Psalm Late 76
Ngalzopa Pathian
1 Pathian sia Judah ngam sungah kihe hi;
ama min sia Israel ngam sungah ki upat hi.
2 Jerusalem ah ama ii inn om hi;
Zion Mual tungah teang hi.
3 Tua munah ama in ngalte ii ngalhiam theampo ahi
a thaltangte, a lumte le a namsaute sutham hi.
4 Pathian awng, na minthang lawlawm hi!
Na ngalte na zawna mual pan nong heak kik ciang,
na vaanglian lawlawm hi.
5 A ngalkap hangte sia a neisa theampo uh kiluak siatin
amate in tu in a thite mutna ah a mut laitak hi a,
amate hatna le thiamna theampo sia kimanna a nei bua hi.
6 Jacob ii Pathian awng, nangma in amate na tawn ciang
siphute le a tung tote pukin thi uh hi.
7 Ahihang Topa awng, nang sia a kuama theampo in hong kiita hi.
Na thin uuk ciang na mai ah kuama ding zo ngawl hi.
8 Vantung panin na thukhenna na kitelsak hi;
leitung ah a kinengcip theampo hut natu,
9 thukhen tu in nong dinto tak ciang,
leitung sia lau in thim khipkhep hi.
10 Mihingte thin uukna in
nang atu in pokna tam vaial a pian natu hi bek hi;
ngal kidona pan a taang laite in nangma ii poai khaam tan tu uh hi.
11 Ama piak tu in
na kamciamte Topa na Pathian ii tungah pia vun;
no a nai ah a om minamte theampo awng
ama atu letsongte puak vun.
Pathian in ama kiita tu in mihingte a vawt hi;
12 ama in a kiphasak kumpipa tapate kiniamkhiaksak in,
kumpi liante sia