2
1 ယမ့ၢ်ဒၣ်ၡၤရိၣ်အဖီတၤဆှုၣ်အမံၤတဖီးလၢပှၢ်လၢ်ကျါ, ဒီးဖီဒ့ၣ်ညါတဖီးလၢကစၢၢ်အတၢ်တြီၤပူၤလီၤ.
ပိာ်ခွါ
2 ဒ်ဖီဒ့ၣ်ညါတဖီးလၢအအိၣ်လၢတၤဆှုၣ်တဖၣ်အကျါအသိးန့ၣ်,
ပှၤလၢယအဲၣ်အီၤတဂၤအိၣ်လၢပိာ်မုၣ်တဖၣ် အကျါလီၤ.
ပိာ်မုၣ်
3 ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်,
ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ.
ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု,
ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.
4 အဝဲဆှၢယၤဆူအတၢ်အီၣ်တၢ်အီအမူးအဒၢး,
ဒီးယူာ်ထီၣ်ထီတၢ်အဲၣ်အနီၣ်တယၢ်လၢ ယဖီခိၣ်န့ၣ်လီၤ.
5 ဒုးဆူၣ်ထီၣ်က့ၤယဂံၢ်ယဘါလၢစပံးသၣ်အဃ့တဖၣ်,
ဒီးမၤကျၢၤထီၣ်က့ၤယသးလၢဖီသၣ်တဖၣ်လီၤ.
အဂ့ၢ်ဒ်အံၤ, ယဂံၢ်ယဘါလီၤစၢ်လၢတၢ်အဲၣ်အဃိလီၤ.
6 အစုစ့ၣ်ဖီၣ်ဃးယကိာ်,
ဒီးအစုထွဲန့ၣ်မၤမုာ်ယၤလီၤ.
7 ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ,
ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.
ပိာ်မုၣ်
8 ယနၢ်ဟူပှၤလၢယအဲၣ်အီၤတဂၤအကလုၢ်န့ၣ်လီၤ.
အဝဲဟဲဃ့ၢ်လၢကစၢၢ်တဖၣ်အလိၤ, ဒီးဃ့ၢ်ခီဂာ်တၢ်လူၢ်ဖိတဖၣ်ဆူယအိၣ်န့ၣ်လီၤ.
9 ပှၤလၢယအဲၣ်အီၤတဂၤလီၤဂာ်ဒ်တၤဟိစဘံတဒု,
လီၤဂာ်ဒ်တၤဃီၤဖါသးစၢ်တဒုအသိးန့ၣ်လီၤ.
အဝဲဆၢထၢၣ်ဝဲလၢတၢ်ဒူၣ်အကပၤ,
ကွၢ်နုာ်တၢ်ခီဖျိပဲတြီဖိတဖၣ်,
ဒီးကွၢ်တကျ့တၢ်ခီဖျိပဲတြီကဘျံးဖိတဖၣ်န့ၣ်လီၤ.
10 ပှၤလၢယအဲၣ်အီၤတဂၤကတိၤတၢ်ဒီးယၤလီၤ.
ပိာ်ခွါ
ဟဲ, ပှၤလၢယအဲၣ်အီၤတဂၤဧၢ,
ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.
11 တၢ်ကိၢ်ခါအကတီၢ်ပူၤကွံာ်လံ, ဒီးတၢ်စူၤအကတီၢ်လၢာ်ကွံာ်လံ,
12 ဖီတဖၣ်ဘိၣ်ထီၣ်ဖးထီၣ်လၢဟီၣ်ခိၣ်အဖီခိၣ်လံန့ၣ်လီၤ.
အအံၤမ့ၢ်တၢ်ဆၢကတီၢ်လၢတၢ်သူၣ်ဝံၣ်သးဆၢအဂီၢ်,
ဒီးပနၢ်ဟူထိၣ်လွံၢ်တဖၣ်ပှ့ၤထီၣ်လၢပကီၢ်ပူၤန့ၣ်လီၤ.
13 ချၢၣ်ဒၢသၣ်တဖၣ်မံထီၣ်လံ,
ဒီးစပံးမုၢ်တဖၣ်ဖီထီၣ်ဒီးအတၢ်နၢမူဒံဝ့ၤဝီၤလၢကလံၤကျါ လီိၤ.
ဟဲ, ပှၤလၢယအဲၣ်အီၤတဂၤဧၢ,
ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.
14 နလီၤဂာ်ဒီးထိၣ်လွံၢ်တဘ့ၣ်လၢအအိၣ်ခူသူၣ်လၢလၢၢ်သ့ၣ်ဖး အကဆူးပူၤ,
ဒီးအိၣ်တဒၢလၢလ့ကဘျၣ်အပူၤန့ၣ်လီၤ.
ဒုးထံၣ်ယၤလၢနမဲာ်ဃံလၤလီၤအဲၣ်လီၤကွံ,
ဒီးပျဲယနၢ်ဟူနကလုၢ်လၢအမုာ်သယုၢ်တက့ၢ်.
15 ဖီၣ်န့ၢ်ထွံၣ်ဟီၣ်ခိၣ်တဖၣ်, ဒီးထွံၣ်ဟီၣ်ခိၣ်ဖိတဖၣ်
တချုးဒံးဘၣ်လၢအဝဲသ့ၣ်မၤဟးဂီၤကွံာ်ပစပံးအလီၢ်လၢအဘိၣ် ထီၣ်ဖးထီၣ်တက့ၢ်.
ပိာ်မုၣ်
16 ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,
17 တုၤလီၤလၢမုၢ်ဂီၤအကလံၤဖိအူထီၣ်,
ဒီးတၢ်ခံးတၢ်နၤဟါမၢ်ကွံာ်ဝဲဒၣ်န့ၣ်လီၤ.
ဟဲက့ၤ, ယတၢ်အဲၣ်သးဘိဧၢ,
ဒ်တၤဟိစဘံတဒုဒီးဒ်တၤဃီၤဖါသးစၢ်တဒုလၢလၢၢ်မုၢ်လ့တီ ကစၢၢ်လိၤအသိးတက့ၢ်.