28
(၂စီၤပၤ ၁၆:၁-၄)
1 စီၤအၤဃးကဲထီၣ်စီၤပၤဖဲအသးအိၣ်အနံၣ်ခံဆံဒီးအဝဲပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ. အဝဲတလူၤပိာ်ထွဲဘၣ်အပၢ်ဖးဒိၣ်လၢပျၢၤစီၤပၤစီၤဒၤဝံးအဒိဂ့ၤ တဲာ်ဘၣ်အခံန့ၣ်ဘၣ်. အခိၣ်တလိာ်အဝဲမၤတၢ်လၢအတဘၣ်ယွၤ အသး,
2 ဒီးလူၤပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံ န့ၣ်လီၤ. အဝဲမၢပှၤမၤထီၣ်ဘဧၤလးအဂီၤတဖၣ်, သိအသးလၢစ့, တိၢ်ဒီးထး,
3 ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.
4 လၢပှၤဘါတၢ်ဂီၤတၢ်ဖီၣ်အတၢ်ဘူၣ်တၢ်ဘါအလီၢ်တဖၣ်မ့ၢ်ဂ့ၤ, လၢတၢ်လူၢ်တဖၣ်အဒီခိၣ်မ့ၢ်ဂ့ၤ, ဒီးလၢကယဲၢ်သ့ၣ်အကဒုတဖၣ်အဖီလာ်မ့ၢ်ဂ့ၤ, စီၤအၤဃးလုၢ်ထီၣ်ပာ်ထီၣ်တၢ်လုၢ်တဖၣ်ဒီးဆူးကဲၤတၢ်နၢမူန့ၣ်လီၤ.
(၂စီၤပၤ ၁၆:၅)
5 မ့ၢ်လၢစီၤပၤစီၤအၤဃးမၤတ့ၢ်တၢ်ဒဲးဘးအဃိ, ယွၤ, အဝဲအကစၢ်ယွၤပျဲကီၢ်စူၤရံအစီၤပၤမၤနၢၤကွံာ်အီၤဒီးက့ၤ ကိးပှၤယူဒၤဖိအါအါဂီၢ်ဂီၢ်ဆူဝ့ၢ်ဒၤမ့ၤစ့းဒ်ပှၤဘၣ်တၢ်စၢဃာ် တဖၣ်အသိးန့ၣ်လီၤ.
6 ယွၤပျဲစ့ၢ်ကီးကီၢ်အံၣ်စရ့လးအစီၤပၤပ့ကးလၢအမ့ၢ်စီၤရမါ လယၤအဖိခွါမၤနၢၤကွံာ်စီၤအၤဃး, ဒီးမၤသံကွံာ်ပှၤယူဒၤဖိလၢအအိၣ်ဒီးတၢ်သူၣ်ဒူသးဒူကတၢၢ် အဂၤတကလီၢ်ခံကလး, လၢတနံၤဃီအတီၢ်ပူၤန့ၣ်လီၤ. ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ပျဲတၢ်အံၤကမၤအသး, မ့ၢ်လၢကီၢ်ယူဒၤအပှၤဂီၢ်မုၢ်လဲၤသဒၣ်ကွံာ်အီၤအဃိန့ၣ်လီၤ.
7 ပှၤအံၣ်စရ့လးဖိအသုးဖိတဂၤလၢအမံၤမ့ၢ်ဝဲစီၤစံးကရံး, မၤသံကွံာ်စီၤပၤအၤဃးအဖိခွါစီၤမၤစ့ယၤ, ဒီးပှၤကွၢ်ထွဲ ပၢဆှၢတၢ်လၢနီပူၤစီၤဧးစရံကၣ်, ဒီးပှၤခံဂၤတဂၤလၢအပၢ ဘၣ်ထံကီၢ်လၢစီၤပၤအဖီလာ်စီၤအ့လကါနၤန့ၣ်လီၤ.
8 ပှၤယူဒၤဖိတဖၣ်မ့မ့ၢ်ပှၤထံဖိကီၢ်ဖိကဒဲကဒဲဒီးအဝဲသ့ၣ် ဒၣ်လဲာ်, ပှၤအံၣ်စရ့လးအသုးမုၢ်ဖီၣ်န့ၢ်ဝဲပှၤပိာ်မုၣ်ဒီးပှၤဖိသၣ်အ ဂၤခံကလး ဒ်ပှၤဘၣ်တၢ်စၢဃာ်အသိး, ဒီးက့ၤကိးအဝဲသ့ၣ်ဆူ ကီၢ်ၡၤမရံဒီးတၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.
