Psalm Late 82
Ukpi Lianbel Pathian
1 Pathian in vantung council kikhopna ah hun uk hi;
tua pathiante kikhopna sungah ama in thukhensat hi:
2 “A maan ngawl thukhennate kheal vun;
mihing seksolte ngum nawn heak vun!
3 A zawngte le tangate panpui tavun;
kitaangsapna a neite le
a cimawte tungah a kilawm in en vun.
4 Amate mihing seksolte khut sung panin suatak tavun.
5 “Note in bangza in tel ngawl nu ziam!
Bangza in nangh nu ziam!
Note na ngamta khial siat zo uh a,
leitung ah thumaan ngamtatna bo zo hi.
6 ‘Note in pathiante na hi uh hi’ kong ci hi;
‘note theampo sia a Saangbel Pa ii tate, na hi uh hi.’ Ref 82:6 Jn 10:34
7 Ahihang mihingte bangma in na thi tu uh hi;
na nuntakna uh sia
kumpipa tate khat pawpo ii nuntakna bangin bo tu hi.”
8 Hong pai ta'n, Pathian awng, leitung hong uk ta'n;
ngam theampo sia nangma neisa ahi hi.