GAMLAK VAKNA
(Numbers)
Thupatna
Gamlak Vakna laibu sungah Israel mite in Sinai Mual a nusiat uh a kipan Pasian in amaute tungah piak dingin a ciamsa a nisuahna gamgi ciang dong a tun dong uh kum sawmli dektak sung thu kigen hi. Hih laibu sungah a thupi pen in Israel mi a phazah a kisimna thu ahi hi. Sinai Mual panin a dinkhiat ma-un Moses in mi phazah khat vei sim a, tua zawh khang khat bang ciangin Jordan Gun nisuahna lam Moab gamah khat vei sim leuleu hi. Mi phazah kisimna tua hun nih kikal sungin Kanaan gam leitaw lamah a om Kadeshbarnea gamah pai uh a, ahi zongin piak dingin a kiciamna gamah tua lam tawnin lut zo lo uh hi. Tua gamah kum tampi tak a vaitham khit uh ciangin Jordan Gun nisuahna lam gamah pai uh a, mi pawlkhatte tua gamah teeng suakin, pawlkhatte gun kantanin Kanaan gamah a lut dingin kithawi uh hi.
Gamlak Vakna laibu sungah thu haksa a tuahkhak uh ciangin lau-in a lungkia zelzel, Pasian langpangin, amaute a makai dingin Pasian in a seh Moses zong a langpang mite’ thu kigen hi. Ama mite ginaloin zong thumang lo hitaseleh Pasian lungsim citakin amaute a kep teiteina thu le khat veivei a lungtom kha ahi zongin Pasian’ tung le ama mite’ tungah Moses’ lungsim khona thute kigelh hi.
1
Sinai-ah Israel Mi Phazah A Kisimna
1 Amaute, Egypt gam panin a pai khiat zawh uh a kum nihna, a kha nihna a ni masa ni-in, Sinai sehnel gam kikhopna puanbuk sungah Topa in Moses hopihin hih bangin ci hi:
2 “Nang le Aaron in Israel mihonte khempeuh a innkuankuan, a behbehin, pasal peuhmah a milipin a phazah sim un.
3 Israel sungah kum sawmnih panin a tungsiah a pha, galdo dingin a kuan thei ding mi khempeuh a honhonin na sim ding uh hi.
4 A minam simin a beh sungah a lutang ahi mi khat ciat in hong huh ding uh hi.
5 No hong huh dingte’ min:
\pn Reuben \pn* sung panin Shedeur’ tapa Elizur;
6 \pn Simeon \pn* sung panin Zurishaddai’ tapa Shelumiel;
7 \pn Judah \pn* sung panin Amminadab’ tapa Nahshon;
8 \pn Issakhar \pn* sung panin Zuar’ tapa Nethanel;
9 \pn Zebulun \pn* sung panin Helon’ tapa Eliab;
10 \pn Josef tapate, Efraim \pn* sung panin Ammihud’ tapa Elishama le
\pn Manasseh \pn* sung panin Pedahzur’ tapa Gamaliel;
11 \pn Benjamin \pn* sung panin Gideoni’ tapa Abidan;
12 \pn Dan \pn* sung panin Ammishaddai’ tapa Ahiezer;
13 \pn Asher \pn* sung panin Okran’ tapa Pagiel;
14 \pn Gad \pn* sung panin Deuel’ tapa Eliasaf;
15 \pn Naftali \pn* sung panin Enan’ tapa Ahira ahi hi,” a ci hi.
16 Hihte pen mihon sung panin a kiteel, amau’ phung sung panin a makaite, Israel behte’ lutangte ahi uh hi.
17-19 Topa in Moses a thupiak bangin Moses le Aaron in a min kilosa hih mite khawmin, a kha nihna a ni masa ni-in amaute in kum sawmnih panin a tungsiah a pha peuhmah a milipin a innkuankuan, a behbehin amau le amau a kiciamteh mihon buppite khawm uh hi. Tua ahih ciangin amah in Sinai sehnel gamah amaute a phazah a sim hi.
20-46 Kum sawmnih panin a tungsiah a pha pasal peuhmah, a milipin, a innkuankuan, a behbehin, galdo dingin a kuan thei khempeuh, Israel’ tacil Reuben suanlekhakte a kipanin a mi phazah a sim uh a nuai-a bang ahi hi:
\pn Reuben \pn* minam tul sawmli le tulguk le zanga a pha hi.
\pn Simeon \pn* minam tul sawmnga le tulkua le zathum a pha hi.
\pn Gad \pn* minam tul sawmli le tulnga le zaguk le sawmnga a pha hi.
\pn Judah \pn* minam tul sawmsagih le tulli le zaguk a pha hi.
\pn Issakhar \pn* minam tul sawmnga le tulli le zali a pha hi.
\pn Zebulun \pn* minam tul sawmnga le tulsagih le zali a pha hi.
\pn Efraim \pn* minam tul sawmli le zanga a pha hi.
\pn Manasseh \pn* minam tul sawmthum le tulnih le zanih a pha hi.
\pn Benjamin \pn* minam tul sawmthum le tulnga le zali a pha hi.
\pn Dan \pn* minam tul sawmguk le tulnih le zasagih a pha hi.
\pn Asher \pn* minam tul sawmli le tulkhat le zanga a pha hi.
\pn Naftali \pn* minam tul sawmnga le tulthum le zali a pha hi.
Tua ahih ciangin Israel mi a vekpi, kum sawmnih panin a tungsiah, a beh behin, Israel sung pan galdo dingin a kuan thei pasal peuhmah: A vekpi-in tul zaguk le tulthum le zanga le sawmnga a pha hi.Ref 1:1-46 Gam 26:1-51.
Biakbuk lamah Levi mite Kiseh
47 Ahih hangin Levi mite in amau’ nam min mah a tuamin pua uh ahih manin adangte tawh kisimkhawm lo hi.
48 Bang hang hiam cih leh Topa in Moses kiangah,
49 “Levi minamte na sim kei dinga, Israel mite lakah amaute na simkhawm kei ding hi.
50 Ahih hangin Levi mite pen thuciamna biakbuk le a sung nazat khempeuh le tua tawh a kisai na khempeuh a uk dingin seh in. Amaute pen biakbuk le a nazat khempeuh a pua dingte hi a, amaute in a biakbuk semin, a kimkotah phual sat ding uh hi.
51 Biakbuk a kikhin ding ciangin Levi mite in phel ding uh a, biakbuk a kilam ding ciangin Levi mite mah in lam ding uh hi. Midang khat peuhpeuh in tua nasep a sep leh tua mi kithat ding hi.
52 Israel mite in a milipun amau’ giahphual ciat le a dialkhai gei ciat uhah a pawlpawlin a puanbuk uh lam ding uh hi.
53 Ahih hangin Israel mihonte tungah hehna a om loh nadingin thuciamna biakbuk kiimah Levi mite bek in phual sat ding uh a, Levi mite bek in thuciamna biakbuk kem ding uh hi,” a ci hi.
54 Tua bangin Israel mite gamta uh a, Topa in Moses a thupiak bangin amaute in a sem uh hi.