Psalm Late 29
Vuipi Suangval sungah Topa Awnging
1 No vantung mite awng; Topa pok vun,
Ama ii minthanna le vaangletna pok vun.
2 A minthang Topa min pok vun a,
Thiangtho Pa hong kilangh ciangin a mai ah kunsuk vun. Ref 29:1-2 Ps 96:7-9
3 Topa ii awnging sia tuipite tungah kiza hi;
a minthang Pathian in vanto bangin nging a,
ama awnging tuipi lian tungah hawl hi.
4 Topa awnging sia a thahatna le
vaang theampo taw kidim hi.
5 Topa awnging in cedar kungte taltansak hi,
Lebanon mual tungah cedar kungte ngawngawn thiaktan hi.
6 Ama in Lebanon mualte sia khuino bangin leang va eetsak a,
Hermon mual sia khuital moi bangin kinuntawsak hi.
7 Topa awnging in khualeng taangkeaksak hi.
8 Ama awnging in sennealngam liingsak a,
Kadesh sennealngam sia thing zazaan hi.
9 Topa aw in oak thingkungte ngawksak a,
a teete a kung tung pan thong siat hi,
tua laitakin, a Biakinnpi sung a om theampo in
“Pathian minthang hen” ci in au uh hi.
10 Topa in kumpi a hina taw
tui thukte a tawntungin uk hi.
11 Topa in a mite thahatna pia a,
kilemna thupha zongh pia hi.