Psalm Late 41
Ciinat ciang Thungetna
1 Mizawngte a thinnuammawte sia
mihing lungdamte ahi uh hi;
amate ngim a nga uh ciangin Topa in hu tu hi.
2 Topa in sungsia in a nuntakna uh kepsak tu hi;
amate a ngam a lei sungah a lungdamsak tu hi;
a ngalte khut sungah amate a nusiat buatu hi.
3 A ci uh a nat ciang
Topa in hu tu a, ciidamna pia kik tu hi.
4 “ Topa awng, nang tungah kong maw zo hi;
hong hesuak ta'n a hong damsak ta'n” kong ci hi.
5 Ka ngalte in kei huvau kam ngilo pau uh hi.
Amate in kei sia thi leng a hong kimangil le oai uh hi.
6 Kei hong ve tu a hong pai te zongh
a thin takpi hi ngawl hi;
kei huvau thusiate khawmtua a,
tua zawkciang pai in mun theampo ah son uh hi.
7 Hong ensan theampo in kei hong ngenin
khat le khat kihuau uh a,
kei taw kisai a siabel teng ngaisut in nei uh hi.
8 Amate in, “Ama sia thi tu in a na hi zo hi;
a lupmuntung ngak top tu hi” ci uh hi.
9 Ka lawm phabel, ka muanbel,
ka ankuang uumpui sia ngawngawn in kei hong langpan hi. Ref 41:9 Mt 26:23; Mk 14:18; Lk 22:21; Jn 13:18
10 Topa awng, hong hesuak ta'n a,
ciidamna hong pia kik ta'n,
tuasia ciang ka ngalte ka thuk kik tu hi.
11 Amate in kei hong zo ngawl tu a,
tuaciang nong lungkimpui hunlam ka he tu hi.
12 Nangma in kei nong hu tu hi,
banghang ziam cile a maan sia ka seam hi;
na omna munah kei nong keam tawntung tu hi.
13 Israel te ii Pathian Topa pok vun!
Tu le a tawntungin pok vun!