4
Jerusalem Khua bo zawkciang
1 Ih khamh tee vakilte mualmang zo hi;
Biakinnpi sakna suangte lampi ah kithethaang in om hi.
2 Zion ii tangvalnote sia khamh bangin ei atu in
manpha hi,
ahihang tu in leibeal thawthongte bangin kivawt hi.
3 Ngiapui khat ngawngawn zongh in a note ou tu hi,
ahihang ka mite ahile
a tate tungah a ngilo kalaoh vacim puite bang ahi hi.
4 Amate in a nausente ngilkial dangtaak in thisak hi;
tanote in an ngen a,
ahihang kuama in amate an pia ngawl tu hi.
5 An phabel a ne ngei mihingte sia lampi ah anngawlin pukthi uh hi;
a nuamsa in a khangte in an zongin ninbung tok uh hi.
6 Ka mite sia thakhat thu in Pathian khut sa a thuak
Sodom a teang mihingte sangin nasia zaw in daan kipia hi. Ref 4:6 Pian 19:24
7 Ih kumpi tapate sia kiihuai ngawl hi,
vuuk bangin thiangtho a,
thahat in taktai a ciidam sitset uh hi.
8 Tu in amate sia kuama heak ngawlin
lampi ah kisial uh a;
thi in a mai mual uh hi;
a vun uh tun a, thingko bangin
ko in a ngute tungah bel hi.
9 Ngal sungah a thite sia
nuntak zawk natu an om ngawl a,
dadam in a thi, a thi khakte sangin phazaw lai hi.
10 Ka mite tungah a tung tuasiatna sia cizat huai mama hi,
a nute in a neak tu in a tanote huan uh hi. Ref 4:10 Thkna 28:57; Eze 5:10
11 Topa in a thinsona teng nasia takin hong buak hi.
ama in mei taw Zion halin kaanghtumsak hi.
12 A kuama peuma, ngamdang ngamukte ngawngawn in
Jerusalem ii kongpite sungah ngalte tum thei tu ci in um ngawl uh hi.
13 Ahihang hisia thu piang hi,
banghang ziam cile a kamsaangte maw a, a thiampite in mawnei ngawl mihingte a
14 Mittawte bangin a lampuite lampite ah vakvai uh a,
chisan baang ngawp ahikom kuama in amate tham ngam ngawl uh hi.
15 Mihingte in amate oksan a,
“Tai vun! note kiihuai nu hi!
Kei hong thutha heak vun!” ci uh hi.
Tua ahikom amate ngam khat pan ngam khat ah pai kawkoai a,
16 Topa in amate
awlmaw nawn ngawl a; amate thethaang hi.
Ama in ih thiampite le ih lampuite bangma in hong hensak ngawl hi.
17 Eite in hong pai ngeingawl tu bul huna lamen in
khuadak zawk nawn ngawl tu dong khua ih dadak hi.
Eite in piak tu a nei ngawl ngam khat tung pan huna ih ngangak hi.
18 Ngalte in eite hong encik a;
lampite ah vak zongh ih vak thei bua hi.
Ih nite bo zo a; a tawpna hong theng zo hi.
19 Muvanlaite van pan
suktun a hong len sang
a manlang zaw in
amate in ei hong zuizen suk hi.
Amate in mual tungah
ei hong sul zui a;
sennealngam ah muanmawk ngawlin
20 Amate in ngalte khut sung pan
hong dal zo tu in ih muan,
ih nuntakna ii naak a hi,
Topa tealsa kumpipa sia man uh hi.
21 Edom le Uz mite awng, nui vun;
na lungdam thei uh lai teng lungdam vun.
Na tuasiat natu uh zongh hong tung tu hi;
note zongh maizumna taw na pumnguakin na hoi vacit tu uh hi.
22 Zion in a mawna thaman pia zo a;
Topa in eite saltaang in hong koi nawn ngawl tu hi.
Ahihang Edom awng, Topa in nang daan hong pia tu hi;
ama in na ngamtat khialnate pholaak tu hi.