3
Job in Pathian tungah A lungkim ngawlna son
1 A khakbel ciang Job pau in, ama pian ni haamsiat hi.
Job
2-3 Pathian awng,
ka sua ni haamsiat in;
ka nu ngil sungah ka om phit
ni zan haamsiat in!
4 Tua ni sia khuazing suaksak in,
Pathian awng.
Tua ni phawk kik ngei
nawn heak in;
tua ni in khuavak
taang kiksak nawn heak in.
5 Tua ni sia a thim le
a zingcip ni hisak in;
meeikaai taw tuamcip in a,
ni phiatkeak in.
6 Tua zan sia kum simna
sung pan phiatkeak in a, kisim kiksak nawn heak in;
7 tua zan sia a ngamkhing,
lungdamna a om ngawl zan hisak in.
8 Leviathan nganhing pui
a uk thei bum le ai toaite in, tua ni sia haamsiatsak in! note 3:8\xk leviathan: hisia pawlkhat in awle, a dangte in a tuanngen nganhing puikhat in ngaisun hi. Mitbum thiamte in Leviathan sia ni awkvalhsak natu in zangh thei hi ci in kingaisun hi.\x*
9 Nikonghong aksi
taangsak heak in;
Tua zan sia khuavak tu
lametna omsak heak in.
10 Ngimna le heena sungah
kei hong omsak in,
kei hong piansak hu in
11 Ka nu sulh sungah
thi ka na leng
tua ahi buale ka sua po ciang
thi ka na leng uuk ing.
12 Banghangin ka nu in
a khup tungah hong toai ziam?
Banghangin a noaitui taw hong vaak ziam?
13 Tualai in thi hi leng,
tu in ka tawlnga tu a,
14 taanghlai kumpi innte
a sa kik kumpite le
ngamukte bangin ka mu tu hi.
15 Khamh le ngunn taw
a inn uh a dim
kumpi tate bangin ka mu zo tu a,
16 ahibuale a thisa in a suak
nausen bangin mu zo tu khi hi.
17 Thaankuul sungah mi ngilote in
a tatsiatna uh kheal a,
a toi naseamte in a khakbel ciang tawlnga tu uh hi.
18 Thongtaakte ngawngawn
thinnuamin om hun nga a,
ausatna le thu piakna kamhamte
taw kipeal hi.
19 Tua munah a minthang le
a kihe ngawl mi theampo om a,
salte a khakbel in suakta hi. Ref 3:1-19 Jer 20:14-18
20 Banghangin mihingte
thinngimna nei in nungtasak tan ni ziam?
Banghangin a khuangaite
khuavak pia ni ziam?
21 Amate in a thi tu ngak ahihang
tuasia theng ngeingawl hi;
amate in sumngum khat po
sangin thaankuul deizaw uh hi. Ref 3:21 Tpl 9:6
22 Thi in a kiphum mateng
amate lungdam ngawl hi.
23 Pathian in amate mailam seal a,
tuaciang a kiimkot panin nengcip hi.
24 Anneak tu taangin ka kap a,
tauna pan ka tawp thei ngei bua hi.
25 Ka kiitak theampo le
ka launa teng hong tung takpi hi.
26 Keima in thinnop le
tawlngak hun nei ngawlin,
ka ngimnate a bo ngei nawn bua hi.