Psalm Late 6
Ngimna Hun sung Hu natu Thungetna
1 Topa awng, thin uuk in hong teih heak in a;
thin uuk in daan hong pia heak in! Ref 6:1 Ps 38:1
2 Ka tha zawm vangeu zo hi, Aw Topa ; hong hesuak ta'n!
tha hatna hong pia ta'n, zawmcip zo khi hi,
3 ka pumpi bup ngim lawlawm hi.
Topa awng, nong hu tu bang tanvei haisaang lai tu ziam?
4 Hong pai ta'n a, hong hun ta'n Topa awng;
nong hesuakna taw thina pan hong suatak ta'n.
5 Mithi khua ah nang hong kiphawk ngawl hi;
tua munah nang kuama in hong pok thei ngawl hi.
6 Khuangaina taw ka zawmcip hi;
zan simin ka kakaana in, ka lupna kawtcip hi;
Ka lukham, thitui in tuamh hi.
7 Khua ka mu thei tak bua hi;
ka ngalte vawtna in ka kakaana in ka mit bol hi.
8 No a ngilo te kei kung pan kiheam vun!
Ka Topa in ka kaana hong za hi; Ref 6:8 Mt 7:23; Lk 13:27
9 hu ngenin ka kaana ama in hong ngai a,
ka thungetna hong zo tu hi.
10 Ka ngalte in ngallel maizumna he tu hi;
thakhat thu hi biaibuai in amate kinotkeak tu hi.