2
Giahphualte le Minam Makaite
1 Topa in Moses le Aaron kiangah hih bangin gen hi:
2 Israel mite in amau’ dialkhai gei ciatah a beh dialkhaite tawh phual sat ding uh a, amaute in a pang simah kikhopna buk mai ngatin phual sat ding uh hi.
3-9 Nisuahna lampangah phual a sat dingte pen Judah’ giahphual dialkhai a neite hi dinga, a makaite le a mi phazah a nuai-a bang ahi hi:
\pn Judah \pn* mite a makai pa pen Amminadab’ tapa Nahshon hi a, ama pawl mi tul sawmsagih le tulli le zaguk a pha hi.
\pn Issakhar \pn* mite a makai pa pen Zuar’ tapa Nethanel hi a, ama pawl mi tul sawmnga le tulli le zali a pha hi.
\pn Zebulun \pn* mite a makai pa pen Helon’ tapa Eliab hi a, ama pawl mi tul sawmnga le tulsagih le zali a pha hi.
Judah’ phualah a pawlpawlin a omte a vekpi-in tul za le tul sawmgiat le tulguk le zali a pha hi. A kipaikhiat ciangin amau masa ding uh hi.
10-16 A leitaw lampangah a pawlpawlin Reuben’ giahphual dialkhai a neite hi dinga, a makaite le a mi phazah a nuai-a bang ahi hi.
\pn Reuben \pn* mite a makai pa pen Shedeur’ tapa Elizur hi a, ama pawl mi tul sawmli le tulguk le zanga a pha hi.
\pn Simeon \pn* mite a makai pa pen Zurishaddai’ tapa Shelumiel hi a, ama pawl mi tul sawmnga le tulkua le zathum a pha hi.
\pn Gad \pn* mite a makai pa pen Reuel’ tapa Eliasaf hi a, ama pawl mi tul sawmli le tulnga le zaguk le sawmnga a pha hi.
Reuben’ giahphual ah a pawlpawlin a omte a vekpi-in tul za le tul sawmnga le tulkhat le zali le sawmnga a pha hi. Amaute a nihna-ah pai khia ding uh hi.
17 Tua ciangin kikhopna buk pen, giahphualte’ laizangah a om Levi mite’ phual tawh kikhin khawm dinga, a phual sat hun mah bangun amau’ san ciatah a dialkhai uh tawh pai khia ding uh hi.
18-24 A nitumna lampangah a pawlpawlin Efraim giahphual dialkhai a neite hi dinga, a makaite le a mi phazah a nuai-a bang ahi hi.
\pn Efraim \pn* mite a makai pa pen Ammihud’ tapa Elishama hi a, ama pawl mi tul sawmli le zanga a pha hi.
\pn Manasseh \pn* mite a makai pa pen Pedahzur’ tapa Gamaliel hi a, ama pawl mi tul sawmthum le tulnih le zanih a pha hi.
\pn Benjamin \pn* mite a makai pa pen Gideoni’ tapa Abidan hi a, ama pawl mi tul sawmthum le tulnga le zali a pha hi.
Efraim giahphual ah a pawlpawlin a omte a vekpi-in tul za le tulgiat le zakhat a pha hi. Amaute a thumna-ah pai khia ding uh hi.
25-31 A leilu lampangah a pawlpawlin Dan giahphual dialkhai a neite hi dinga, a makaite le a mi phazah a nuai-a bang ahi hi.
\pn Dan \pn* mite a makai pa pen Ammishaddai’ tapa Ahiezer hi a, ama pawl mi tul sawmguk le tulnih le zasagih a pha hi.
\pn Asher \pn* mite a makai pa pen Okran’ tapa Pagiel hi a, ama pawl tul sawmli le tulkhat le zanga a pha hi.
\pn Naftali \pn* mite a makai pa pen Enan’ tapa Ahira hi a, ama pawl mi tul sawmnga le tulthum le zali a pha hi.
Dan’ giahphual a om mi a vekpi-in tul za le tul sawmnga le tulsagih le zaguk a pha hi. Amaute a dialkhai tawh kizui-in a pai nunung ding uh ahi hi.
32 Hihte pen Israel mite a beh zui-a kisim hi a, a pawlpawlin giahphual ah a om mi a vekpi-in tul zaguk le tulthum le zanga le sawmnga a pha hi.
33 Ahih hangin Topa in Moses a thupiak bangin Israel mite lakah Levi mite kisimkhawm lo hi.
34 Tua bangin Israel mite gamta uh hi. Topa in Moses a thupiak bangin a beh tawh kizui-in a innkuankuanin amau’ dialkhaite’ gei-ah giahphual sat uh a, tua bangmahin pai khia uh hi.