24
Thiampite A kiseesiat Nasep
1 Aaron suan le paalte sia hi bangin a pawlin kikhen hi. Aaron in tapa li nei a: Nadab, Abihu, Eleazar, le Ithamar te hi. Ref 24:2 Thiam 10:1-2
2 Nadab le Abihu sia a pa thi ma in thi a, suan le paal nei ngawl ahikom a suapuite Eleazar le Ithamar thiampi suak hi.
3 David kumpipa in Aaron suan le paalte sia amate nasep taw kizui in a pawlin khen hi. Hi nasep khenna ah ama sia Eleazar ii suan Zadok le Ithamar ii suan Ahimelech in hu hi.
4 Eleazar ii suan le paalte sia pawl sawm le pawl luk in kikhen a, Ithamar ii suan le paalte sia pawl liat in kikhen hi; hi bangin a khen sia Eleazar ii suan le paalte sungah bangkua sim pan pasal tamzaw ahihang hi.
5 Eleazar le Ithamar ii suan le paalte sungah biakinn uliante le thaa lamsang lampuite om ahikom lai meetang sawk in nasep hawm hi.
6 Eleazar le Ithamar suan le paalte abaan abaan in lai meetang sawk hi. Tua zawkciang amate min sia Levi mi thuzeakpa, Nethanel tapa Shemaiah in lai taw ciamtee hi. Kumpipa, a uliante, thiampi Zadok, Abiathar tapa Ahimelech, thiampi innkuante le Levi mi innkuante ii lutangte sia tetti te vive hi siat hi.
7-18 Hi sia innkuan pawl 24 te nasep kipiakna hi a:
19 Hi mite sia Israel te Topa Pathian ii thupiak a zui na in a taanghpupi Aaron ii nasep tuatuam a omsak na bang in Biakinnpi ah pai tu le vaipuakte a sep natu a kisee na zui in a min uh kiciamtee hi.
Levi te Min Sazian
20 Hite sia Levi suan innkuan dangte ii lutangte hi a:
Shebuel panin Amram ii suan Jehdeiah;
21 Rehabiah ii suan Isshiah;
22 Shelomith panin Izhar ii suan Jahath;
23 Hebron tapate sung pan a piankum zui in Jeriah, Amariah, Jehaziel, le Jekameam;
24 Micah panin Uzziel ii suan Shamir;
25 Micah suapuipa Isshiah panin Uzziel suan Zechariah;
26 Merari suan le paalte ahi Mahli, Mushi, le Jaaziah te ahi hi.
27 Jaaziah in tapa thum nei a: Shoham, Zaccur le Ibri te ahi hi.
28-29 Mahli in tapa nii Eleazar le Kish nei hi. Eleazar in tapa nei ngawl ahihang Kish in tapa khat, Jerahmeel nei hi.
30 Mushi in tapa thum nei a: Mahli, Eder, le Jeremoth te ahi hi.
Hiteng sia Levi te ii innkuante hi.
31 A mealheakte, Aaron suan thiampite ii a vawt bangma in naseam tu a see ciang innkuan sim pabel le a nau pate khat in lai meetang sawk hi. David kumpipa, Zadok, Ahimelech, tuaciang thiampi te le Levi te ii innkuan pabelte sia a tetti te ahi hi.