12
Job
1-2 Hi hi, na kampau sia mihonpite ii a ci nop teng hi.
Na thi uh ciang ciimna sia note taw thi khawm tu hi.
3 Ahihang, kei zongh no ngaisut za ma ngaisun thei khi hi;
Note sang in kei nangh zaw tuan ngawl khi hi;
na sonsa theampo sia a kuama po ii heaksa thu hi.
4 Tu in ka ngualtamhte ngawngawn in kei hong nuisan hi;
kei thutang in sit baang ngawl hi napi hong kinuisan hi;
ahihang Pathian in ka thungetna hong zo kik hun om ngei hi.
5 Note ngim nga ngawl nu hi, ahihang ciammuina in hong nei nu hi;
mihing a puk dek khat vel nu hi.
6 Ahihang ngutate le Pathian a selte sia
amate ii tha le ngal bekma a pathian hi napi
7 Vacimte le nganhingte ngawngawn in no
hong hil thei natu thu tam ma nei hi,
8 leitung le tuipi nganhingte ii ciimna ngen in.
9 Amate theampo in Topa khut ii a vawt hunlam he uh hi.
10 A piansaksa te ii nuntakna lam a lak sia Pathian hi;
mihing theampo nuntakna sia ama ii khut sungah om hi.
11 Ahihang na leei in an tep a, diksa ahi bangma
na bil in kammalte a zaak sia diksa hi.
12-13 Pasal haamte in ciimna nei hi,
ahihang Pathian in ciimna le vaangletna nei hi.
Pasal haamte in thuthuk mu hi;
Pathian in thuthuk muna le vaangletna nei hi.
14 Pathian in a balthap ciang a kua in sa kik thei a,
Pathian ii thong a khiak sia akua in suatak thei tu ziam?
15 Pathian in nguatui a khaam ciang nguatui hang a;
tuite a tha ciang namthuam hi.
16 Pathian sia thahat a, a tawntungin ngalzo hi;
ngual theamte le theam thuakte ama khut sungah om hi.
17 Ama in ngamukte ii ciimna laaksak a,
ngam lampuite sia a mawmawte bangin ngamtasak hi.
18 Ama in kumpite za taaksak a, thong sungah khum hi;
19 Ama in thiampite le vaang nei mite kiniamkhiaksak hi.
20 Ama in a kimuang mite thimthusak a,
tuaciang uhaamte ii ciimna laaksak hi.
21 Ama in vaangletna a neite min siasak a,
ngamukte ii thahatna bosak hi.
22 Ama in thina bang ahi khuazingna munte ah khuavak puak hi.
23 Ama in ngamte thahatsakin liansak hi,
ahihang a zawkciang tuate zo in lalsak hi.
24 Ama in a lampuite mawmawsak a,
lungmang sa le ngammang sa in vakvaisak hi;
25 amate khuazing sungah zawtin vak uh a, zukhamte bangin hoi vatut uh hi.