9 ယွၤအဝံတဂၤလၢအအိၣ်ဝဲဆိးဝဲလၢၡၤမရံအဝ့ၢ်ပူၤန့ၣ်အမံၤ မ့ၢ်ဝဲစီၤဧိၤဒ့းန့ၣ်လီၤ. အဝဲဘၣ်သဂၢၢ်ဒီးကီၢ်အံၣ်စရ့လးအသုးမုၢ်လၢအဟဲက့ၤကဒါက့ၤ, ဃုာ်ဒီးအပှၤယူဒၤဘၣ်စၢဃာ်ဖိတဖၣ်, ဖဲအဝဲသ့ၣ်သါကက့ၤနုာ် ဆူဝ့ၢ်ပူၤအခါ, ဒီးအဝဲစံး, “ယွၤ, သုမိၢ်ဖံဖုလၢပျၢၤတဖၣ်အကစၢ်ယွၤ, သးဒိၣ်ထီၣ်ဘၣ်ကီၢ်ယူဒၤဒီးပျဲသုမၤနၢၤအဝဲသ့ၣ်, ဘၣ်ဆၣ်, ခဲကနံၣ်အံၤအဝဲနၢ်ဟူတ့ၢ်တၢ်မၤသံအၢအၢသီသီ လၢသုမၤဘၣ်အဝဲသ့ၣ်န့ၣ်လီၤ.
10 ခဲကနံၣ်အံၤ, ပှၤပိာ်ခွါတဖၣ်ဒီးပှၤပိာ်မုၣ်တဖၣ်လၢဝ့ၢ်ယရူၤ ၡလ့ၣ်ဒီးကီၢ်ယူဒၤန့ၣ်, သုပာ်လီၤသုသးလၢသုကဒုးကဲထီၣ်အီၤလၢသုကုၢ်တဖၣ်န့ၣ်လီၤ. မ့ၢ်သုတသ့ၣ်ညါလၢသုဝဲစ့ၢ်ကီးသုမၤတ့ၢ်တၢ်ဒဲဲးဘးတဖၣ်ထီ ဒါယွၤ, သုကစၢ်ယွၤန့ၣ်ဘၣ်ဧါ.
11 ဒိကနၣ်ယၤတက့ၢ်. ပှၤဘၣ်တၢ်စၢဃာ်တဖၣ်အံၤန့ၣ်, မ့ၢ်ဒၣ်သုဒီပုၢ်ဝဲၢ်ခွါတဖၣ်ဒီးသုဒီပုၢ်ဝဲၢ်မုၣ်တဖၣ်န့ၣ် လီၤ. ပျဲအဝဲသ့ၣ်က့ၤက့ၤတက့ၢ်. မ့တမ့ၢ်ဘၣ်ဒီးယွၤကစံၣ်ညီၣ်သုလၢ အတၢ်သးဒိၣ်အပူၤန့ၣ်လီၤ.”
12 ကလံၤစိးအဘီမုၢ်အပှၤတူၢ်ဒိၣ်ကီၤဒိၣ်လွံၢ်ဂၤလၢအမ့ၢ်, စီၤယိဃၤနၣ်အဖိခွါစီၤဧစၤရယၤ, စီၤမၤၡံးလ့မိးအဖိခွါ စီၤဘရ့ကံယၤ, စီၤၡၤလူၣ်အဖိခွါစီၤယဃံးစကံယၤဒီးစီၤဃၤဒလဲအဖိခွါ စီၤဧမါစၤသ့ၣ်တဖၣ်စ့ၢ်ကီး, ထီဒါတၢ်ဖံးတၢ်မၤတဖၣ်လၢသုးမုၢ်မၤဝဲန့ၣ်လီၤ.
13 အဝဲသ့ၣ်စံးဝဲ, “ဟဲက့ၤကိးပှၤဘၣ်စၢဃာ်တဖၣ်ဖဲအံၤတဂ့ၤ. ပမၤဒဲးဘးတ့ၢ်တၢ်ထီဒါယွၤဒီးမၤသးထီၣ်အီၤတုၤလၢကစံၣ် ညီၣ်ပှၤအဂီၢ်န့ၣ်လီၤ. ခဲကနံၣ်အံၤသုအဲၣ်ဒိးမၤတၢ်တမံၤမံၤလၢသုကမၤအါထီၣ်ပတၢ် ကမၣ်န့ၣ်ဧါ.”
