh tom hoek kao ju kawx ang pon laig ka daux cub phung hun Simiang Siyiex.
3 Pui Amawrix ang ah, pui Mawbax ang ah, ang pon ti laig ka daux cub phung hun Simiang Siyiex, mai doeh ru nawh tom hoek kao ju kawx, ang pon laig ka daux cub phung hun Simiang Siyiex leeing ju,
4 kheu ang kix rieb pex ka blah mai rawm, ka daux krax yam lih pex khaing meung Ejiptux mai kheu vai kix ka Balam kawn simex Bawrax veng Petaw, haktiex Mesopotemia sonsang jhax lawg ka pex.Ref 23:4 Si 22:1-6.
5 Kheu Simiang Siyiex pex ang nghiet ka lox Balam, mai Simiang Siyiex pex deeh tieh krax jhax lawg mawh krax pa nawb bwan ka pex, Ref 23:5 Si 23:7; 24:9. mawh kheu moh Simiang Siyiex, Siyiex pex, ka pex.Ref 23:3-5 Ne 13:1-2.
6 Pex ang pon ti tawx pa nhim ka kix mai krax magmi khankix baux singaix im ju pex leeing ju.
7 “Pex paw koeng ka pui Edom, mawh kheu kix mawh puxaik pex, mai pex paw koeng ka pui Ejiptux, mawh kheu hoik sax mawh pex siliex ka daux meung kix.
8 Tom sidah hoek kawn praix doeh ru kix loe ju, kix tak pon ti laig ka daux cub phung hun Simiang Siyiex.
Pa Kieh Dee Bang Singax
9 Yam hu puing pex naing ka pui koeng tix khankix mai yam kawn ot pex daux tab, yuh satix via pex khaing pa caox caig.
10 Phan pui tix kaux kaux ka daux sinax pex, ang singax ka ceu pa lih ti mawh plak ponsawm, nawh yaox ti lih ot plak praix tab, ang pon ot daux tab,
11 yam hoek plakbo, nawh tak heem rawm, yam klip singaix, kieh nawh deeh laig ka daux tab.
12 Pex caw tix koe dah dee ka plak praix tab sonsang hu pex ka,
13 pex caw ti koe sipeed khaox tix mu, pa mawh kraung shiao pex, yam hu tiag ka plak praix, pex tak kaong daux ka mai kheem ceu pa seeing pa lih khaing pex ka.
14 Mawh kheu Simiang Siyiex pex tak lailing ka sinax tab pex, sonsang taoh ka pex mai ap pui koeng pex khankix ka pex, mawh kheu nan, tab pex caw tix singax mai son ang Nawh Cao yaox pa ang singax ka daux sinax pex mai veeh ti khaing pex.
Been Son Grawng Kuceu
15 Phan koe siliex pa to khaing cao nawh, hoek ot mai pex, paw giex tix deeh tawx ka cao nawh,
16 kieh nawh ot mai pex, ka dah dee pa laug nawh, ka daux veng pa moh tix, paw yuh krax kha ka nawh.
17 Paw kieh bun coh kaux koe ka daux kawn bun IsarelaxRef 23:17 Krub 19:29. mai paw kieh simex coh kaux koe khaing daux kawn simex Isarelax.
18 Pex ang pon viex mau coh kaux mai mau ngawh sox hoek ka nyiex Simiang Siyiex, Siyiex pex, sonsang tiextu ka, mawh kheu in khawm ra mawh pa seeing brai ka Simiang Siyiex pex.
19 Pex ang pon teei rao mau ka puxaik tix, rao mau piang mau mai rao piang pa ih mai rao piang ceu pa tawx ceuk rom, sonsang pon ti rao.
20 Pui tang ceu pex pon ti teei rao tawx nawh yaog, viang mawh nan, puxaik pex Isarelax ang pon ti teei rao, Ref 23:19-20 Lih 22:25; Krub 25:36-37; Pi 15:7-11. sonsang nawb Simiang Siyiex pex bwan ka pex, ka daux pa yuh pex ka taix ti khawmuik, ka daux haktiex laig teei pex ti cie.
21 Yam yuh maix krax tiextu ka Simiang Siyiex ti, pex ang pon deuh bawg yam tom rheung, Ref 23:21 Si 30:1-16; Mat 5:33. sonsang yuh tix ka an, mawh kheu Simiang Siyiex, pex tak mhaing an ka pex tete, phan pex ang tawx, tak sang mawh phimap ka pex.
22 Phan pex ang yuh krax tiextu, an tak ang mawh phimap ka son pex.
23 Yuh satix pex hawt ti yuh awm lox pa kaoh khaing jheeh tix, awm pa hoik khaw rhawm pex ti yuh ka Simiang Siyiex tix, pa hoik tawx pex sijax mukheu ka jheeh tix.
24 Yam laig pex daux sipeem plix siiet paox plawg tix, pex pon ti ih plix siiet tom sak tix, awm pa koe rhawm pex ti ih, viang mawh nan, pex ang pon sau ti viex ka daux bau tix.
25 Yam laig pex daux kaung nghox ca pa kawn jung paox plawg tix, pex tak pon ti caik sigleem nghox ankix ka taix tix, viang mawh nan, pex ang pon ti shiao sivawg mai vawg sigleem nghox paox plawg tix khankix heue.