Psalm Late 75
Thukhenpa Pathian
1 Pathian awng, lungdam kong ko uh a,
nang tungah lungdam hong ko hi ung!
Nang bangza lian ci ka thangsak uh a,
na vawtsa a lamdang nate ka son uh hi.
2 Pathian in “Thukhen natu hun khat ka ciangtan zo a,
thu maanna taw thu ka khen tu hi.
3 Bitphua sa a nungta theampo liingin
leitung mama a ngawk zongin
a tawdapte a kho in ka koi tu hi.
4 A seksolte a kisakthei ngawl natu ka son hi;
5 a kisuantaakna uh a kheal natu ka son hi,” ci hi.
6 Thukhenna sia nisuana le nitumna pan ahizong
saksang pan le thangsang pan ahizong hong pai ngawl hi.
7 Thukhenpa sia Pathian hi;
ama in pawlkhat sia mawsak a, pawlkhat sia suaktasak hi.
8 Topa in a khut sungah
hai khat toai in,
a thin uukna zu ciik
taw kidim hi.
Ama in tua zu bungh keak in a seksol theampo in ne uh hi;
a mal bo dongin amate in ne siat uh hi.
9 Ahihang kei ka hile Jacob ii Pathian thu ka son tu le
ama pokna la ka sak tu tawp ngeingawl tu khi hi.
10 Ama in mihing seksolte thahatna suktansak tu a,
ahihang thutangte thahatna sia kikhanto tu hi.