32
1 “Van le lei awng,
ka kammalte za vun a,
ka ci teng hong ngai cinten tavun.
2 Kong hilcianna nguamal bangin
taak tu a, leitung ah daaitui kia bang hi tu hi.
Ka kammalte sia thingkungnote
tungah nguamal phiin bangin
lopa moite tungah dam takin
a zu nguatui bangin taak tu hi.
3 Topa min ka pok tu a,
a mite in a letna son tu uh hi.
4 “ Topa sia note hong dal a hatbelpa hi a,
A sepzia theampo kicing in maan hi;
Na Pathian thumaan in thutak a;
Ama in a maan le a pha in seam hi.
5 Ahizong note sia thumaan ngawlin
ama ii mi tu in na citaak bua uh a,
mawnei le a ngualtheam thei
minam na hi uh hi.
6 A mawmaw,
khuangaisut nei ngawl mite awng,
hi bangin Topa vawt tu nu ziam?
Ama sia no hong Bitphua pa,
na pa uh hi a,
minam khatin hong vawt pa ahi hi.
7 “A bosa hunte, nidang lai hunte,
ngaisun tavun;
Thupiangte hong son tu in
na pate dongh tavun,
a bosa thute son tu in
khanghaamte dongh tavun.
8 A Saangbel Pa in minamte
a ngam a lei tu pia a;
mite teen natu mun khensatsak hi.
Ama in minam simin
vantung mi khat tek pia a, Ref 32:8 Sawl 17:26
9 ahizong Jacob suan le paalte sia
10 “Ama in a ngamtongta
vuipi vakna duisung ngampa
sennealngam sungah
amate vakkotna mu hi.
Ama in ama le ama
a kikep bangin amate keamcing hi.
11 Muvanlai in a note
len tu sinpui a,
manin a kiphal thakhuite
tungah bit tak a koi bangin,
Topa in Israel te
a taak natu pan keamcing hi.
12 Topa bek in ama mite lampui a,
ngamdang pathian khat ii huna kihel ngawl hi.
13 “ Topa in amate
mualtung munte uksak a,
amate in lo pan a piangte ne uh hi.
Amate in suang kawmah
khuaitui mu uh a,
suanghol lei sungah
a olive kungte limci hi.
14 A khuipuite le a kealpuite in
noai tam tatak ma pia a,
amate in tuu, keal le khui phabel,
zungtaang phabel le sapittui deitealte nei uh hi.
15 “ Topa ii mite hau uh a,
ahizong Topa leedo uh hi;
amate an khamin thau uh hi.
Amate in a Bitphuapa Pathian taisan uh a,
a vaanglian hunpa nial uh hi.
16 A milim biakna Topa in ensan a;
a pha ngawl a sepna in Topa thin uuksak hi.
17 Amate in pathian tatak ahi ngawl pathiante,
a taanghpupite ii a heak ngawl pathian thakte
Israel te ii a thu a nit ngeingawl pathiante tungah
sangaw biakpiakna vawt uh hi; Ref 32:17 1 Cor 10:20
18 Amate in a vaanglian ngumpa,
amate nuntakna a pia pa, a Pathian mangil uh hi.
19 “Hi thu teng Topa in
a mu ciang a thin uuk a,
a tapate le a tanute nial hi.
20 ‘Amate ka hu nawn buatu hi,’
ama in ci hi;
‘tuasia ciang a thinpuite le
a thumaan ngawl mite tungah
bang piang ziam ka en tu hi.
21 Amate in a milimte taw
ka thin hong uuksak a,
Pathian tatak a hi ngawlte
amate ii pathian a ci uhte taw
ka etsat natu hong vawt uh hi.
Tua ahikom amate thin a uuksak tu in
minam a kici thawthong khat ka zangh tu hi;
a mawmaw minam khat in amate ka ensansak tu hi. Ref 32:21 1 Cor 10:22; Rom 10:19
22 Ka thin uukna sia mei bangin kuang a,
leitung a om na theampo kaangh siat tu hi.
Leinuai dong thengsuk tu a,
mualpeangte zongh kaanghtum siat tu hi.
23 “'Keima in amate tungah
a bo thei ngawl tuasiatnate ka tungsak tu a,
ka thaltang theampo taw amate ka kap tu hi.
24 Amate ngilkial le cisa natna taw thi tu a;
a lauhuai natnate taw thi tu uh hi.
Ngamsa ngilote in amate ka simsak tu a,
ngul ngu neite in ka tusak tu hi.
25 Ngalpi hangin amate lam lai ah thi tu uh a;
a bangkua uh sungah patauna tung tu hi.
Tangvalno le ngaknuno te thi tu uh a;
nausente le khanghaamte zongh kikhoaikhe ngawl tu hi.