14 လၢတၢ်န့ၣ်အဃိသုးမုၢ်ဟ့ၣ်လီၤကွံာ်ပှၤဘၣ်တၢ်စၢဃာ်တဖၣ်ဒီးတၢ် ဂုာ်န့ၢ်တဖၣ်ဆူပှၤဂီၢ်မုၢ်ဒီးအခိၣ်အနၢ်တဖၣ်အစုပူၤ,
15 ဒီးပှၤတူၢ်ဒိၣ်ကီၤဒိၣ်လွံၢ်ဂၤလၢတၢ်ယၢၤထီၣ်တ့ၢ်အမံၤန့ၣ်, ဘၣ်တၢ်ဃုထၢပာ်လီၤအီၤ, လၢကနီၤဟ့ၣ်ပှၤဘၣ်စၢဃာ်တဖၣ်လၢတၢ်ကူ တၢ်သိး, လၢတၢ်ဂုာ်န့ၢ်အကျါန့ၣ်လီၤ. အဝဲသ့ၣ်ဟ့ၣ်လီၤပှၤဘၣ်စၢဃာ်တဖၣ်န့ၣ်လၢတၢ်ကူတၢ်သိးဒီးခီၣ် ဖံးတဖၣ်လၢကကူဝဲသိးဝဲဒီးဒိးဝဲအဂီၢ်, ဟ့ၣ်အီၤတၢ်အီၣ်တၢ်အီလၢလၢပှဲၤပှဲၤလၢကအီၣ်ကအီဝဲအဂီၢ်ဒီး လူလီၤန့ၢ်အဝဲသ့ၣ်အပူၤလီၢ်တဖၣ်လၢသ့ၣ်စၤယံးအသိန့ၣ်လီၤ. ပှၤတဖၣ်လၢအဂံၢ်ဘါစၢ်ကဲၣ်ဆိးလၢကဟးဝဲအဂီၢ်န့ၣ်, ဘၣ်တၢ်ဒုးဒိးအီၤလၢကသ့ၣ်ယီၤတဖၣ်ဒီးကယဲၢ်ပှၤဘၣ်စၢဃာ်ခဲ လၢာ်န့ၣ်ဘၣ်တၢ်ဆှၢကဒါက့ၤအီၤဆူကီၢ်ယူဒၤအလီၢ်ကဝီၤဖဲဝ့ၢ် ယရံၤဃိ, သ့ၣ်စူၣ်ပလိၣ်အဝ့ၢ်န့ၣ်လီၤ. အန့ၣ်ဒီး, ပှၤအံၣ်စရ့လးဖိတဖၣ်က့ၤကဒါဝဲဆူအဟံၣ်အိၣ်လၢကီၢ် ၡၤမရံန့ၣ်လီၤ.
(၂စီၤပၤ ၁၆:၇-၉)
16 စီၤပၤအၤဃးမၢကီၢ်အၤၡူၢ်အစီၤပၤဖးဒိၣ်, စီၤတံးကလးပလ့စ့ၢ်ဆှၢလီၤန့ၢ်အီၤတၢ်မၤစၢၤ,
17 မ့ၢ်လၢပှၤအဒိၣ်ဖိတဖၣ်ဟဲနုာ်လီၤဒုးဆူၣ်ကဒီးကီၢ်ယူဒၤဒီး ဖီၣ်န့ၢ်ပှၤဘၣ်စၢဃာ်အါဂၤအဃိန့ၣ်လီၤ.
18 တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.
19 မ့ၢ်လၢကီၢ်ယူဒၤအစီၤပၤအၤဃးမၤတရီတပါကွံာ်အပှၤဂီၢ်မုၢ် အတၢ်ခွဲးတၢ်ယာ်တဖၣ်ဒီးခီၣ်ဆၢဝဲယွၤအဃိ, ယွၤဟဲစိာ်တၢ်ကိၢ်တၢ်ဂီၤလၢကီၢ်ယူဒၤအလိၤန့ၣ်လီၤ.
