2
Ngiaphual sungah Minamte Omzia
1 Topa in Moses le Aaron tungah a nuai a bangin thupia hi.
2 Israel te in ngiaphual a saat uh ciang a pawlkhenna sung tek le a bee le phung ii laandial nuai tek ah om tu uh hi. Puanbuk kiimkot ah a ngiaphual kisaat tu hi.
3-9 Nisuana sang, Judah pawlkhen ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi.
Judah pawlkhen ah a omte pai masa tu uh hi.
10-16 Thangsang Reuben ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi:
17 Tuaciang a masa pawl niite le a nungsang pawl niite kilaklaw ah Levi mite in Puanbuk pua in pai tu uh hi. A pawl a pawlin amate laandial nuai tek ah ngiaphual saat in a om bangma in a pai ciang zong tuabang ma in pai tu uh hi.
18-24 Nitumna sang, Ephraim pawlkhen ii laandial nuai ah a omte in a lampuite khutnuai ah a nuai a bangin, a hon a hon in ngiaphual saat tu uh hi:
Ephraim pawlkhen ah a omte a thumna in pai tu uh hi.
25-31 Saksang Dan pawlkhen ii laandial nuai ah a omte in a lampuite khutnuai ah a nuai a bangin, a hon a honin ngiaphual saat tu uh hi.
Dan ii pawlkhen ah a omte a khak belin pai tu uh hi.
32 Pawlkhen te sungah a pawl a pawl zui in, Israel mite kisim a, a vekpi 603,550 pha hi.
33 Moses tungah Topa thupiak sa bangma in Levi te sia Israel dangte taw kisim khawm ngawl hi.
34 Tuabangin Moses tungah Topa thupiak sa theampo Israel mite in vawt siat uh hi. Amate sia a laandial nuai tek ah ngiakin, tuaciang amate bee le phung zui in pai uh hi.