Psalm Late 40
Pokna La khat
1 Topa huna nga tu in
thinsau takin ka ngak hi;
ama in hong ngai a ka auna hong za hi.
2 Ama in a lauhuai dum sung le,
thi theina sennawng sung panin hong kaito hi.
Ama in suangpi tungah lau om ngawlin hong suanhto a
ngam muanna hong pia hi.
3 Ama in Pathian pokna la thak sak tu khat hong hil a,
ih Pathian pokna la ahi hi.
Hi thu teng a mu mi tam mamate in kidop theina nga tu a,
Topa tungah muanna nei tu uh hi.
4 Milim sang zuan ngawlin ahibuale
pathian maan ngawl a biate taw kop ngawlin,
Topa a muangte in mihing lungdamte ahi uh hi.
5 Topa kote Pathian awng,
ko atu na tam mama nong sepsak zo hi;
nang taw a kibang khat zongh om ngawl hi!
Ko atu in a lamdang ngealnate tam mama nong vawtsak zo hi.
Tuate sia tam lei ahikom a vekpi in ka son zo ngei buatu hi!
6 Sangaw biakpiakna le
piakkhiatnate na dei bua hi;
biaknatau tungah nganhing
pumhal tu nong ngen bua hi,
tua ahibuale zong mawnate laak keak natu in
sangaw biaknate nong ngen bua hi.
Tuate taangin na aw ka zaak thei natu in bil nong pia hi, Ref 40:6-8 Heb 10:5-7
7 tuaciangin, keima in “Hi lai ah om khi hi;
na thukham laibu sungah keima atu
na thupiakte om nginge hi.
8 Na deina bangin sep tu sia bangza in uuk khi ziam,
ka Pathian awng!
Nong hilnate ka thinsung ah
ka keam hi,” ci in ka zo hi.
9 Topa awng, na mite theampo ii kikhopna sungah,
kote nong ngupkhiat lungdamna thupha ka son hi.
Tawp hun nei ngawlin ka son tu sia nong he hi.
10 Ngupna thute sia keima aituam
atu in bilh thong ngawl khi hi;
na thumaanna le nong huna sia
ka son tawntung zo hi.
Na mite theampo kikhopna sungah
na thumaanna le na itna kipte son ngawlin ka om bua hi.
11 Topa awng, kei
nong hesuakna sia
tawp ngeingawl tu hi,
ci in ka he hi.
Nong itna le na thumaanna in
kei hong keamcing tawntung tu hi.
Hu natu Thungetna
(Psalm 70)
12 Sim zawk zongh ahi ngawl
ngimna tam mama in kei hong kiim uum hi.
Khuamu thei ngawl za dongin,
ka mawnate in, kei hong khunel zo hi;
amate ka samzam phaza sangin tamzaw a, ka thin kiamcip hi.
13 Topa awng, kei hong hun ta'n!
Tu ma in hong hu ta'n!
14 Kei thalup tu hong sawmte
lelna le buaina thuak siat tahen.
Kei ii ngimna hu a,
a lungdamte sia
nungkinin maizum thuak tahen.
15 Kei hong selnote
amate ii lelna hu in a thin lal tahen.
16 Nang kung hong zuan theampo
lungdam in thinnuam tahen.
Nong ngupkhiatna tungtaang ah a lungdam theite theampo in,
“Topa bangza lian ziam” ci tawntung tahen.
17 Topa awng, kei sia thazawm in ka zawngkhal a,
ahihang nong mangil bua hi.
Nang sia ka hunpa le ka Pathian na hikom,