20 လၢတၢ်ကမၤစၢၤစီၤအၤဃးအလီၢ်န့ၣ်, ကီၢ်အၤၡူၢ်အစီၤပၤဖးဒိၣ် ထီဒါကွံာ်အီၤဒီးဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်န့ၣ်လီၤ.
21 လၢတၢ်န့ၣ်အဃိစီၤအၤဃးဟံးထီၣ်ထူလၢယွၤအတၢ်လုၢ်ဟံၣ်အပူၤ, လၢစီၤပၤအနီပူၤဒီးလၢပှၤဂီၢ်မုၢ်အခိၣ်အနၢ်တဖၣ်အဟံၣ်ပူၤ, ဒီးဟ့ၣ်လီၤဝဲဆူစီၤပၤဖးဒိၣ်အအိၣ်န့ၣ်လီၤ. အန့ၣ်ဒၣ်လဲာ်, တၢ်အံၤတကဲထီၣ်တၢ်မၤစၢၤအီၤဘၣ်.
22 ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.
23 အဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူပှၤစူၤရံဖိတဖၣ်လၢ အမၤနၢၤတ့ၢ်အီၤအကစၢ်တဖၣ်လၢအမၤနၢၤတ့ၢ်အီၤအအိၣ်န့ၣ်လီၤ. အဝဲစံးဝဲ, “ပှၤစူၤရံဖိအကစၢ်တဖၣ်မၤစၢၤတ့ၢ်ကီၢ်စူၤရံ အစီၤပၤတဖၣ်, အဃိယမ့ၢ်လုၢ်ထီၣ်ပာ်ထီၣ်တၢ်ဆူ အဝဲသ့ၣ်အအိၣ်န့ၣ်, ဘၣ်သ့ၣ်သ့ၣ်, အဝဲသ့ၣ်ကမၤစၢၤယၤစ့ၢ်ကီး လီၤ.” တၢ်အံၤဟဲစိာ်တၢ်တတၢးတနါတဖၣ်လၢအဝဲအဖီခိၣ်ံဒီးအပှၤကလုာ် အဖီခိၣ်န့ၣ်လီၤ.
24 အါန့ၢ်တၢ်အံၤ, အဝဲဟံးထီၣ်ကယဲၢ်ယွၤအတၢ်လုၢ်ဟံၣ်အဃၢၤအဃိာ်တ ဖၣ်, ဒီးမၤလီၤကလဲကွံာ်အီၤန့ၣ်လီၤ. အဝဲကးတံာ်ကွံာ်ယွၤအတၢ်လုၢ်ဟံၣ်ဒီးပာ်လီၤတၢ်လုၢ်လီၢ်တဖၣ်လၢ ဝ့ၢ်ယရူၤၡလ့ၣ်အပူၤသကုၤဆးဒးန့ၣ်လီၤ.
25 လၢကယဲၢ်ဝ့ၢ်ဖးဒိၣ်ဒီးဝ့ၢ်ဖိလၢကီၢ်ယူဒၤအပူၤခဲလၢာ်န့ၣ်, အဝဲဘှီထီၣ်ပှၤဘါတၢ်ဂီၤတၢ်ဖီၣ်အတၢ်ဘါလီၢ်တဖၣ်, လၢတၢ်လုၢ်နၢမူတဖၣ်ကဘၣ်တၢ်ဆူးကဲၤအီၤဆူပှၤကလုာ်ဂၤအကစၢ် တဖၣ်အအိၣ်အဂီၢ်န့ၣ်လီၤ. လၢကျဲဒ်အံၤန့ၣ်အဝဲဟဲစိာ်ဃီၤယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်သးထီၣ်ဘၣ်အီၤန့ၣ်လီၤ.
26 ကယဲၢ်တၢ်မၤအသးအဂုၤအဂၤတဖၣ်လၢအဝဲအတၢ်ပၢတၢ်ပြးအပူၤစးထီၣ် လၢအခီၣ်ထံးတုၤလၢအကတၢၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်ယူဒၤဒီးကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.
27 စီၤပၤအၤဃးသံဝဲ, ဒီးဘၣ်တၢ်ခူၣ်လီၤကွံာ်အီၤလၢဝ့ၢ်ယရူၤ ၡလ့ၣ်အပူၤ, ဘၣ်ဆၣ်တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်န့ၣ်ဘၣ်. အဖိခွါစီၤဃံးစကံယၤကဲထီၣ်စီၤပၤလၢအလီၢ်န့ၣ်လီၤ.