26 Keima in amate ka mon siat tu a,
tua hile kuama in amate ciamtee ngawl tu hi.
27 Ahizong amate a hualcip pa
keima ma ka hi ciang
a ngalte in ka mite a zawna thu sia
kiphatsakna in ka neisak thei buatu hi,’ ci hi.
28 “Israel sia khua ngaisutna nei ngawl minam khat hi a;
ciimna bangma nei ngawl hi.
29 Amate in a ngallelna ii
ahang sia mu ngawl a;
thupiangte tel zo ngawl uh hi.
30 Banghangin mi khat in tulkhat zo a,
mi nii bek in tulsawm zo thei ziam?
Topa a Pathian in amate nusia zo hi;
a thahat Pathian in amate koithong zo hi.
31 A ngalte in amate ii
pathiante thazawm a,
a thahat Israel te ii Pathian taw
a kiban ngawlna thu he uh hi.
32 A ngalte Sodom le
Gomorrah bangin tatsia a,
a ngate khaa in ngu a nei
sapitkungte taw kibangin,
33 sapittui sia ngulngu taw
34 “ Topa in a ngalte ii
vawtna teng ciamtee a;
daan a piak hun tu ngak nginge hi.
35 Topa in amate phula in
daan pia tu a;
a kiamsuk tu hun hong pai tu a;
a lal tu ni nai hi. Ref 32:35 Rom 12:19; Heb.10:30
36 A thahatna teng a bo
a mu ciang Topa in a mite suatak tu hi.
Ama in a naseamte a panpui tu
a om ngawl hunlam a mu ciang,
ama na a seamte hesuak tu hi. Ref 32:36a Ps 135:14
37 Tuasia ciang Topa in
a mite tungah,
‘Na suan na muan
tua a thahat pathiante
koisungah om ziam’ ci in dongh tu hi.
38 Noma in na sangaw biakpiakna sathau taw amate na vaak uh a,
a neak tu in sapittui na pia uh hi.
Tu in amate hong hu tu in paisak vun.
Noma hong suatak tu in delsak vun.
39 “ ‘Keima, keima bekma Pathian ka hi hi;
pathian tatak a dang om ngawl hi.
Ka thatlum a, nuntakna ka pia hi,
ka liamsak a, ka damsak hi,
ka nasepte kuama in
hong nalh thei ngawl tu hi.
40 Keima in a nungta Pathian
ka hi takpi bangma in,
ka khut laamin,
41 a tee vazal ka namsau ka taat tu a,
thutang khenna ka musak tu hi,
ci in ka kiciam hi.
Ka ngalte tungah phu ka la tu a,
keima hong ngaimawte daan ka pia tu hi.
42 Ka thaltangte amate chi sungah kidia tu a,
ka namsau in kei hong nalh
theampo that tu hi.
Kei hong dote kuama
ka khoaikhe buatu a;
a liamte le thongtaakte
43 “Minamte awng Topa ii mite
pok hamtang tu nu hi —
ama in ama ii mite
a thatte theampo daan pia hi.
Ama in a ngalte phula a,
a mite mawnate maisak hi.” Ref 32:43 Rom 15:10; Tpl 19:2
44 Moses le Nun tapa Joshua in
Israel mite zaak thei tu in, hi la suut uh hi.
A khakbel Moses ii Kam vaithak
45 Moses in mite tungah Pathian ii hilnate a son zawkciang,
46 ama in, “Tuni in kong piak thupiakte theampo zui hamtang vun. Pathian ii hilnate theampo thumaan takin a zui thei natu in na tate tungah son kikik vun.
47 Hi hilnate kammal thawthong hi ngawl a; na nuntakna tatak uh ahi hi. Tuate zui vun, tua hile na laak tu uh Jordan ngalkhat ngam ah khansau in na nungta tu uh hi,” ci hi.
48 Tua ni ma in Topa in Moses tungah, Ref 32:48-52 Mi 27:12-14; Thkna 3:23-27
49 “Jericho khuapi ii langkhat a om Moab te ngamsung Abarim Mual te ah pai in a, Nebo Mual tungah kaato in, Israel mite ka piak tu Canaan leitang en in.
50 Na suapuipa Aaron ii Hor Mual tungah a thi bangin tua mual tungah na thi tu hi,
51 banghang ziam cile note ngeal in Israel mite mai ah keima hong melsia in nong thumaan bua uh hi. Zin ngampa sung Kadesh khua nai tui omna Meribah ah na om uh lai in, mite mai ah kei nong zatak vawt bua uh hi.
52 Tua ngam sia na ngal et tu a, ahizong Israel mite ka piak tu ngam sungah na tum buatu hi,” ci hi.